بفكر في داستر

[samman]

السلام عليكم ...
انا رحت توكيل رينو اسأل علي الداستر و لكن قالوا خلصانة و لو عايزها احجز ب 20 الف و تيجي في خلال شهرين....

انا كنت عايز اشوفها علي الواقع و كمان اشوف ألوانها ممكن فين ...

و هل هناك ميعاد تسليم اقرب في مكان اخر ...

شكرا

[gogo2012]

اسأل عند الطارق

[eng.octooo]

انا اشتريتها من الطارق والتسليم كان بعدها ب 10 ايام ولو تحب انا ممكن اقابل حضرتك وافرجك على العربية وتجربها هيا 4*4 موديل 2014

[sonybony]

اد ايه انت جنتل كتر خيرك الصراحه

[samman]

انا اشتريتها من الطارق والتسليم كان بعدها ب 10 ايام ولو تحب انا ممكن اقابل حضرتك وافرجك على العربية وتجربها هيا 4*4 موديل 2014

شكرا علي الرد و كتر خيرك واضح انك راجل محترم :)
انا سالت في السبع و لقيت واحدة عندهم فرحت و شفتها ...
الصراحه العربية حلوة:
-الفيتس نقلاتة سهله و الدبرياج خفيف بس مشواره طويل
-التبلوة و خامتة مش وحشين.
-حسيت ان الشنطة عرضها اصغؤ سنه من عربيتي مع ان الداستر اعرض ب 10 سم.
-معجبنيش ان الاماكن اللي جنب الاستبن من الفلين. كان المفروض تبقى امتن من كده.

كان عنده عربية واحدة استلام فوري بس انا لسة بجمع المبلغ و ربنا يسهل ...

[EngAhmed13]

هي عربيه جميله ادرسها كويس وشوف اراء ملاكها وبعدين خد قرارك
هي مش فخمه من جوه بس قويه جدا وعمليه كمان

واستنى رأي خبراء الرينو

[abasabnfernas]

ما الفرق بين مودل 2011 و مودل 2014 فى مصر و لو فيه صورة لمودل 2014 أكون شاكر

[samman]

بيقولوا الشكمان بقي لونه نيكل و الشبكة احتمال تتغير و الفرش افضل ....

[starjet_1]

سيارة محترمة جدااااااا والله انا حجزت واحدة 2014 هنا في السعودية لكن 2000 سي سي وطلعت بيها الرصيف جميلها .. وقوية

[abasabnfernas]

فيه داستاراية موكا 2014 موجودة بمعرض اباظة اوتو تريد الى فى نهاية شارع الطيران بالحى السابع , اتفرج عليها براحتك و ان عجبتك أسأل عن الأستاذ محمد الخطيب هيديك تخفيض كويس جدا

[samman]

انا ذهبت الي المعرض و شفتها ..
بس كان عندى سؤال ، لون الكنسول كان فضى بس كل الصور اللى شفتها قبل كده كان لونه بنى ..

[abasabnfernas]

أنا لم أشترى هذه السيارة لأن لون الكنسول كان فضى و كنت حاجز سيارة أخرى موكا مودل 2014 و عندما ذهبت لأستلامها وجدت أن كنسولها ايضا فضى لاكن هذه المرة توكلت على الله , نصيب بقى سبحان الله