الفرق بين فلوانس القديمه والجديدة

[meganelover]

السلام عليكم اخواني الرينوهيين.......
انا استلمت بحمد الله الفلوانس 2014 الفئة الكاملة بدون فتحة سقف وده كالعادة في كل عربياتي لاني مش بحب فتحة السقف و دي تعتبر تالت رينو بعد الميجان و الفلوانس الشكل القديم...يعني مدمن رينو.
انا حاقول لكم علي ما وجدته من فرق بين الشكل القديم والجديد.
1-طبعا الشكل من قدام احلي كتير و له هيبة كده في الدخله.
2-الانوار النهارية حلوة جدا بس لمبات النور الصغير في الفوانيس مش بتنور واللي بينور مكانها لما بتشغل النور لمبات الled .كمان فوانيس الشبورة اصغر فالاضائة بتاعتها اقل.
3-الفوانيس الاماميه رياضيه يعني مش كل الفانوس لامع في اجزاء سوداء.كمان تم اضافة عدسات في الفوانيس ودي ما كانتش موجودة غير في الهاي لاين.
4-الجنوط شكلها الجديد يوحي بالقوة.

وده انطباعي عن الشكل الخارجي....استكمل معاكم انشاء الله باقي الملاحظات عن باقي العربية في وقت قريب....

[ahmedelfeky]

الف مبروك الاستلام وربنا يباركلك فيها خد عندك بقي ياسيدي الفروق بينها وبين الشكل القديم

1-فتيس X-Tronic CVT وده ميزته انه موفر جدا في استهلاك البنزين +عدم الاحساس بالنقلات.
2-الموتور الجديد 115 هورس بور يعني ازيد ب 5 من الموتور القديم وطبعا 16V
3-سير الكاتينه جنزير زي البي ام والمرسيدس مش كاوتش بالتالي مش هيتغير كل شويه اللي اعرفه انه مابيتغيرش خالص او ممكن بعد 120 الف مش متأكد.
4-البوجيهات long life بتتغير كل 100 الف كيلو
5-التكييف احسن من الشكل القديم.
6-عدادات ديجيتال شكلها تحفه طبعا.
7-نظام صوت جديد 3D ARKYMAS صوته احسن بكيتر من الشكل القديم
8-تنجيد الكراسي اتغير وشكله احسن بالاضافه للجزء ال glossy الاسود اللي فوق درج التابلوه تحفه فنيه.
9-زجاج الابواب ملون هو مش فاميه طبعا بس اغمق درجتين من البرابريز مش عارف الشكل القديم كان كده ولا لا
10-طبعا بالاضافه لتغير الشكل من قدام سواء الشكبه أوالفوانيس او الاكصدام زي ماحضرتك تفضلت وقولت.

[raedegypt]

الصور

[ramykandeel]

مع احترامي للجميع ..أنا سألت في التوكيل وفي الطارق ...وكان ردهم إن مفيش فرق في الموتور ولا اي حاجة في التجهيزات الداخلية ...لكن في الشكل الخارج بس ...
أنا مش خبير بس ده رد التوكيل .

شكرا

[ahmedelfeky]

مع احترامي للجميع ..أنا سألت في التوكيل وفي الطارق ...وكان ردهم إن مفيش فرق في الموتور ولا اي حاجة في التجهيزات الداخلية ...لكن في الشكل الخارج بس ...
أنا مش خبير بس ده رد التوكيل .

شكرا

جايز قصدهم الفرق بين 2013 و 2014 لان 2013 فيها الشكل القديم وفيها الشكل الجديد اول استلام للشكل الجديد كان في 2013 شهر ابريل
احنا بنتكلم علي الفروق بين الشكل القديم اللي هو نزل من 2009 لحد مارس 2013 ومع احترامي للمعارض دول مشغلين ناس عندها فكره عن كل العربيات مش كل ماركه تحديداومستحيل التوكيل يقولك ان مفيش اختلاف بين القديمه والجديده غير الشكل من بره الا اذا كان حد مش فاهم اي حاجه


تحياتي

[ALshahba]

الشكل الجديد افضل بمراحل من القديم

[Batman372]

مع احترامي للجميع ..أنا سألت في التوكيل وفي الطارق ...وكان ردهم إن مفيش فرق في الموتور ولا اي حاجة في التجهيزات الداخلية ...لكن في الشكل الخارج بس ...
أنا مش خبير بس ده رد التوكيل .

شكرا

كلام غير صحيح !!!!

كل الفروقات فى المشاركه رقم 2 ...

[Alaa A.Khair]

فعلا الفروق المذكورة صحيحة .. لأن انا اشتريت عربيتي الشكل الجديد في اول ابريل السنة دي 2013

[meganelover]

اضافة كمان للاختلافات .
1- الزجاج مختلف عن الشكل القديم كما ذكر الاخ احمد الفقي...هوه مضاد للشمس زي الميجان 2
2- مفاتيح الزجاج كلها اتوماتيك بخلاف الشكل القديم .كان الزجاج الامامي بس مفتاح اتوماتيك اما الخلفي ضغطه واحده حتي في لوحه مفاتيح السواق.
3- الزجاج في الاربع ابواب فيه وحدات رفع اتوماتيك عند الضغط علي زر الاغلاق مرتين في الكارت زي الميجان 2 وده ما كانش موجود في الشكل القديم .اضافة طبعا لسنسور السيفتي بتاع غلق الزجاج علشان ما يقفلش علي ايد حد.
4- فترة التحكم في رفع الزجاج او تنزيله بعد ايقاف المحرك اطول بكثير من الموديل القديم اللي كان تقريبا 50 ثانية فقط .بعد كده لازم تدور علشان ترفع الزجاج او تنزله.

بس طبعا في عيبين مش عاجبني لازم اقول عليهم
1- السي دي الجديد حساس قوي مش بيشغل سيديهات كوبي بسهولة واذا كانت الcd مخربشه علي خفيف تفضل تقطع.يعني عاوز سيديهات اوريجنال دايما
2- التحكم في السي دي من مفتاح الطارة ضعيف و معظم الوظائف لازم تتحكم فيها من السي دي نفسة.حتي وظيفة الok من العجله الخلفيه في مفتاح الطاره مش مفعلة وانا جربتها في اكتر من عربيه في التوكيل.