سؤال صغير فى ميجان 2

[manchestr]

انا عارف انى ارفتكم بس استحملونى :0002014a:
كان فيه صوت عندى و انا ماشى صوت تخبيط فضلت ورا الصوت دا اسابيع
و اخير الحمد لله وصلتلو طلع من العلبه الى فوق المراياه بتاعت الصالون وفاكيت العلبه
ولاقيت بتاعه كدا سودا فيها فيشا مفكوكه و محطوطه جوا العلبه روحت شايلها و زنقت الفيشه
فى السقف و قفلت العلبه
انا عايز اعرف ايه الى انا شيلتو دا و مهم ولا لاء
والحمد الله الكمبيوتر مكتبش حاجه

[byada10]

ده سنسور النور اللى لو انت مفعله اول ما تدخل فى حته ضلمه النور بيقيد لوحده

[manchestr]

شكرا byada10 على سرعة الرد
بس هل كدا فيه مشاكل ولا عادى
اكيد مش هتفرق معايا انى اشغل النور بأيدى لما ادخل حته ظلمه
انا بستفسر فيه مشاكل اكبر من كدا لا قدر الله اصل انا شيلتها خالص من ماكنها

[drama2501]

انا عارف انى ارفتكم بس استحملونى :0002014a:
كان فيه صوت عندى و انا ماشى صوت تخبيط فضلت ورا الصوت دا اسابيع
و اخير الحمد لله وصلتلو طلع من العلبه الى فوق المراياه بتاعت الصالون وفاكيت العلبه
ولاقيت بتاعه كدا سودا فيها فيشا مفكوكه و محطوطه جوا العلبه روحت شايلها و زنقت الفيشه
فى السقف و قفلت العلبه
انا عايز اعرف ايه الى انا شيلتو دا و مهم ولا لاء
والحمد الله الكمبيوتر مكتبش حاجه

يا باشا العلبه دي اللي فيها نور الصالون ولا ايه وضح اكتر

[manchestr]

يا باشا انا كاتب العلبه الى فى المراياه بتاعت الصالون فى الميجان 2 الى لازقه فى البرريز
الامامى فوق

[Shiref_mohamed]

شوف حضرتك العلبة ديه فيها 3 فيش مش واحده بس
الأولى فيشة حساس الإضائة وديه هتلاقيها راكبه في الحساس المدور الى ملزوق في الزجاج الأمامي
التانية فيشة المراية زاتيه التعتيم (لو شغالة عندك هتبقى الفيشة راكبه في المراية اما لو مش من تجهيزات عربيتك هتلاقيس الفيشة راكب عليها طبه ومتثبته في الجسم المعدن بتاع المراية) واصحابنا الى بيحبو تعديلات الميجان ممكن يشترو مراية ذاتيه التعتيم استيراد ونوصل الفيشة وهتشتغل تمام التمام
الفيشة التالتة والأخيره هي فيشة Humidity Sensor حساس الرطوبه داخل صالون العربية وده بيشتغل فقط مع التكييف Climate Control اما التكييف البكر هتلاقية برضه الفيشه راكب عليها طبه ومتثبته في الشاسيه المعدن
اما الوانهم انا مش فاكرها بصراحه بس انا فاكر ان فيه فيشة رمادي وفيشه حمرا

[mishmishy]

سينسور النور والمطر

[manchestr]

Shiref_mohamed تقريبا انا معنديش ولا حاجه غير حساس النور الاسود و الباقى تجيهزات بس
السؤال فيه ضرر انى فكيته ؟؟

[manchestr]

اشكرك mishmishy باشا

[Shiref_mohamed]

shiref_mohamed تقريبا انا معنديش ولا حاجه غير حساس النور الاسود و الباقى تجيهزات بس
السؤال فيه ضرر انى فكيته ؟؟

لا مفيش ضرر خالص هو بس الاوبشن الى بيشغلها السنسور مش هتشتغل فقط لاغير