حساس الشكمان فى الميجان

[manchestr]

السلام عليكم
انا معايا ميجان هاتشباك و حاسس ان صوت المتور عالى عندى شويه مع العلم ان و انا بكشف عليها و انا بشترى الراجل قالى عايزه حساس شكمان
هل هو ده الى عامل الصوت ولا مالوش علاقه و كنت عايز اعرف سعره خارج التوكيل ؟؟
و انا اسف عندى استفسار تانى با لنسبه للفبر المتغطى بيه المتور و البطاريه دا عندى شبه مفكوك هل دا ليه كلبسات ولا بيتساب كدا؟؟
شكرا و اسف على الاطاله

[Ahmed Selim]

حسب الصوت طالع منين

الفيبر له كلبسات طبعاً......و أشهر واحد عنده الحاجات دي فى الحرفيين أسمه الطيار بيبيع مسامير و كلبسات و خلافه.

[manchestr]

انا كنت عايز اعرف سعره كام و اى ميكانيكى بيركبه ولا لازم متخصص رينوه
و شكرا لاهتمام حضرتك

[Ahmed Selim]

انا كنت عايز اعرف سعره كام و اى ميكانيكى بيركبه ولا لازم متخصص رينوه
و شكرا لاهتمام حضرتك

لو حضرتك بتتكلم على الحساس

أنا معرفش سعره كام بس أى حد بيفهم في رينو يركبه.........بلاش أى ميكانيكي و السلام علشان بس تضمن أنه يبقى راكب صح و ميبوظش حاجة تانية.

[manchestr]

شكرااا
بس كنت عايز اعرف بياثر على ايه حساس الشكمان يعنى احس بايه المفروض

[EngAhmed13]

هو ايه الحساس ده وايه وظيفته وهل موجود في الفلوانس ولا لأه؟

[احمد عبد القاد]

حساس الشكمان هو حساس الأكسيجين وبيكون موجود فى اغلب العربيات

حساس الاكسيجين وظيفته إنه يحدد نسبة البنزين في خليط الهوا و البنزين إلي داخل المحرك ، و دة عن طريق إنه بيقيس كمية الأكسجين إلي خارجة مع العادم ( عشان كدة إسمه حساس شكمان ) ، لو فيه أكسيجين خارج مع العادم يبقى الحريق زايد هوا يبقى يزود البنزين و يستفيد أكتر من أداء المحرك ، و يفضل يضبط في نسبة الخليط لحد ما يبقى مناسب عشان كمان تقليل عملية التلوث .
الكلام دة فايدته في تقليل التلوث و تحسين أداء العربية و الإستفادة القصوى من البنزين و تقليل الإستهلاك

على فكرة ده منقول من كلام الاستاذ فرحات مش كلامى

[karezzzma]

طيب محدش يعرف تمنه كام يا شباب ؟؟

[manchestr]

متابع معاك يا باشا و نفسى اعرف

[odod]

وانا كمان متابع لانى حاسس ان استهلاك البنزين عندى عالى شويه وحاسس ان العربية مكتومة شوية .. مش عارف ده كمان من الحساس ده ولا ﻷ

[mishmishy]

اولا فى 2 حساس مش واحد . الاول فى علبة البيئة والتانى بعدها جهة الموتور . وسعر حساس الاكسجين استيراد حوالى 150 ج . . وموجود فى صقر قريش . . وشكرا

[odod]

اولا فى 2 حساس مش واحد . الاول فى علبة البيئة والتانى بعدها جهة الموتور . وسعر حساس الاكسجين استيراد حوالى 150 ج . . وموجود فى صقر قريش . . وشكرا

شكرا ياباشا لاهتمامك
هل فعلا لو فيهم واحد بايظ ياثر على استهلاك البنزين ويكتم العربية
وهل بيبان اهنى واحد بايظ على الجهاز

[ahmed elhddad]

شكرا ياباشا لاهتمامك
هل فعلا لو فيهم واحد بايظ ياثر على استهلاك البنزين ويكتم العربية
وهل بيبان اهنى واحد بايظ على الجهاز

اه اعتقد ان تلف حساس الاكسجين بيأثر على استهلاك الوقود وتأثيره على عزم المحرك اعتقد قليل
الحساس اللي بعد علبة البيئة اعتقد اغلى من كده متهيئلي الضعف والله اعلم انما الاولاني سعره قليل والله اعلم

الكلبسات سعر الكلبس جنيه وموجود عند اغلب بتوع الاكسسوارات هات الحجم الكبير مش الصغير

[manchestr]

اه اعتقد ان تلف حساس الاكسجين بيأثر على استهلاك الوقود وتأثيره على عزم المحرك اعتقد قليل
الحساس اللي بعد علبة البيئة اعتقد اغلى من كده متهيئلي الضعف والله اعلم انما الاولاني سعره قليل والله اعلم

الكلبسات سعر الكلبس جنيه وموجود عند اغلب بتوع الاكسسوارات هات الحجم الكبير مش الصغير

شكرا جدا يا باشا على الافاده

[drama2501]

حساس الشكمان بتاع الميجان نفس حساس الكليو وثمنه جديد الاصلى 350
وانصحك تجيبه اصلى وسيبك من الاستعمال والصيني ودا طبعا اللى قبل علبه البيئه وهو دا على ما اظن الاهم