رينو فلوينس فيس ليفت أرجو المساعده

[mostafa magdy]

الحمد لله بفضل ربنا و نعمته عليا
حجزت النهارده من المصريه رينو فلوينس فيس ليفت 2014 E3s
رمادي
عندي كام سؤال مش لاقي لهم أي اجابه
ايه الفرق بين ال E3 اللي ب 170 و ال E3s اللي ب 178

و هل فعلا للناس اللي أستلمت العربيه هي 4 جنوط و طاسه أستبن ؟

و ايه تاني المفروض اخده مع العربيه لأنه ملاقيتش معاها دواسات بتاعتها و عايز اعرف ايه اللي من حقي اكون واخده عشان ميتضحكش عليا
أرجو الافاده هستلم بكره ان شاء الله او بعده

[Hany Saad]

الحمد لله بفضل ربنا و نعمته عليا
حجزت النهارده من المصريه رينو فلوينس فيس ليفت 2014 e3s
رمادي
عندي كام سؤال مش لاقي لهم أي اجابه
ايه الفرق بين ال e3 اللي ب 170 و ال e3s اللي ب 178

و هل فعلا للناس اللي أستلمت العربيه هي 4 جنوط و طاسه أستبن ؟

و ايه تاني المفروض اخده مع العربيه لأنه ملاقيتش معاها دواسات بتاعتها و عايز اعرف ايه اللي من حقي اكون واخده عشان ميتضحكش عليا
أرجو الافاده هستلم بكره ان شاء الله او بعده

على حسب معلوماتى أن الفئة اللى ب178 ألف بتزيد فتحة سقف و حساس ركن خلفى
العربية كل فئتها نازل الأستبن جنط حديد مع طاسة
العربية مبتنزلش بدواسات
العربية فيها فى الشنطة ورا عامود حديد قلاووظ علشان تقطر العربية و كوريك و مفتاح عجل فقط لا غير
طبعا الناس اللى أستلمت هتفيد حضرتك أكتر....ألف مبروك الحجز و تستلم على خير أن شاء الله

[mostafa magdy]

أشكرك علي الرد
انا مريت بمأساه و عمليه نصب من معرض أسمه جودي موتورز في مدينه نصر ... في عربيه كورولا و بعتها من زهقي
و مش عايز يتضحك عليا تاني الصراجه
و اتمني بجد محدش يتعامل مع المعرض ده تماما ... لانهم نصابين بمعني الكلمه

[khaled_afandy]

على حسب معلوماتى أن الفئة اللى ب178 ألف بتزيد فتحة سقف و حساس ركن خلفى
العربية كل فئتها نازل الأستبن جنط حديد مع طاسة
العربية مبتنزلش بدواسات
العربية فيها فى الشنطة ورا عامود حديد قلاووظ علشان تقطر العربية و كوريك و مفتاح عجل فقط لا غير
طبعا الناس اللى أستلمت هتفيد حضرتك أكتر....ألف مبروك الحجز و تستلم على خير أن شاء الله

أيضا 6 أيرباج بدلا من 2

[dr_mustang]

أيضا 6 أيرباج بدلا من 2

لا هم 2 ايرباج بس ال6 ايرباج من اول 188000

[mostafa magdy]

هي الفرق فعلا
طلع في ال بارك سينسور خلفي
و فتحه السقف فقط ...
دمتم بخير

[khaled_afandy]

لا هم 2 ايرباج بس ال6 ايرباج من اول 188000

تمام انا مش عارف ليه شوفت البوست على أنها 188 مش 178، رأيى الواحد يدفع 10 زبادة فى سبيل امكانيات أمان إضافية بس المشكلة أن الفئة ب 188 مش بتبقى موجودة فورى غير الوان محدودة لو وجدت

[elmkaneeki]

أشكرك علي الرد
انا مريت بمأساه و عمليه نصب من معرض أسمه جودي موتورز في مدينه نصر ... في عربيه كورولا و بعتها من زهقي
و مش عايز يتضحك عليا تاني الصراجه
و اتمني بجد محدش يتعامل مع المعرض ده تماما ... لانهم نصابين بمعني الكلمه

ايه الي حصل معاك

[MoHaMed HaMeD]

لو سمحت عايز استفسر استفسار
انا روحت اتفرجت ف معرض اباظة وبيبيعها بنفس السعر

انا اتفرجت ع العربية ملاحظتى

اولاً: حسيت الفبر الى جوا العربية ضعيف شوية ويبان فيه التراب بسرعة .
ثانياً: لقيت الجزء الى تحت البابان خارجياً ( العتب) تحسن انى لونه متغير شوية مثقلين عليه حاسه منقط مش ناعم زى بقيت دهان العربية كلها ده مجرد ملاحظات ومنتظر الاجابات

وكمان الاستين جنط عادى و مش ذات جنوط العربية
بس عاماً ماشاء العربية جميلة
وهل ورا فيه سماعات ولا ايه الشكل االى شبه السامعات ده
ده تلفئة e3 169500

[Hany Saad]

لو سمحت عايز استفسر استفسار
انا روحت اتفرجت ف معرض اباظة وبيبيعها بنفس السعر

انا اتفرجت ع العربية ملاحظتى

اولاً: حسيت الفبر الى جوا العربية ضعيف شوية ويبان فيه التراب بسرعة .
ثانياً: لقيت الجزء الى تحت البابان خارجياً ( العتب) تحسن انى لونه متغير شوية مثقلين عليه حاسه منقط مش ناعم زى بقيت دهان العربية كلها ده مجرد ملاحظات ومنتظر الاجابات

وكمان الاستين جنط عادى و مش ذات جنوط العربية
بس عاماً ماشاء العربية جميلة
وهل ورا فيه سماعات ولا ايه الشكل االى شبه السامعات ده
ده تلفئة e3 169500

طبعا بالنسبة للفئة اللى ب188 ألف اللى هى أزيد ب18 ألف جنيه عن اللى ب170 ألف هتاخد بيهم الأتى:
1-فرش جلد أسود كامل
2-فتحة سقف
3-حساس ركن خلفى
4- ستة أيرباجز بدلا من 2 فقط
5-أنوار زينون عالى و واطى متحركة أتوماتيكيا حسب ميل السيارة عن الأرض
6- مراة تعتيم داخلى للإضاءة المبهرة
7-عتب نيكل

أعتقد أخدت كماليات كتيرة و مهمة و عوامل أمان و كلها أصلية تركيب مصنعها و من كبرى الشركات تفوق ال18 ألف بكتير....الواحد بيشترى مرة واحدة...لو إمكانياتك تسمح أنصحك بالفئة دى.....

منصحش قوى بالفئة اللى ب 178 ألف علشان أخد فتحة سقف و حساسات خلفية فقط.....عن الفئة اللى ب170 الف. الفرق مش مهم كفلوس قبال كماليات......

العربية من جوه عبارة عن بلاستيك مغطى بالكاوتش....Rubber touch plastic...و أنا شايفه أنه غنى جدا و شيك...يمكن اللى حضرتك شفتها كانت متربة شوية من الركنه و الشحن

عتب البيبان الخارجى مصنوع من خامة أخرى و لو حضرتك كنت شفت لون فاتح وارد جدا أنك تحس بإختلاف اللون نتيجة إختلاف خامة العتب عن الباب نفسه.....و لكن مش المفروض يكون منقط لو بصيت عليه...يمكن لو مشيت أيدك عليه تحس بكده لأنه فبر محبحب مطلى و دى طبيعته

الجزء اللى ورا ده أكيد مش سماعات و لكنى أعتقد أنه لعمل تدوير هواء (تكييف) للشنطة.....

غالبية الأوروبى بينزل الأستبن معدن مش جنط و الألمانى بينزل عجلة صغيرة تمشيك للأقرب واحد بتاع كاوتش و سرعتك متزدش عن 80 كم....ده طبيعى كده و بيتعمل كتوفير للنفقات أو توفير للمساحة (فى حالة الألمانى) أو كليهما

[MoHaMed HaMeD]

الف شكر ع رد حضرنك انا قولت العتب كده علشان يستحمل الطين والتراب والارضفة وكده

اما عنى اشترى اعلى فئة مش عارف مع انى كنت ناوى ع كورلا 185 بس انا شايف الى 170 مكفيانى صراحا ً بالرغم انى الفئة الهاى لاين تتفوق بالنسبة لي فعدد الايرباج بس وربنا ييسر الامور