استشارة بخصوص عقد ابتدائي

[semsem85]

كان احد زملائي بيستشيرني علي حاجه قولت اسألكم واخد رأيكم
هو بيشتري في عربية لكن فلوسه هتجهز اول شهر 2 قبراير وعاوز يخلص في عربية حالتها كويسه اتفق هو والبائع علي انهم يعملو عقد ابتدائي ويدفع الان 2000 جنيه عربون والباقي يكون في المده المحدده شهر 2 واذا حد رجع في اتفاقه بين الطرفين علي الطرف الذي اخلي بالاتفاق يدفع شرط جزائي للاخر 3000 ج ايه رايكم في الموضوع ده

[airfox]

هو الكلام ده بيحصل بس الفتره اللي شوفتها ماكنتش كبيره كده لو هو ضامن الراجل يعني معرفة ماشي انما لو ما يعرفوش لا بلاش لان اليومين دول مافيش حاجه مضمونه

[semsem85]

لا هو ميعرفهوش وقولتله كده ممكن ينصب عليك قالي ما هو العقد من نسختين ومكتوب فيه بيانات كل شخص وهنصور البطاقة الشخصية وفي شهود علي العقد وهو شايف انه شخص محترم حتي لو نصب عليه هينصب عليه في 2000 ج هيعرف يجيبه لكن العربيه عجباه جدا وبيقول متتعوضش ومش هيلاقي زيها بس

[airfox]

و الله الصراحة مش عارف اقولك ايه لو يقدر يستلف الفلوس و يخلص فيها يبقي احسن الصراحه محدش مضمون ولا عقود ولا صور بطاقة و لقدر الله لو اتنصب عليه و ناوي يرفع قضيه هياخد وقت كتير و يمكن يصرف اكتر من ال2000 علشان يرجعهم

[semsem85]

و الله الصراحة مش عارف اقولك ايه لو يقدر يستلف الفلوس و يخلص فيها يبقي احسن الصراحه محدش مضمون ولا عقود ولا صور بطاقة و لقدر الله لو اتنصب عليه و ناوي يرفع قضيه هياخد وقت كتير و يمكن يصرف اكتر من ال2000 علشان يرجعهم

ربنا يكرمه بس هو في حد بيسلف دلوقتي 70000 الف جنيه مفيش

[ibnelfared]

الفترة كبيرة ولكن ينفع عادى م افيش مشكلة بس المهم ياخد ضمانتة من البائع عشان ما يضيعش عليه المبلغ بس وطالما فى جدية من طرف قريبك يبقى مش هيخاف من الشرط الجزائى

[semsem85]

الفترة كبيرة ولكن ينفع عادى م افيش مشكلة بس المهم ياخد ضمانتة من البائع عشان ما يضيعش عليه المبلغ بس وطالما فى جدية من طرف قريبك يبقى مش هيخاف من الشرط الجزائى

هو ااكيد في جدية من الطرفين بس ايه الضمانات اللي حضرتك شايف ممكن ياخدها من البائع غير العقد وصورة بطاقته

[airfox]

مفيش ضمانه زياده غير وصل امانه و محدش هيكتب علي نفسه وصل امانه هو بقي يروح بيته و يتاكد انه نفس عنوان البطاقه

[semsem85]

مفيش ضمانه زياده غير وصل امانه و محدش هيكتب علي نفسه وصل امانه هو بقي يروح بيته و يتاكد انه نفس عنوان البطاقه

انا من وجهة نظري ان زميلي يدفع 1000 جنيه عربون وفعلا يتاكد من عنوانه وبس كده حتي لو طلع نصاب ميخسرش كتيررر بس لو زميلي هو اللي رجع في كلامه ومشتراش العربية هل البائع ممكن يطالبه بالشرط الجزائي

[Eng_hatemfathy]

معذرة انا مش مقتنع ان الموضوع ده طبيعى لعدة اسباب
اللى عايز يبيع عربية بيبيعها يا اما علشان يخلص فى غيرها يا اما علشان مزنزق قى فلوس وزى ما انا فهمت انه هياخد الفين جنيه ويبقى العربية معاه لحد ما صاحبك يدية سبعين الف بعد 3 شهور او اربعة
طب هوا هيعمل ايه بالالفين دول ولو فعلا مش مزنوق يبقى يدى العربية لصاحبك ويمضوا العقد ويكتب على صاحبك وصل بالسبعين الف
لكن صاحبك يدفع عربون الفين جنيه وياخد ورقة فمع احترامى فاكس وطظ فى العربية انا بقالى 3 سنين بجرى ورا واحد ومعايا وصل امانه ومش عارف اطول حكم ولا فلوس ودفعت تليفونات بتمنهم وطبعا لسه المحامى

قول لصاحبك يا اما يخلص وياخد العربية يا اما يخليه فلوسه فى جيبه واللى اوجد العربية دى هيوجد غيرها وموضوع اللقطة ده اصلا بيخوف

[ibnelfared]

انا من وجهة نظري ان زميلي يدفع 1000 جنيه عربون وفعلا يتاكد من عنوانه وبس كده حتي لو طلع نصاب ميخسرش كتيررر بس لو زميلي هو اللي رجع في كلامه ومشتراش العربية هل البائع ممكن يطالبه بالشرط الجزائي

معلش ممكن حضرتك توضحلى أكتر الأتفاق ماشى أذاى بعد أذنك وضحلى أكتر لأنى مش هاقدر أديك الموق القانونى السيليم غير لما أفهم كل التفاصيل دا بعد أذنك

[semsem85]

هو اللي قالو ان اتفق مع شخص علي انه هيشتري العربيه بعد الكشف عليها اذا كانت تمام هيتم عمل عقد ابتدائي يدفع زميلي 2000 ج للبائع لحجز العربية علي ان يتم دفع الباقي في شهر فبراير وفي شرط جزائي 3000 ج علي الشخص اللي يخل بالاتفاق بس كده

[ibnelfared]

هو اللي قالو ان اتفق مع شخص علي انه هيشتري العربيه بعد الكشف عليها اذا كانت تمام هيتم عمل عقد ابتدائي يدفع زميلي 2000 ج للبائع لحجز العربية علي ان يتم دفع الباقي في شهر فبراير وفي شرط جزائي 3000 ج علي الشخص اللي يخل بالاتفاق بس كده

طيب أنا ما أععرفش هل هايخد منة العربية فى الأربع شهور دى ولا أيه ؟
لأن لو أنه هايدفع عربون وكلام مبدئى بموجب عقد أبتدائى والعربية هاتكون فى حيازة البائع أربعه شهور فدة كلامة غير منطقى لأن ما تزعلش منى هايلملة العربية خردة دا أذا أصلا سلمها ليه لأن العربية ثمنها على ما أتذكر 70000 جنية والقيمة المقدمة 2000 جنية فمبلغ كبير جدا .
أرجوا من قريبك مراجعه موقفة لأن ألى ينتظر 15 يوم شهر بالكتيير لكن ما تزعلش منى مش منطقى هذا الكلام فضلا عن أن العقد صحيح أو لا فبكدة فى خلل أو حلقة ساقطة من الموضوع .

[Akram.Gamal]

بالاضافه لمشاركة الاعضاء 4 شهور فتره كبيره جدا ممكن العربيه يحصل فيها تغييرات جوهريه
انا رأيى صفقه غير مربحه نظرا لكثرة التساؤلات و الغموض فيها

[saddam]

صديقي المواطن
ده كلام غير وطني وغير سليم وغير مقبول بالمرة وأنا بأدلي دلوي بالموضوع ﻷني بعتبر نفسي خبير في عمليات الشراء الغريبة اللي متسمعش عنها واﻹفتكاسات أنا بخترعها وأنا كل عربية بشتريها بطريقة مختلفة عن العربية التانية ﻷن أنا بشتري كله قسط وبشتري من ناس.محترمين جدا ومهندسين وطيارين وحجاج وبشتري من ناس حرامية وبلطجية وحثالات المجتمع بس مش عربيات مسروقة وأنا ممكن أقعد سنتين أخلص في عربية لو عجباني وملهاش أخت لغاية ما أقنع صاحبها يبيعهالي وأنا مستعد أروح معاكم أبص في عين الراجل وأحضر اﻹتفاق مجانا وأديلك خلاصة الخلاصة هل الراجل ده نصاب ولا ده راجل من عينة كلام كتير وكفته مفيش

ولكن النصيحة الحق بلاش منها إفرض وده الغالب صاحبك متدبرش معاه المبلغ بكده راحت عليه فلوسه وصدقني اللي لقاها حيلاقي أحسن منها

ومبدئيا أي عقود أو إيصالات أمانة معليهاش بصمة اﻷصبع فحتضيع نفسك
وعشان تعرف صاحب العربية كاذب أم صادق إنت تقول له أنا حديك 4 آلاف جنيه والباقي في شهر 2 بشرط إختار جراج جنب بيت صاحب العربية وتتحط فيه ويتقال لبتاع الكراج العربية دي متطلعش إلا لو إحنه اﻹثنين جايين لو مرضيش فده نصاب وطبعا إنت معاك عقد إبتدائي بس كاتب فبه إنك مستلمتش العربية فممكن ترفع قضية وتبلغ بسرقة السيارة وهكذا الحلول كثيرة جدا جدا والجعبة مليانه بس نصيحة خليه يسيبه منها أستر وأبرك وكفى الله المؤمنين القتال لما تجهز فلوسه أحسن عشان حينطبق عليه المثل الفاشل صاحب القرش صياد وجايز هي هياها ياخدها ب 67 ألف

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال