استفسار بخصوص كاسيت الفلونس

[mbasiouny]

السلام عليكم
انا عندى مشكله فى كاسيت العربيه سواء السى دى او الفلاشه او حتى لو بشغل اغانى من الموبايل كل ما ابطل العربيه ترجع الاغنيه من الاول تانى و دى مشكله خصوصا لو انت بتسمع ام كلثوم اقل اغنيه عندها ساعه مش بعرف اوصل لنص الاغنيه و دا غير ان مفيش اوبشن انك تجرى جزء من الاغنيه دا انا حتى مش بعرف اتنقل ما بين الفولدرز لازم اعدى كل الاغانى الى فى الفولدر علشان اوصل للفولدر التانى مش عارف هى دى مشكله عندى انا بس و لا دا عيب فى الفلونس الفيس ليفت
و شكرا

[mbasiouny]

ايه يا جماعه مفيش رد ليه طب هى دى مشكله عامه فى كل الفلونس ولا عندى انا بس انا كلمت مسؤل المبيعات الى اشتريت منه العربيه قالى لاء هى كده دى حاجه لازم تتاقلم عليها العربيه اوربيه و الاوربيين معندهمش اغانى بتقعد بالساعه

[mbasiouny]

مفيس ولا رد على العموم انا متابع و هيأس

[shifo]

حضرتك دى مش مشكلة عامه - انا معايا فيس ليفت والكاسيت شغال عادى بيبتدى من حيث انتهى اخر مقطع بالاغنيه - وفيه اعضاء افاضل قالو قبل كده ان حل المشكله دى فى عرض الفلاشه او السى دى على الكومبيوتر وسيتضح وجود ملف زائد لا يخص الاغانى قم بازالته وستنتهى المشكله
ماتصدقش السيلز كلامه غلط وممكن تحل المشكله جذريا بشكل فنى فى التوكيل - استمتع معاك احلى عربيه غى السوق

[mbasiouny]

الف شكر يا shifo على ردك المحترم و ربنا يطمنك هاجرب انسخ اسطوانه تانيه و ربنا يكرم

[ahmedelfeky]

وانا كمان معايا الفيس ليفت ومابتقابلينيش المشكله دي الاغنيه اللي بيوقف عندها بيشتغل عندها برضه

[ahmedelfeky]

ونصيحه حاول تعتمد علي الفلاشه احسن عشان السي دي مايبوظش انا اول ماستلمت العربيه كنت ناسخ اسطوانه ام بي 3 يعني حوالي 600 ميجا اغاني تقريبا 8 شرايط لمطربين مختلفين المهم كنت كل شويه بقلب من البكره الي في دراع الساوند كنترول ورا الدريكسيون من كتر التقليب السي دي سخن والكاست هنج وشميت ريحه غريبه من ساعتها مابحاولش اشغل سي دي طول مالفلاشه شغاله والحمد لله جربته بعدها بفتره ب سي دي تاني كان زي الفل

[bukla]

السلام عليكم
انا عندى مشكله فى كاسيت العربيه سواء السى دى او الفلاشه او حتى لو بشغل اغانى من الموبايل كل ما ابطل العربيه ترجع الاغنيه من الاول تانى و دى مشكله خصوصا لو انت بتسمع ام كلثوم اقل اغنيه عندها ساعه مش بعرف اوصل لنص الاغنيه و دا غير ان مفيش اوبشن انك تجرى جزء من الاغنيه دا انا حتى مش بعرف اتنقل ما بين الفولدرز لازم اعدى كل الاغانى الى فى الفولدر علشان اوصل للفولدر التانى مش عارف هى دى مشكله عندى انا بس و لا دا عيب فى الفلونس الفيس ليفت
و شكرا

و عليكم السلام و رحمة الله و بركاته
اعتقد ان الأغاني بترجع من الاول علشان انت بتطلع ال سي دي او بتسحب الفلاشه قبل ما تبطل العربيه او تطفي الكاسيت او تفتح الباب بتاعك او بتحط السي دي او الفلاشه بعد ما تدور العربيه جرب ماتعملش اي حاجة من دول و قولي علي النتيجه
اما انك عايز تشغل نفس الاغنيه من نصها فأعتقد ان ده غير متاح الا اذا بطلت العربيه و سيبت السيدي او الفلاشه في مكانها من غير اي تغيير لحد ما تيجي تركب العربيه مره ثانيه و تدورها حتلاقي الاغنيه كملت من اخر حته انت كنت بتسمعها
لكن ممكن تشغل الاغنيه اللي بعدها او بعد بعدها و هكذا عن طريق التنقل بين الاغاني او الفولدرات عن طريق الاسهم من الكونترول يونيت اللي خلف الدريكسيون او من الكاسيت نفسه

[mbasiouny]

و عليكم السلام و رحمة الله و بركاته
اعتقد ان الأغاني بترجع من الاول علشان انت بتطلع ال سي دي او بتسحب الفلاشه قبل ما تبطل العربيه او تطفي الكاسيت او تفتح الباب بتاعك او بتحط السي دي او الفلاشه بعد ما تدور العربيه جرب ماتعملش اي حاجة من دول و قولي علي النتيجه
اما انك عايز تشغل نفس الاغنيه من نصها فأعتقد ان ده غير متاح الا اذا بطلت العربيه و سيبت السيدي او الفلاشه في مكانها من غير اي تغيير لحد ما تيجي تركب العربيه مره ثانيه و تدورها حتلاقي الاغنيه كملت من اخر حته انت كنت بتسمعها
لكن ممكن تشغل الاغنيه اللي بعدها او بعد بعدها و هكذا عن طريق التنقل بين الاغاني او الفولدرات عن طريق الاسهم من الكونترول يونيت اللي خلف الدريكسيون او من الكاسيت نفسه

باشا الف شكر على اهتمامك بالرد بس فى الحقيقه انا مكنتش بشيل السى دى او الفلاشه من مكانها و كل ما اشغل العربيه و يشتغل الكاسيت يبداء من اول اغنيه فى السى دى كانى شيلت السى دى و حطيته تانى نفس الجال مع الفلاشه انا افتكرت ان ممكن يكون فى حاجه فى السيتنجز ممكن اعدلها بس شكلها كده مشكله و محتاجه زياره للتوكيل