أنا فى حيرة شديدة: رينو داستر ولا الاليزيه

[esammam]

السلام عليكم

أفيدونى فى شراء سيارتى الجديده، أنا معى لوجان ومبسوط من التوكيل عشان كده بفكر فى الداستر وفى نفس الوقت الاليزيه ليها جاذبية خاصة بس قلقان جدا جدا من عز العرب، عايز أسمع أرائكم :)

[sonybony]

انا بميل للداستر وعربيه محدش اشتكي منها علاوه علي انك هتعلي عن الارض يا سيدي وكمان ده جر رباعي يعني نقله تانيه وربنا يوفق للي فيه الخير

[ah-elgendy]

طلما انت حابب التوكيل ومبسوط معاهم هات رينو فليونس احسن من الاتنين خصوصا ان داستر مانويل مفيش منها اتوماتك

[Fo1Fo]

سيادتك بتفاضل بين سيارتين مافيش بينهم اى صله . عربيه سيدان وعربيه suv المهم احتياجاتك ؟ هل انت كل يوم تمشى 10-15 كم فى طرق ترابيه وشوارع مكسره ولا عندك مزرعه ولا مشروع فى الصحراء فى الحاله دى هات الداستر ولا هما شارعين ثلاته فيهم مطبات وحفر ومكن أتلاشاهم وكل مشاويرى طرق عاديه وسفر فى الحاله دى ماضيعش متعه ركوبه السيدان علشان شارعين مكسرين وممكن بكره يتسفلتوا . الأليزيه الهاى لاين فيها شويه أوبشن لوموجودين فى عربيه كورى (سيراتو مثلا ) هاتعمل 190الف جنيه الداستر قعدتها مش مريحه صاج الأبواب تحس انه خفيف جدا الأكر والمقابض أكنهم مصنوعين من صاج يكاد يقطع أيدك من حدتهم التابلوه شبه اللوجان مش غنى قوى تابلوه وقلعدة الأليزيه جيده جدا وبالتوفيق . والرابط التالى فيه مقارنه بين العربيتين وواضح ان الأليزيه الهورس باور والعزم وأستهلاك البنزين فى السفر لصالحها والداستر لصالحها الأرتفاع عن الأرض
Compare cars...

[AhmedNaeem]

رينو داستر طبعا
كفاية انك مرتاح للتوكيل , وفعلا هي عربية كويسة ومحدش اشتكي منها
ومبروك مقدما

[Silent~Dream]

بدل الاليزيه هات بيجو 301 اختها فى كل حاجه ماعدا الجنط ال 16 فى البيجو و نواكل زياده فى الاليزيه و توكيل افضل من عز العرب

[esammam]

شكرا على ردودكم جميعا

أنا نسيت أوضح حاجتين:
أولا: أنا فكرت فى ال 301 الأول عشان أبعد عن عزالعرب بس المشكلة إنها وصلت 140 ألف تسليم فورى أو الانتظار شهرين فى نفس الوقت أنا قدامى فرصة أجيب الاليزيه تسليم فورى ب 130 ألف (بس لازم أأكد الحجز النهارده)

ثانيا: قدامى فرصة أجيب الداستر يوم السبت بخصم ألفين جنيه على الأقل

عشان كده أنا محتار :(

[Silent~Dream]

شكرا على ردودكم جميعا

أنا نسيت أوضح حاجتين:
أولا: أنا فكرت فى ال 301 الأول عشان أبعد عن عزالعرب بس المشكلة إنها وصلت 140 ألف تسليم فورى أو الانتظار شهرين فى نفس الوقت أنا قدامى فرصة أجيب الاليزيه تسليم فورى ب 130 ألف (بس لازم أأكد الحجز النهارده)

ثانيا: قدامى فرصة أجيب الداستر يوم السبت بخصم ألفين جنيه على الأقل

عشان كده أنا محتار :(

البيجو 301 و استنى شهر او 2 و تستلم بسعر 136 عادى بس هتاخد عربيه مضمونه تقفيل و جوده و كماليات و تسارع و فرامل ما شاء الله و مفيش وجه مقارنه اصلا بينها و بين الداستر هى افضل بكثير و استخير ربنا و شوف انت عايز ايه

[esammam]

بعد مشكلة الاستاذ اسلام اتحلت مع الاليزيه رجعت افكر فيها تانى ، شكلها احلى من البيجو وارخص منها وكمان تسليم فورى.

[eng.octooo]

سيادتك بتفاضل بين سيارتين مافيش بينهم اى صله . عربيه سيدان وعربيه suv المهم احتياجاتك ؟ هل انت كل يوم تمشى 10-15 كم فى طرق ترابيه وشوارع مكسره ولا عندك مزرعه ولا مشروع فى الصحراء فى الحاله دى هات الداستر ولا هما شارعين ثلاته فيهم مطبات وحفر ومكن أتلاشاهم وكل مشاويرى طرق عاديه وسفر فى الحاله دى ماضيعش متعه ركوبه السيدان علشان شارعين مكسرين وممكن بكره يتسفلتوا . الأليزيه الهاى لاين فيها شويه أوبشن لوموجودين فى عربيه كورى (سيراتو مثلا ) هاتعمل 190الف جنيه الداستر قعدتها مش مريحه صاج الأبواب تحس انه خفيف جدا الأكر والمقابض أكنهم مصنوعين من صاج يكاد يقطع أيدك من حدتهم التابلوه شبه اللوجان مش غنى قوى تابلوه وقلعدة الأليزيه جيده جدا وبالتوفيق . والرابط التالى فيه مقارنه بين العربيتين وواضح ان الأليزيه الهورس باور والعزم وأستهلاك البنزين فى السفر لصالحها والداستر لصالحها الأرتفاع عن الأرض
compare cars...

الكلام عن مقابض وقعدة الداستر دة غللللللللللط جدااا العربية معايا وانا عامل عنها تقريرين وسوقت اكتر من 4 داستر غير عربيتى ومافيش اى حاجة من الى انت بتقولها دة خالص

[Fo1Fo]

الكلام عن مقابض وقعدة الداستر دة غللللللللللط جدااا العربية معايا وانا عامل عنها تقريرين وسوقت اكتر من 4 داستر غير عربيتى ومافيش اى حاجة من الى انت بتقولها دة خالص

الداستر انا شفتها فى معرض سور نادى الزمالك من قبل الثوره معروف ان مقابض الأبواب بتيقى مصنوعه من خامه ليها سمك ودوران ( حواف ملفوفه ) بحيث انك لما تشدها ما تأذيش أيدك اللى شفته فى المعرض ساعتها خامه المقبض رقيقه (وليست ضعيفه ) يعنى تحس بحدتها على الصوابع . اما القاعده والراحه ( وأحساسك بأحتواء الكرسى ليك _ ملموم عليك _ مش هايوقعك من عليه) فدى عمليه نسبيه وكراسى العربيات اللى تحس يأحتوائها للراكب بتبقى زى مقاعد الجين 2 الستروين وال Ds . وخفه الباب دى برضه بتنكرها ولا موجوده؟ والتابلوه مش بتاع لوجان ؟ ولا جايز الحاجات أتغيرت فى السنتين ,من الأخر العمليه نسبيه

[gogo2012]

معى السياره الداستر من سنتين قمه فى الروعه مع العلم انى كنت راكب جولف من قبل لكن فعلا مع الداستر بتحس بقوه السياره - مقابض رفيعه وحاده انا مشوفتهاش دى- كراسى وقاعد جميله - طابلوه يختلف فى الشكل والخامه عن اللوجان بكتير - سياره مرفوعه عن الارض وقياده مريحه - وبالتوفيق

[eng.octooo]

الداستر انا شفتها فى معرض سور نادى الزمالك من قبل الثوره معروف ان مقابض الأبواب بتيقى مصنوعه من خامه ليها سمك ودوران ( حواف ملفوفه ) بحيث انك لما تشدها ما تأذيش أيدك اللى شفته فى المعرض ساعتها خامه المقبض رقيقه (وليست ضعيفه ) يعنى تحس بحدتها على الصوابع . اما القاعده والراحه ( وأحساسك بأحتواء الكرسى ليك _ ملموم عليك _ مش هايوقعك من عليه) فدى عمليه نسبيه وكراسى العربيات اللى تحس يأحتوائها للراكب بتبقى زى مقاعد الجين 2 الستروين وال ds . وخفه الباب دى برضه بتنكرها ولا موجوده؟ والتابلوه مش بتاع لوجان ؟ ولا جايز الحاجات أتغيرت فى السنتين ,من الأخر العمليه نسبيه

لا ماتقارنش واحد شاف العربية فى معرض وواحد سايق العربية ومعاة وعامل بيها اكتر من 8000 ك

مافيش حدة ولا خفة فى المقابض خااااااااالص مريحة جدااااا والكرسى قعدتة ممتازة ( انا 185 سم و 120 ك ) ومرتاح فى الكرسى جدااا بس مافيهاش موضوع الاحتواء دة ( مش كراسى ريكارو هيا)
وكل ما الكرسى يكون محوط جسمك بيديك احساس ب الامان بس بيقلل احساسك ب الراحة ودى حقيقة واى حد ركب جين تو او كراسى ريكارو وركب عربيات سيدان عادية هايعرف الفرق

والباب مش خفيف خالللص ك ماتريال بس هو قفلتة خفيفة ودى حاجة حلوة مش بتحتاج ترزعة مجرد ما تسحبة بيتقفل ب سلاسة لو انت عايز قوة ورزعة فى الباب يبقى جرب تقفل باب لادا مثلا


انا اسف لو اتكلمت كتيير بس الكلام الى حضرتك قلتة مش مظبوط خالص