هحجز النهاردة فونس 2014 من سمير ريان

[solid_khaled]

يا رجالة اية رأيكم فى سمير ريان الe3 عندو ب 168 و دة احسن سعر فى السوق كنت عندو من شوية عجبنى اللون الفضى مع انى دماغى كانت رايحة للفرانى بس معجبنيش خالص مش عارف لية
هيا العربية لوالدتى بس هاركبها مرتين فى الاسبوع مثلا

هل شركة مصر التأمين كويسين ؟

وهل سمير ريان مضمون عشان سعر العربية أقل الف و نصف عن برة

[amr011111]

سمير ريان مضمون جداً
والميزة عنده انك فى مكان واحد هتعمل كل حاجه
يعنى فيه هناك مندوبين من معظم البنوك ومندوبين من شركتى مصر للتأمين وأليانز
ولما تروح ترخص فى المرور هتروح يدوبك تعلق النمر لان هناك برضه فيه مندوب عنده فى المرور.

[Fast_driver]

سمير ريان كويس و مصر للتامين كويسه و الف مبروك مقدما

[saint2011]

بلاش مصر للتأمين يا باشا شركة زبالة أليانز محترمة جدااا وقناة السويس للتامين ممتازة أيضا

[monamize4]

اختيار موفق

[Eng_hatemfathy]

بص عل السودا حكاية وخليك فى شركة وثاق محترمة وشرعية >تأمين تكافلى < وشغالين مع سمير ريان وبصراحة الراجل ده قمة فى الاحترام عن تجارب مش تجربة
بالتوفيق ان شاء الله وفكر فى السودا ولو مش عنده هيجيبهالك من تحت الارض
انا ساعة الشارك مكنش عنده غير واحده راشة اكصدام وقالى عليها فقلتله ان فى اتنين عند مصرية فى شارع التحرير جابلى واحدة ونزلى عنهم الفين جنيه كمان وجبتله زبون اللتانية على الموقع هنا وجابها منهم برده

لو ناوى تاخد حد من عنده يخلصلك المرور نصيحتى بلاش خليه بس يجيبلك الافراج وانت شق طريقك لان تجربتى فى الشارك كانت سيئة جدا وهوا طبعا بهدل المندوب بس اتعمل عليا شغل السنين ودى كانت اول مرة فى حياتى سواء عربيتى او عربية الوالدة انى اجيب حد معايا وبفضل الله بخلص دايما وطبعا من غير جنيه الا طبعا البريزة او الشلن بتاع البصمة علشان مستناش لما تبرد غير كده مفيش تعريفة
والمرة دى فى الكروز مرضيتش اخد حد وبس دفعت ليهم 50 جنيه علشان الافراجات وجوابات المرور وخلصت لوحدى فى ساعتين ونص بفضل الله

[mhkorayem]

مش عارف ليه يا جماعه أنا لما رحت سمير ريان من 4 أيام مستريحتش خالص
حسيت أن أنا في سوق الخضار
ناس في كل حته واللي بيزعق واللي بيجري وعالم على عالم متفهمش مين بيعمل ايه؟؟
ولما حبيت أسأل على البيرسونا سألت واحد قالي مش بنشتغل في البروتون
طيب ليه ؟؟؟
وكان الرد الجميل اللي مفيش منه: أصلها عربيه مش حلوه ومحبش أبلي بيها زبايني (يا سلام يا عبد السلام ده على أساس أن الجيلي باندينو والأكس باندينو اللي هو بيبعهم جواهر لاتقدر بثمن بيهدي بيها جمهوره الحبيب )
طيب أنا معايا 110.000 ممكن أشتري ؟؟؟ (وفي عقل بالي بقول لنفسي غني يا وحيد)
كان الرد الصاعقه: 110.000 !!!! يعني !!!!! متجيبش حاجه
ممكن نيسان صني الشكل القديم أوتجيب حاجه تعبانه زي الفيرنا ولا اللوجان (تخيلوا ده رد واحد عاوز يبيع )
اللي أنا كنت متخيله أنه ممكن يقولي زود شويا وهات أبترا مثلاً
أو بلاش أتوماتيك وهات بيجو ولا نيو صني
أو حتى يبقى ذكي ويقولي في أفيو وفي لوجان ودي عربيات كويسه برضوا وحلوه ويبتدي يقول فيها أي مزايا من أي نوع
لكن الرد بتاعه بصراحه شلني
قلت في عقل بالي ما هو لازم يكون في ميزه عن بره تخللي الناس دي كلها رايحه تشتري من عنده أكيد سعره أرخص من بره مثلاً
طيب النيسان الصني الشكل القديم بكام لو سمحت؟؟؟؟؟
ومازالت الصدمات مستمره : النيسان الشكل القديم تعمل 108 / 109 / 110 على حسب
أنا بقى : يعني أيه على حسب يعني العربيه بكام ؟؟؟ (وفي عقلي بقول ايه الهبل ده هي ملهاش سعر)
هو: سعرها دلوقتي 109.000 أصل الاسعار بتتغير كل شويه (صباح الهبل هو في كده)
وطبعاً مش عاوز أقل أن السعر ده برضوا مش لقطه لأن ده سعرها في المعارض بره لأني كنت سائل عليها

المهم أن أنا مشيت وأنا مش فاهم هو أزاي بيبيع زي النار كده ونفسي أفهم بجد

[J A G U A R]

موفق فى الاختيار

[Eng_hatemfathy]

مش عارف ليه يا جماعه أنا لما رحت سمير ريان من 4 أيام مستريحتش خالص
حسيت أن أنا في سوق الخضار
ناس في كل حته واللي بيزعق واللي بيجري وعالم على عالم متفهمش مين بيعمل ايه؟؟
ولما حبيت أسأل على البيرسونا سألت واحد قالي مش بنشتغل في البروتون
طيب ليه ؟؟؟
وكان الرد الجميل اللي مفيش منه: أصلها عربيه مش حلوه ومحبش أبلي بيها زبايني (يا سلام يا عبد السلام ده على أساس أن الجيلي باندينو والأكس باندينو اللي هو بيبعهم جواهر لاتقدر بثمن بيهدي بيها جمهوره الحبيب :b4_556:)
طيب أنا معايا 110.000 ممكن أشتري ؟؟؟ (وفي عقل بالي بقول لنفسي غني يا وحيد)
كان الرد الصاعقه: 110.000 !!!! يعني !!!!! متجيبش حاجه
ممكن نيسان صني الشكل القديم أوتجيب حاجه تعبانه زي الفيرنا ولا اللوجان (تخيلوا ده رد واحد عاوز يبيع )
اللي أنا كنت متخيله أنه ممكن يقولي زود شويا وهات أبترا مثلاً
أو بلاش أتوماتيك وهات بيجو ولا نيو صني
أو حتى يبقى ذكي ويقولي في أفيو وفي لوجان ودي عربيات كويسه برضوا وحلوه ويبتدي يقول فيها أي مزايا من أي نوع
لكن الرد بتاعه بصراحه شلني
قلت في عقل بالي ما هو لازم يكون في ميزه عن بره تخللي الناس دي كلها رايحه تشتري من عنده أكيد سعره أرخص من بره مثلاً
طيب النيسان الصني الشكل القديم بكام لو سمحت؟؟؟؟؟
ومازالت الصدمات مستمره : النيسان الشكل القديم تعمل 108 / 109 / 110 على حسب
أنا بقى : يعني أيه على حسب يعني العربيه بكام ؟؟؟ (وفي عقلي بقول ايه الهبل ده هي ملهاش سعر)
هو: سعرها دلوقتي 109.000 أصل الاسعار بتتغير كل شويه (صباح الهبل هو في كده)
وطبعاً مش عاوز أقل أن السعر ده برضوا مش لقطه لأن ده سعرها في المعارض بره لأني كنت سائل عليها

المهم أن أنا مشيت وأنا مش فاهم هو أزاي بيبيع زي النار كده ونفسي أفهم بجد

شكلك وقعت فى واحد لسه جاى من الغيط طازة -طبعا مع كامل الاحترام لريفيين
ولكن ده مش منظر بياع انا اتعاملت مع 3 او 4 هناك ورسيت فى الاخر على واحدة جدعة الدنيا فيها اسمها هدى شعلى نشاط وبتجيب لبن العصفور وبقيت معاها فى اى شروة ليا او لقرايبى ومعارفى وبتعمل معايا واجب بفضل الله

[Batman372]

مبروك مقدما :)
لا تنسى التقرير و الانطباعات ...

[solid_khaled]

الحمد لله تم حجز الفلونس الون الفرانى OYStER GREY الاستلام كمان يومين
كنت بجرب الكاسيت فى عربية عندهم لقيتها طلبة كود دة بيكون اية ؟

وحد عندو الدليل بتاع العربية الواحد يتفرج علية ؟

[monamize4]

مش عارف ليه يا جماعه أنا لما رحت سمير ريان من 4 أيام مستريحتش خالص
حسيت أن أنا في سوق الخضار
ناس في كل حته واللي بيزعق واللي بيجري وعالم على عالم متفهمش مين بيعمل ايه؟؟
ولما حبيت أسأل على البيرسونا سألت واحد قالي مش بنشتغل في البروتون
طيب ليه ؟؟؟
وكان الرد الجميل اللي مفيش منه: أصلها عربيه مش حلوه ومحبش أبلي بيها زبايني (يا سلام يا عبد السلام ده على أساس أن الجيلي باندينو والأكس باندينو اللي هو بيبعهم جواهر لاتقدر بثمن بيهدي بيها جمهوره الحبيب )
طيب أنا معايا 110.000 ممكن أشتري ؟؟؟ (وفي عقل بالي بقول لنفسي غني يا وحيد)
كان الرد الصاعقه: 110.000 !!!! يعني !!!!! متجيبش حاجه
ممكن نيسان صني الشكل القديم أوتجيب حاجه تعبانه زي الفيرنا ولا اللوجان (تخيلوا ده رد واحد عاوز يبيع )
اللي أنا كنت متخيله أنه ممكن يقولي زود شويا وهات أبترا مثلاً
أو بلاش أتوماتيك وهات بيجو ولا نيو صني
أو حتى يبقى ذكي ويقولي في أفيو وفي لوجان ودي عربيات كويسه برضوا وحلوه ويبتدي يقول فيها أي مزايا من أي نوع
لكن الرد بتاعه بصراحه شلني
قلت في عقل بالي ما هو لازم يكون في ميزه عن بره تخللي الناس دي كلها رايحه تشتري من عنده أكيد سعره أرخص من بره مثلاً
طيب النيسان الصني الشكل القديم بكام لو سمحت؟؟؟؟؟
ومازالت الصدمات مستمره : النيسان الشكل القديم تعمل 108 / 109 / 110 على حسب
أنا بقى : يعني أيه على حسب يعني العربيه بكام ؟؟؟ (وفي عقلي بقول ايه الهبل ده هي ملهاش سعر)
هو: سعرها دلوقتي 109.000 أصل الاسعار بتتغير كل شويه (صباح الهبل هو في كده)
وطبعاً مش عاوز أقل أن السعر ده برضوا مش لقطه لأن ده سعرها في المعارض بره لأني كنت سائل عليها

المهم أن أنا مشيت وأنا مش فاهم هو أزاي بيبيع زي النار كده ونفسي أفهم بجد

Facepalm

[moh158]

الحمد لله تم حجز الفلونس الون الفرانى oyster grey الاستلام كمان يومين
كنت بجرب الكاسيت فى عربية عندهم لقيتها طلبة كود دة بيكون اية ؟

وحد عندو الدليل بتاع العربية الواحد يتفرج علية ؟

مبروك مقدما ، بالنسبة الي الكود اتصل بالتوكيل ١٦٢٠٢ و هم هيدهولك

[soha]

هو الكود لإيه؟ أنا لما إستلمت عربيتي لقيت الراديو شغال و القنوات ظاهرة بأسميها علي الشاشة. هل ده معناه إن فيه حاجة غلط عندي في التسليم أو إن الحاجة ملعوب فيها؟

[Batman372]

هو الكود لإيه؟ أنا لما إستلمت عربيتي لقيت الراديو شغال و القنوات ظاهرة بأسميها علي الشاشة. هل ده معناه إن فيه حاجة غلط عندي في التسليم أو إن الحاجة ملعوب فيها؟

مبروك على الفلوانس :)
لا تقلقى ... اعتقد انهم دخلو الكود فى التوكيل قبل التسليم .. لتكون كل حاجه شغاله ...
يستحسن انك تاخدى الكود و تحتفظى به ... لان لو البطاريه فصلت حتحتاجى له ...

تحياتى ...