صيانة العربية بعد اول 1000 كيلو

[mohamedesmail81]

لو سمحتم عايز أعرف هو بعد ما أخلص اول 1000 كيلو ((التليين يعنى )) المفروض انى أغير زيت للعربية او أعملها صيانة لأى حاجة عموما هى العربية لوجان كمان عايز حد يفيدنى لأنى بسمع صوت خبط فى العربية من تحت لما بزود السرعة يعنى مثلا وانا ماشى على التانى بتكون العربية كويسة لحد ما السرعة بتقرب لل 40 المفروض انى بنقل على التالت بس ساعتها بسمع تخبيط كدا فى العربية من تحت مش عارف ده عادى ولو مش كدا أروح للتوكيل الوقتى ولا أستنى صيانة ال 5000

[hesham_tawfiq]

اولا ياباشا الف مبروك على العربيه وكل سنه وانت طيب
الزيت بيتغير فى صيانة العشر الاف كيلو
بالنسبه للخبط دا انا مش عارف هو عامل ازاى بس انا برضه كنت بسمع اصوات غريبه خصوصا لما بكون ماشى على ارض فيها حصى او رمل
وفى الاخر اتاكدت ان الصوت دا صوت الحاجات دى لما بتنطر من الكاوتش فى بطن العربيه

[mohamedesmail81]

اولا : متشكر يا هشام باشا على ردك وكل سنة وانت طيب ثانيا : بالنسبة لصوت الخبط ده مش زى ما حضرتك قولت ده خبط بسيط بحس بيه فى العربية من تحت زى ما شرحت قبل كدا بس بعد ما بنقل للنقلة اللى بعدها بيروح الصوت والعربية بتبئا ناعمة عادى