3 ايام مع الفلوينس = 3 ايام من المتعه الخالصه

[mostafa magdy]

متستغربش من العنوان اوي .. لأنه في النهايه هتقول الراجل ده عنده حق
من 3 شهور حبيت أبيع عشره العمر اوكتافيا A5 بغرض التجديد .. الحمد لله بعتها علي حالتها
دخلت في دوامه اختيار عربيه جديده
الكورولا و كله لعب في دماغي أعتماديه أيه .. سعر إعاده بيع أيه .. توكيل ايه و بتاع ايه
2014 معجبتنيش تقفيلها وحش أوي .. مفيش أي لمسه فخامه من جوه .. من بره شيك .. منخفضه جدا و بهدلت واحد صاحبي من الحك في المطبات
طيب عليك و علي الياباني .. و إن فاتك الياباني مش راجع تاني
جبت ال 2013 .. بمنتهي الامانه عربيه سيئه جدا و لا تستحق تمنها علي الاطلاق
فضلت أركب فيها حاجات بحيث أحبها مفيش !
2000 كيلو عرضتها للبيع و خسرت فيها مبلغ أخشي عليكم من سماعه ( و سلم لي علي سعر إعاده البيع بقا ) .. و الرقم اللي بيعتها بيه كمان كان الحمد لله كويس لدرجه أنه الناس مش مصدقه أني بعتها بالرقم ده !
و جبت الفلوينس استلمت يوم الاربعاء اللي فات الحمد لله
و عامل موضوع عن أستلامها بعد ساعه بالظبط من الاستلام
أنا عايز أقول أنه بمعني الكلمه .. العربيه فخمه و تتحب و سعرها كويس عليها جدا
ثبات و متعه السواقه و عربيه رزينه و وقوره و تشرفك ( بجد الحاجات دي كلها مفقوده في التويوتا )
أنا حسيت اني كنت راكب توكتوك و الوقتي راكب سفينه فضائيه ( بسم الله ما شاء الله )
توفيرها للبزين تقريبا زي التويوتا لحد الوقتي ( و ان كان الوصف متعجل شويه لسه محتاج شويه عشان أحكم )
جوده التقفيل و لمسه الجمال الاوربي واضحه جدا و تحسها حتي لو أنت بتبص علي العربيه من برا
عربيه ذكيه تصميما و تقفيلا و أمكانيات
من الاخر و مش عارف أوصفها لازم تجرب بنفسك و الناس اللي معاها العربيه ( ربنا يبارك لهم جميعا ) هم اللي هيفهمومني أكتر " العربيه عااااايزه تريحك " اه والله .. معموله عشان راحتك
مش عربيه و خلاص أركبها توديني المكان اللي انا عايزه و أبيعها بعد سنتين ثلاثه مخسرش فيها !
أنا كان تفكيري مختلف طالما هركب عربيه ب 180 ألف أقل شويه اكتر شويه يبقي أختار اللي تريحني
وسع العربيه من جوا كمان يخليها تكسب شبابي و عائلي
الشنطه تقريبا أوسع واده في الفئه دي اللي بتضم ( كورولا 2014 و اوبل استرا كوزمو و فلوينس )
التصميم بجد تصميم مدرعه بيديها طبيعه هجوميه لمسه شبابي بس مع فخامه و وقار
أتمني تكون التجربه اللي حكيتها قدر الامكان .. تفيد اي حد مشتت
نصيحتي ليك عشان متدعيش عليا و عشان تكون طلعت بحاجه من الكلام الكتير ده .. روح للي أنت مرتاح له الناس مش هتركب معاك عربيتك .. يعني ان كنت مشيت بدماغي كنت وفرت علي نفسي اللي خسرته في الكورولا لانه كان عجباني الفلوينس من زمان او حتي الاوبل أسترا كوزمو
لكن الحمد لله علي كل حال
و انا تحت امركم في اي حاجه تخص العربيات اللي سوقتها و خصوصا الفلوينس قلبي النابض \
دمتم بخير

[saddam]

صديقي المواطن
بينا نروح القسم إنت بتسرق مني عباراتي وحقوق الملكية الفكرية في وصف فلوانس زي مدرعة والطبيعة الهجومية
ثاني حاجة أحب ألفت نظرك لحاجة الفلوانس فيها عيب خطير موقع برستيجها وجايبنا اﻷرض من الكسوف ولو حبيت تزورني بيها والعيب ده لم يتصلح فإنت مش بتعز صاحبك الوطني
العربية دي شكلها فخم وضخمة وعربية إنكشارية بس للأسف صوت الكلاكس بتاعها عرة ووبيجيب الخزي لصاحبه ولا يليق بيها وشبه كلاكس أفيو ولانوس وعربيات أقل منها في المستوى يعني فيها كلاكس العربيات الكوري وده عيب خطير عربية زي دي لازم لما تدوس كلاكس المنطقة تصحى ولو ماشي على سرعة 180 كلكساتك تفتحلك طريق مش كل شوية مخيط العربية بطقمين فرامل يعدموا عافية العربية
أرجو مراعاة ذلك والتحرك ﻹجراء اللازم ومتخليش برستيجك يوقع إنت عارف أد إيه إنت غالي عليا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[ramymechanics]

ربنا يديم عليك متعة القيادة ويباركلك فيها يا صديقى ان شاء الله

بالنسبة ﻷستاذنا الغالى Saddam أمال لو جه زارك بعربية هيونداى اللى الكلاكس بتاعها عامل زى الولية الى ابنها ضاع منها فالمولد كنت هتقول له أيه :D

[amr011111]

صديقي المواطن
بينا نروح القسم إنت بتسرق مني عباراتي وحقوق الملكية الفكرية في وصف فلوانس زي مدرعة والطبيعة الهجومية
ثاني حاجة أحب ألفت نظرك لحاجة الفلوانس فيها عيب خطير موقع برستيجها وجايبنا اﻷرض من الكسوف ولو حبيت تزورني بيها والعيب ده لم يتصلح فإنت مش بتعز صاحبك الوطني
العربية دي شكلها فخم وضخمة وعربية إنكشارية بس للأسف صوت الكلاكس بتاعها عرة ووبيجيب الخزي لصاحبه ولا يليق بيها وشبه كلاكس أفيو ولانوس وعربيات أقل منها في المستوى يعني فيها كلاكس العربيات الكوري وده عيب خطير عربية زي دي لازم لما تدوس كلاكس المنطقة تصحى ولو ماشي على سرعة 180 كلكساتك تفتحلك طريق مش كل شوية مخيط العربية بطقمين فرامل يعدموا عافية العربية
أرجو مراعاة ذلك والتحرك ﻹجراء اللازم ومتخليش برستيجك يوقع إنت عارف أد إيه إنت غالي عليا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

بصراحه انا عاوز اعمل كلاكس صوته عالى لانه بيبقى له احتياج فى مواقف كتير(ميكروباص واقف فى نص الطريق - توكتوك ) بس المشكله ان العربيه تخرج من الضمان

[mostafa magdy]

صديقي العزيز ... saDDam انت كمان عارف معزتك عندي
صوت الكلاكس فعلا عجيب مش لايق علي شكلها تماما ... لما ازورك طبعا لازم نلاقي حل إن شاء الله
و زود علي الحاجات اللي سرقتها منك
دمتم للنضال .. بقت دمتم للخير :D
ربنا يبارك لكم جميعا و يمتعكم بحياتكم

[تامر.محمد]

صديقي المواطن
بينا نروح القسم إنت بتسرق مني عباراتي وحقوق الملكية الفكرية في وصف فلوانس زي مدرعة والطبيعة الهجومية
ثاني حاجة أحب ألفت نظرك لحاجة الفلوانس فيها عيب خطير موقع برستيجها وجايبنا اﻷرض من الكسوف ولو حبيت تزورني بيها والعيب ده لم يتصلح فإنت مش بتعز صاحبك الوطني
العربية دي شكلها فخم وضخمة وعربية إنكشارية بس للأسف صوت الكلاكس بتاعها عرة ووبيجيب الخزي لصاحبه ولا يليق بيها وشبه كلاكس أفيو ولانوس وعربيات أقل منها في المستوى يعني فيها كلاكس العربيات الكوري وده عيب خطير عربية زي دي لازم لما تدوس كلاكس المنطقة تصحى ولو ماشي على سرعة 180 كلكساتك تفتحلك طريق مش كل شوية مخيط العربية بطقمين فرامل يعدموا عافية العربية
أرجو مراعاة ذلك والتحرك ﻹجراء اللازم ومتخليش برستيجك يوقع إنت عارف أد إيه إنت غالي عليا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ههههههههههههههههههههههههههههههههههه انا فاكر برده اول ما اشتريت الميجان اول ما سمعت الكلاكس بتاعها احتقرته جدا , اول حاجة عملتها اني ركبت فيها الكلاكس اللي كنت شاريه لعربيتي اللي قبلها

[speed_magnum]

اول تجربة شراء كانت في 2008 اشترينا كورولا لينا وللسوق
طلعت معيوبه وضاع سعرها في السوق
تاني تجربه اوبل وبلا سوق بلا وجع دماغ اهم حاجه راحة اللي هيركب والحمد لله برقبة 100 تويوتا

[Ahmed Selim]

ألف مبروك عليك و ربنا يعطيك خيرها و يكفيك شرها إن شاء الله.

بالنسبة للكلاكس........هو بينزل فردة واحدة بس علشان حاجة ليها علاقة بالتلوث الضوضائي فى أوروبا و الدول المتقدمة.

أنا من زمان مركب فردة تانية فى الميجان من الميكانيكون العرب.......و كانت تكلفتها عبيطة......يمكن 80 جم بالتركيب و الضرايب ( الكلام ده فى 2005 أو 2006)

الكلاكس أحسن طبعاً من الأول بس مش اللى يخض اللى قدامك برضه.

لو خايف من موضوع الضمان توكل على الله و ركب فردة تانية.

[ahmedelfeky]

انا بيتهيألي الكلاكس بتاع الفيس ليفت كويس جدا وعلي ما أعتقد dual horn مش فرده واحده انا مادققتش قبل كده بس عامه هو صوته زي كلاكس الزلموكه كده بيييب وصوته عالي جدا ومزعج وينبه اي حد

[mostafa magdy]

انا فعلا حاسس انه dual horn ينبه اللي قدامك كويس بس هسألهم و انا بعمل الصيانه ان شا ءالله
لو في طريقه تعليه شويه ؟

[saddam]

صديقي المواطن
أنا عندي مئات الحلول وليس حلا واحدا والكلاكس لا يخرج السيارة من الضمان قولا واحدا
بكره تنزل التوفيقية وتشتريلي كلاكس طاط أخضر الدولية وتجيبلي كلاكس بوش تايواني ومجموع سعر اﻹثنين واحد ب 135 وواحد ب 85 ولما تجيني تجيبهوملي وأنا أعدلهملك بعد كده مفيش لوري إلا وتيجي عند بابه وتديه الكلاكس المتين وتوريه عذاب السنين
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[saddam]

ربنا يديم عليك متعة القيادة ويباركلك فيها يا صديقى ان شاء الله

بالنسبة ﻷستاذنا الغالى saddam أمال لو جه زارك بعربية هيونداى اللى الكلاكس بتاعها عامل زى الولية الى ابنها ضاع منها فالمولد كنت هتقول له أيه :d

صديقي المواطن
قولا واحدا ولا أقله حاجه ولو جاني بفيرنا ومركب كل فردة جنط مقاس وفيها ملايين العيوب ولا حعلق أصلا والسبب بسيط
وهو إني عربيات الدرجة السادسة والسابعة مش بشغل بالي بيها ولا أعلق عليها ﻷن مرضها لا يرتجى الشفاء منه ولكن لما.تكون عربية وطنيه وأنا حاططها ضمن العربيات الجيدة الوطنية فأي غلطه مش برضاها عليها وبستحق أتعب عليها وأسدي النصيحة لسائقها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[mohammedgido]

سبحان الله مفيش حد ركب العربية دي الا ومدح فيها وبيقول تستحق كل قرش اندفع فيها
بجد كل مرة يزيد حبي لهذه السيارة

[mostafa magdy]

صديقي اارئيس الوطني
أشكرك شكرا جزيلا .. علي نصائحك القيمه لي
أعدك بعد تحديد ميعاد للزياره سأعمل جاهدا علي النزول للتوفيقيه لأن بلادنا العظيمه فعلا محتاجه كلاكس مرعب
الناس ماشيه بتكسر عليا يا ريس :d

[ALshahba]

اول تجربة شراء كانت في 2008 اشترينا كورولا لينا وللسوق
طلعت معيوبه وضاع سعرها في السوق
تاني تجربه اوبل وبلا سوق بلا وجع دماغ اهم حاجه راحة اللي هيركب والحمد لله برقبة 100 تويوتا

تعليق له مغزي كبير فعلا
الاوبل افضل من التويوتا

واحسن حاجه المقطع الاخير من التعليق ....فيه مايريح الناس "اهم حاجه راحة اللي هيركب والحمد لله برقبة 100 تويوتا"