مشاكل الكليو لا تنتهى

[haithamhasan38]

السلام عليكم
جبت كليو 2004 اتوماتيك 1400 سى سى مبدئيا غيرت سيير التقسيمة وسير الدينامو و ال3 فلاتر وعملوا 480 جنيه و الميكانيكى شغال طلعلى 2 رومان بلي واحد ثابت والتانى متحرك دول اللى تحت الماتور بيقولى انهم لو فلتوا من مكانهم حيكسروا الصبابات . المهم اخدت الاتنين و روحت للوشاحى فى محطة الرمل لاقيت الاتنين عاملين 550 جنية كلمت الميكانيكى قالى طب هات البلي الثابت ب 150 و سيب المتحرك حيشتغل معاك شوية .
تالت حاجة قاعدة الفتيس اللى بيتركب فيها الشدادات مكسورة . قالى عايزين واحده الأمونيوم و دى حتلاقيها استعمال لان مفيش منها جديد . سالت عليها ب 200 جنية . دة غير فردتين كاوتش اللى مش عارف اجيب انهى نوع و يكون سعره متوسط و كويس .
غير ان فى مفتاح صغير خالص شبة مفتاح الشنيور اللى بتغيرة بيه البونطة و دة خاص بفك الدايرة المعدن اللى متركبة على جنوت العربية عشان تغطى المسامير . لك ان تتخيل صديقى المواطن انة ب 150 جنية حتة مفتاح معفن و دة غالبا حعملة خراطة .
بأمانة زهقت

[tareksakr]

اولا مبروك العربيه ثانيا اي عربيه مستعمله لازم تكشف عليها كويس جدا عشان تعرف هي محتاجه ايه وتقيمه مع سعرها وطبيعي اي عربيه مستعمله هاتشتريها لازم شويت مصاريف تظبيط في حد.د. من 2000ل 3000 جنيه لزوم تظبيط الموتوروالعفشه عشان العربيه تريحك واللي فاهم في العربيات كويس بيكشف علي العربيه اللي هايشتريها كويس ويقدر الشغل الليي هي محتاجاه كويس وتقدير اسعار قطع الغيار والمصنعيات ومقارنته بالسعر المطلوب لتحديد القيمه العادله لتمنها مقارنه بمثيلاتها بنفس الحاله في السوق الكليو عربيه محترمه اعمل صياناتها في مواعيدها وهاتلها قطع غيار اصليه وغير زيت الفتيسالاوتو في مواعيده وهي هتريحك وتستمتع بيها ان شاء الله

[drama2501]

معلش هون على نفسك لكن اى عربيه بتحتاج الصيانه دى
السيور والفلاتر وبلى شدادت السيور وطلمبه المياه ليها عمر وتقريبا بتعوز تتغير كل 60 الف
لكن تأكد الكليو عربيه ممتازه ومتندمش على حاجه عملتها كله نصيب
وقصدك ايه بقاعده الفتيس اللى راكب عليها الشدادت؟
قصدك شداد الموتور اللى تحت؟

[haithamhasan38]

اولا مبروك العربيه ثانيا اي عربيه مستعمله لازم تكشف عليها كويس جدا عشان تعرف هي محتاجه ايه وتقيمه مع سعرها وطبيعي اي عربيه مستعمله هاتشتريها لازم شويت مصاريف تظبيط في حد.د. من 2000ل 3000 جنيه لزوم تظبيط الموتوروالعفشه عشان العربيه تريحك واللي فاهم في العربيات كويس بيكشف علي العربيه اللي هايشتريها كويس ويقدر الشغل الليي هي محتاجاه كويس وتقدير اسعار قطع الغيار والمصنعيات ومقارنته بالسعر المطلوب لتحديد القيمه العادله لتمنها مقارنه بمثيلاتها بنفس الحاله في السوق الكليو عربيه محترمه اعمل صياناتها في مواعيدها وهاتلها قطع غيار اصليه وغير زيت الفتيسالاوتو في مواعيده وهي هتريحك وتستمتع بيها ان شاء الله

والله يا باشا انا واخدها ب 46000 الف بس العربية من جوة وبرة فابريكة و ماتور ممتاز جدا و فتيس على الزيرو بشهادة اكتر من ميكانيكى وصرفت لغاية دلوقتى فى حدود 1000 جنية سير تقسيمة و سير ماتور و طقم فلاتر بالمصنعية و بلى ثابت وفاضل شوية حاجات فى حدود 1200 جنية زى فردتين كاوتش و البلى المتحرك و قاعدة الماتور

[haithamhasan38]

معلش هون على نفسك لكن اى عربيه بتحتاج الصيانه دى
السيور والفلاتر وبلى شدادت السيور وطلمبه المياه ليها عمر وتقريبا بتعوز تتغير كل 60 الف
لكن تأكد الكليو عربيه ممتازه ومتندمش على حاجه عملتها كله نصيب
وقصدك ايه بقاعده الفتيس اللى راكب عليها الشدادت؟
قصدك شداد الموتور اللى تحت؟

تقريبا قاعدة شداد الماتور الالومنيو

[drama2501]

اولا العربيه ما شاء الله جميله ربنا يباركلك فيها وانصحك لو الفلوس متوفره اعمل اي حاجه محتاجه تتعمل لان المشكله بتجيب مشاكل غيرها يعني مثلا مشكله في العفشه تخلي العربيه تترج جامد وده هيأثر بالتأكيد علي قواعد المتور وشداد الموتور وهكذا ومتقلقش من اي حاجه هتلاقي ان شاء الله وحوش في المنتدي هتلاقي بإذن الله حل لكل مشكله

[gym1974]

معلشى اصبر شوية واصرف كمان شوية وبعدين اتفرج على العربية ده والله العظيم ان عايز ابيع عربيتى وصعبان عليا بالتوفيق ان شاء الله

[تامر.محمد]

تغيير طقم الكاتينة لما تشتري عربية ده الطبيعي طالما العربية ما تعرفلهاش صيانات منتظمة في التوكيل او ما شابه
فما تعتبرش انك كده صرفت بسبب الحالة او اي حاجة

الباقي بقى مسألة كشف , و صنايعي