ميجان 2006 ولا جيلى باندينو زيرو

[أميرة بهجت]

السلام عليكم ورحمة الله
بصراحة المنتدى رائع وأفادنى كتير وربنا يجازى كل اللى بيفهم اناس خير ... لكنى لسة محتارة بردو .... معروض عليا ميجان 2006 بتاعت جارنا وهو محترم جدا وانا الصراحة باثق فيه وجبت ميكانيكى يشوفها امبارح ومقالش كلمة زيادة عن اللى اتقالى لى من جارنا كالاتى:
العربية عملت حادثة مما أدى لتغيير الكبوت والرفرف الأمامى فقط دون المساس بأى شئ آخر والعربية عاملة 89 ألف كيلو والعربية مش متهانة والراجل بيعاملها كويس وممكن تمشى بيها كويسة لحد 500 ألف دة غير الرفاهية اللى فيها .... وطبعا أتوماتيك مطلوب فيها 60 آخر كلام ... فياترى ممكن حد يفيدنى فى بعض استفسارات كدة زى مثلا:
1- السعر مناسب ولا لأ؟
2- أجيب باندينو زيرو بنفس السعر واريح دماغى ولا لأ؟
3- ايه الحاجات اللى أغيرها ضرورى فى الميجان لو اشترتها " تيل فرامل ، سير كاتينة ،زيوت ، أو أى حاجة تانية" وياترى العربية بيكون معاها ايه ملحقات؟
4- أنا اتعلمت مانيوال ومعايا الرخصة بس مسوقتش عربية قبل كدة فهل ينفع إنى اسوق أوتوماتيك كدة على طول؟
5- لو فى عربية تانى زيرو كويسة غير البادينو ممكن أجيبها ب60 وارح دماغى من المستعمل؟

آه فى حاجة تانية اتقالت لى بخصوص قطع الغيار انها غالية ومش كل الميكانيكية بيفهموا فيها وان سعر اعادة البيع حيكون اقل بكتير من 60.
وطبعا انا باشكر حضراتكم تانى واتمنى منكم الافادة لانى حارد على جارنا النهاردة واعذرونى على الاستفسارات الكتير.

[M.Radwan]

السلام عليكم ورحمة الله
بصراحة المنتدى رائع وأفادنى كتير وربنا يجازى كل اللى بيفهم اناس خير ... لكنى لسة محتارة بردو .... معروض عليا ميجان 2006 بتاعت جارنا وهو محترم جدا وانا الصراحة باثق فيه وجبت ميكانيكى يشوفها امبارح ومقالش كلمة زيادة عن اللى اتقالى لى من جارنا كالاتى:
العربية عملت حادثة مما أدى لتغيير الكبوت والرفرف الأمامى فقط دون المساس بأى شئ آخر والعربية عاملة 89 ألف كيلو والعربية مش متهانة والراجل بيعاملها كويس وممكن تمشى بيها كويسة لحد 500 ألف دة غير الرفاهية اللى فيها .... وطبعا أتوماتيك مطلوب فيها 60 آخر كلام ... فياترى ممكن حد يفيدنى فى بعض استفسارات كدة زى مثلا:
1- السعر مناسب ولا لأ؟
2- أجيب باندينو زيرو بنفس السعر واريح دماغى ولا لأ؟
3- ايه الحاجات اللى أغيرها ضرورى فى الميجان لو اشترتها " تيل فرامل ، سير كاتينة ،زيوت ، أو أى حاجة تانية" وياترى العربية بيكون معاها ايه ملحقات؟
4- أنا اتعلمت مانيوال ومعايا الرخصة بس مسوقتش عربية قبل كدة فهل ينفع إنى اسوق أوتوماتيك كدة على طول؟
5- لو فى عربية تانى زيرو كويسة غير البادينو ممكن أجيبها ب60 وارح دماغى من المستعمل؟

آه فى حاجة تانية اتقالت لى بخصوص قطع الغيار انها غالية ومش كل الميكانيكية بيفهموا فيها وان سعر اعادة البيع حيكون اقل بكتير من 60.
وطبعا انا باشكر حضراتكم تانى واتمنى منكم الافادة لانى حارد على جارنا النهاردة واعذرونى على الاستفسارات الكتير.

1- لو حضرتك ناوية تجيبي الميجان مينفعش نهااااااااااااااااائي كشف الميكانيكي لازم تعملي كشف كامل في توكيل رينو أو مركز رينو معتمد..هيبقى غالي شوية بس هيطمنك ع العربية.
2- أي عربية عاملة حادثة ابعدي عنها ومتفكريش فيها نهائي.
3- طالما أول مرة تسوقي عربية، هاتي الأول عربية تكون سعرها قليل زي 128 مثلا تدربي عليها وبعدين تجيبي اللى انتي عايزاه..عشان أكيد العربية دي هتتبهدل لأنك لسه بتتعلمي.
4- أنا معرفش أي عربية في مصر اسمها "باندينو".

[تامر.محمد]

بخصوص الميجان دي :
1- لازم كشف التوكيل حتى لو مكلف ( هو ب550 جنيه) , و بالمرة يطمنك بخصوص تأثير الحادثة على جسم العربية نفسه , لو طالت الشاسيه او فتحت ايرباج يبقى بلاش خالص , و كمان حالة تيل الفرامل و الطنابير و الحاجات دي

2- هو بيعمل صيانتها فين ؟ لو في التوكيل يبقى هاتعملي الصيانات في معادها و خلاص , او لو قادر يضمن لك معاد تغييره لطقم الكاتينة بالذات فتغييريه لما ييجي معاده , و الا يبقى هاتعوزي تغيري طقم كاتينة و ده هايكلف الف و شوية

3- سواقة الاتوماتيك سهلة جدا

4- بالنسبة للميكانيكية الميجان عايزة اللي يشتغل فيها يبقى الصنايعي بتاعها فعلا , يعني لو مش في التوكيل او في مركز معتمد يبقى اقل واجب عند حد في صقر قريش

بخصوص المقارنة بين العربيتين :
1- كعربيتين عيب اصلا يتقال كلام زي ده
2- كقطع غيار انا مش عارف قطع غيار الباندينو ايه , بس الميجان غالبا اغلى بس الله اعلم بقد ايه , هي تقريبا بسعر الكوري الجديد حاليا او اقل شوية (الاكسنت ار بي مثلا قطع غيارها اغلى على ما اسمع ) , و متوفرة في التوكيل و برة التوكيل


لو انا مكانك فنظرا للفرق الرهيب بين العربيتين هاجيب الميجان (لو قال الكشف ان حالتها كويسة)

[lidosasa]

البندينو عربية جديدة فى السوق ومش منتشرة ومحدش يعرف عنها حاجة على الرغم إنها نفس العربية الجيلى باندا اللى نزلها غبور من كام سنة لكنه غير إسمها المرة دى لجيلى باندينو . وللعلم اخت العربية الكبيرة اللى هى الإيمجراند 7 واللى تعتبر أيقونة شركة جيلى ناس كتير اشتكت من مشاكل كتير فى أول دفعة نزلت من العربية ومش عارف الدفعات الجديدة الوكيل تلافى عيوبها ولا لاء . فأنا شايف إنك تبعدى تماماً عن البندينو .

[أميرة بهجت]

بخصوص الميجان دي :
1- لازم كشف التوكيل حتى لو مكلف ( هو ب550 جنيه) , و بالمرة يطمنك بخصوص تأثير الحادثة على جسم العربية نفسه , لو طالت الشاسيه او فتحت ايرباج يبقى بلاش خالص , و كمان حالة تيل الفرامل و الطنابير و الحاجات دي

2- هو بيعمل صيانتها فين ؟ لو في التوكيل يبقى هاتعملي الصيانات في معادها و خلاص , او لو قادر يضمن لك معاد تغييره لطقم الكاتينة بالذات فتغييريه لما ييجي معاده , و الا يبقى هاتعوزي تغيري طقم كاتينة و ده هايكلف الف و شوية

3- سواقة الاتوماتيك سهلة جدا

4- بالنسبة للميكانيكية الميجان عايزة اللي يشتغل فيها يبقى الصنايعي بتاعها فعلا , يعني لو مش في التوكيل او في مركز معتمد يبقى اقل واجب عند حد في صقر قريش

بخصوص المقارنة بين العربيتين :
1- كعربيتين عيب اصلا يتقال كلام زي ده
2- كقطع غيار انا مش عارف قطع غيار الباندينو ايه , بس الميجان غالبا اغلى بس الله اعلم بقد ايه , هي تقريبا بسعر الكوري الجديد حاليا او اقل شوية (الاكسنت ار بي مثلا قطع غيارها اغلى على ما اسمع ) , و متوفرة في التوكيل و برة التوكيل


لو انا مكانك فنظرا للفرق الرهيب بين العربيتين هاجيب الميجان (لو قال الكشف ان حالتها كويسة)

طب معلش سؤال ساذج شوية .... هو التوكيل بتاعها فين وياترى باروح فى أى وقت ولا ازم آخد ميعاد والسعر اللى حضرتك قلته دة ثابت؟ وبعدين اصراحة فى ناس بتقول لى مفيش عربية بتروح التوكيل الا ويطلعوا فيها القطط الفطسانة .... ولو فى ميكانيكى حضرتك بتتعامل معاه ممكن ترشحهولى يكون خير

والف شكر على الاهتمام

[أميرة بهجت]

البندينو عربية جديدة فى السوق ومش منتشرة ومحدش يعرف عنها حاجة على الرغم إنها نفس العربية الجيلى باندا اللى نزلها غبور من كام سنة لكنه غير إسمها المرة دى لجيلى باندينو . وللعلم اخت العربية الكبيرة اللى هى الإيمجراند 7 واللى تعتبر أيقونة شركة جيلى ناس كتير اشتكت من مشاكل كتير فى أول دفعة نزلت من العربية ومش عارف الدفعات الجديدة الوكيل تلافى عيوبها ولا لاء . فأنا شايف إنك تبعدى تماماً عن البندينو .

هو انا متفقة جدا مع حضرتك ان اباندينو صينى بقى وضعيفة ... بس الصراحة ازيرو بردو مريح وانا مش لاقية زيرو كويس ب 60 غيرها ... يعنى مثا الاسبارك او الألتو أقل منها

[أميرة بهجت]

انا فعلا كلمت التوكيل وقالت لى لازم أحجز برقم العربية ورقم الشاسيه ... والكشف من غير سمكرة 350 ولو سمكرة 550 .... شكرا جزيلا لحضرتك يا أ.تامر
بس لو قال لى التوكيل انها كويسة ياترى سعرها كدة مناسب

[تامر.محمد]

طب معلش سؤال ساذج شوية .... هو التوكيل بتاعها فين وياترى باروح فى أى وقت ولا ازم آخد ميعاد والسعر اللى حضرتك قلته دة ثابت؟ وبعدين اصراحة فى ناس بتقول لى مفيش عربية بتروح التوكيل الا ويطلعوا فيها القطط الفطسانة .... ولو فى ميكانيكى حضرتك بتتعامل معاه ممكن ترشحهولى يكون خير

والف شكر على الاهتمام

التوكيل فروعه في العبور و المقطم و القطامية و ابو رواش و ده لازم بالحجز
فيه فرينش موتورز مركز معتمد , ده في الرحاب و الشروق و اظن عين شمس و ده باسبقية الحضور
فيه مركز معتمد الميكانيكيون العرب , بس الناس كلها بتشتكي منه جامد

بالنسبة لنقطة القطط الفطسانة , هي مش بالظبط القطط الفطسانة , هي كل حاجة شغالة باداء اقل من نسبة معينة بتتكتب , يعني حاجات بتبقى استهلكت شوية لكن ما باظتش يعني و بيكتبوها , بس مقابل كده المشاكل الحقيقية بتطلع برده و ده المهم خصوصا في الاجزاء الكهربائية مثلا
الناس هنا بتعرف تقرا تقرير التوكيل كويس يعني

بالنسبة للميكانيكي ففيه طارق في الهرم , و فيه الصنايعية بتوع صقر قريش هتلاقي ناس هنا بيتعاملوا مع ناس هناك بس انا باتعامل هناك مع كهربائي بس

[J A G U A R]

انا فعلا كلمت التوكيل وقالت لى لازم أحجز برقم العربية ورقم الشاسيه ... والكشف من غير سمكرة 350 ولو سمكرة 550 .... شكرا جزيلا لحضرتك يا أ.تامر
بس لو قال لى التوكيل انها كويسة ياترى سعرها كدة مناسب

السعر كويس .. بس اهم حاجه حالتها تكون كويسه

[أميرة بهجت]

التوكيل فروعه في العبور و المقطم و القطامية و ابو رواش و ده لازم بالحجز
فيه فرينش موتورز مركز معتمد , ده في الرحاب و الشروق و اظن عين شمس و ده باسبقية الحضور
فيه مركز معتمد الميكانيكيون العرب , بس الناس كلها بتشتكي منه جامد

بالنسبة لنقطة القطط الفطسانة , هي مش بالظبط القطط الفطسانة , هي كل حاجة شغالة باداء اقل من نسبة معينة بتتكتب , يعني حاجات بتبقى استهلكت شوية لكن ما باظتش يعني و بيكتبوها , بس مقابل كده المشاكل الحقيقية بتطلع برده و ده المهم خصوصا في الاجزاء الكهربائية مثلا
الناس هنا بتعرف تقرا تقرير التوكيل كويس يعني

بالنسبة للميكانيكي ففيه طارق في الهرم , و فيه الصنايعية بتوع صقر قريش هتلاقي ناس هنا بيتعاملوا مع ناس هناك بس انا باتعامل هناك مع كهربائي بس

طب معلش لو ممكن عنوان طارق بتاع الهرم ...