كماليات فلوانس فيس ليفت الهاى لاين بالتفصيل....فئة 188 ألف

[Hany Saad]

أنهارده و للصدفة البحتة حبيت أعدى على توكيل رينو سان ستفانو أتفرج شوية على الفلوانس و للصدفة البحتة ألاقى عندهم فئة الهاى لاين الشامبين اللى أنا رفضت أستلمها من أسبوعين.....قعدت ألعب فيها شوية و أسمحولى أنقلكم كمالياتها بالتفصيل:
الأضاءة الخارجية:
١- أضاءة زينون متحرك عدسات نور واطى فقط....بكرر مرة أخرى نور واطى فقط و العالى أضاءة هالوجين فى نصف الفانوس الأخر مع الزينون و بيكون الأتنين منورين مع بعض فى العالى.
٢-الرعاش بينور الزينون مع النصف الأخر من الفانوس و كأنه العالى.
٣-لا يمكن أضاءة الضوء العالى و العربية مطفية، يمكن أضاءة جميع الأضواء عدا العالى.
٤-لأن العدادات فى الطابلوه دايما مضيئة....عند فتح النور الواطى بتظهر لمبة فى الطابلوه لبيان أنك نورت أول درجة على عكس كتير من السيارات كانت بتكتفى بإضاءة العدادات لبيان أنك نورت أول درجة.
٥-أول درجة أضاءة هى ال LED اللى فى الفوج لايت.
٦-يوجد ٢ فوج لايت أمامى
٧-يوجد ٢ فوج لايت خلفى
٨-يوجد day light saving
٩-يوجد حساسات أضاءة تجعل المصابيح تعمل لوحدها عند خفوت الضوء الخارجى.

الأمان:
١٠-العربية فيها ٦ إيرباج، ٢ قدام للسائق و الراكب الأمامى و ٢ جانبى و ٢ خلفى
١١-مساند رأس حديثة رباعية الضبط.
١٢-أحزمة أمان مسبقة الشد pretensioned

الكاوتش
١٣-مقاس الكاوتش ٢٠٥ و مش ٢١٥ و الجنط ١٦.
١٤-نوع الكاوتش جود يير.
١٥-الأستبن حديد مش جنط ألومنيوم.

الحساسات الخلفية
١٦-تم تجربتها و فيها ٣ شرط لكل حساس، تزداد الشرط بزيادة بعد العائق و تقل حتى تصل لشرطة واحدة كلما أقترب العائق....يعنى المجموع ١٢ شرطة...بتبين بعد العائق من كل حساس فيه ٢ حساس من الجنب و ٢ حساس من النصف....لو العائق صغير من خلف العربية فى الناحية الشمال هتلاقى شرط الحساس الشمال مع الصوت هى اللى شغالة....لو العائق كبر شوية ليغطى ٢ حساس مع بعض هتلاقى الأتنين شغالين و كل واحد بيبين بعد العائق عنه...يعنى ممكن الجانبى يبقى شرطتين و النصف شرطة واحدة....فعلا دقيق جدا جدا.....
١٧-رسمة الحساس بيظهر أول ما تجيب R و يكون فيه عائق فى المجال....غير كده مش هيظهر
١٨-صوت الحساس غير أنه متقطع أو ثابت حسب بعد العائق...تستطيع أن تحدد مستوى صوته من الSettings يوجد ٥ مستويات

## فيه تحذير بإضاءة لونه أحمر شديدة جدا و متقطعة فى الشاشة لو حاولت تمشى و فرامل اليد مرفوعة لأعلى....عجبتنى قوى الحركة دى.......

١٩-الفرش الجلد الكامل فوق الروعة و فخم جدا جدا
٢٠- تجليد البيبان من الداخل من البلاستيك الطرى ( كاوتش) و ده بيدى غنو و شياكة للصالون ده غير حلية البيانو الأسود اللى واخده الطابلوه بطوله و كمان عند مخارج التكييف
٢١-نواكل فى مقابض الباب و الفتيس و قاعدة الفتيس.

فتحة السقف
٢٢-فتح و غلق و ميل من الخلف و كله one totch و بتقفل مع الريموت

٢٣- يوجد جيوب فى ظهر الكراسى الأمامية
٢٤- مخرج تكييف خلفى يمكن فتحه و غلقه
٢٥-مخرج ١٢ فولت خلفى
٢٦-مسند يد فى الكنبة الخلفية مع ٢ حامل مشروبات
٢٧-درج الطابلوه غير مبرد...بكرر مره أخرى غير مبرد حتى فى الهاى لاين
٢٨-مفيش مرايات تعتيم داخلى
٢٩-الحمد لله لقيت حامل نظارات موجود
٣٠-أربعة أنوار فى عتب الباب
٣١-نور الصالون أمامى و خلفى و ٣ لمبات منفصلين فى كل منهم و يغلق مع الريموت
٣٢-كل أنوار العربية و الكاسيت و كل شىء يغلق مع الريموت
٣٣-مرايات ضم و ظبط كهربا و تغلق مع الريموت أو البعد عن السيارة مع وجود إشارات فى المرايات.
٣٤-keyless entry
٣٥- نظام start/stop
٣٨-كاسيت من تصميم Arkamys ثلاثى الأبعاد من ٤ سماعات و ٤ تويتر
٣٩-بلوتووث مع media streaming و تحكم كامل فى الكاسيت و التليفون من خلف الدريكسيون
٤٠-شاشة كبيرة و عدادات ديجيتال مضيئة دائما
٤١-مثبت و محدد سرعة
٤٢-follow me home لمدة دقيقة أو اتنين أو تلاتة
٤٣-حساس مطر من ٥ درجات حساسية أكثر من رائع
٤٤-مدخل USB و AUX
45-غلق السنتر بعد الوصول لسرعة ٢٠كم/ساعة
٤٦-فلاشر بيشتغل لوحده مع الفرامل المفاجئة فوق ال٨٠كم/ساعة
٤٧-فرامل ABS, EBD, BA
٤٨-ستائر خلفية و جانبية عدد٣

ده اللى أنا فكره حاليا....هزود لو افتكرت حاجة و تحت أمركم فى أى أستفسار

[moh158]

تقرير رائع، عقبال ما تستلمها و تعمل تقرير احلي :)

[shawke hamed]

تقرير تحفة تسلم ايدك

[ahmedelfeky]

تقرير جميل جدا تسلم ايديك وانا اللي كنت فاكر عندي 6 سماعات ههههههههه

[Hany Saad]

نكمل:
٤٩-حساس صوت فى الكاسيت مع سرعة العربية للتغلب على الضوضاء من ٥ درجات.
٥٠-بخاخات تنظيف للفوانيس الزينون
٥١-أشارات الأنعطاف من درجتين، كسره بسيطه مع مسكه ايدك لتغيير الحاره و سوف تفصل لوحدها بمجرد رفع ايدك و كسره جمده هتثبت الأشاره
٥٢-نظام تنبيه ذكى لأجزاء كثيره من السياره....غير رسمه الأبواب الأربعه المفتوحه و الشنطه....جرب تمشى و شنطة العربية مفتوحة....هتلاقى الشاشة بتنور أحمر تحذير و بشده و مكتوب Boot Open....الكلام ده هيحصل بعد متعدى ٢٠ كم و مش لازم الشنطه تبقى مفتوحه لفوق...كفايه أنها تكون مش قفله فى القفل بتاعها كويس....ده اللى بسميه Smart Car
٥٣-تانك البنزين بيقفل مع السنتر
٥٤-مخدع أوسط من الجلد.
٥٥-شماسات مع مرايات بغطاء و أضاءة شماشات مع فتح غطاء المراية
٥٦-إمكانية غلق أيرباج الراكب الأمامى لتركيب كرسى أطفال.
٥٧-مناطق ISOFIX لتثبيت كراسى الأطفال فى جسم السيارة حسب مواصفات الأتحاد الأوروبى.
٥٨-كنبة خلفية تفتح تلت و تلتين.
٥٩-أربعة زجاج كهربا one touch مع antipinch لأمان الأطفال و مكن رفع و غلق بمجرد الأبتعاد عن السيارة.
٦٠-زر أمان أطفال جنب السائق ذو تحكم كهربى لقفل الأبواب و الشبابيك الخلفية.
٦١-حليات نيكل حول الشبابيك الخارجية.
٦٢-حليات نيكل حول الفوجات و ال LED.
٦٣-حليات بيانو فى قوائم الباب.
٦٤-تجهيزات شبكة علوية فى دواخل الأربع بيبان من أعلى.
٦٥-إمكانية ضبط الدريكسيون فى أربع أتجاهات.
٦٦-ضبط مستوى إضاءة الكشافات من الداخل.
٦٧-ضبط مستوى إضاءة التابلوه من الداخل.
٦٨-كنسول أوسط مع مسند يد.
٦٩-عدد ٢ حامل أكواب أمامى.
٧٠-أماكن تخزين كبيرة فى باكتات الأربع أبواب وإمكانية وضع زجاجات مياه.
٧١-Lumbar Support فى كرسى السائق.

[batour]

الله ينور يا كبير :)

[saddam]

صديقي المواطن
موضوع متكلف ومصروف عليه كلام وخروجة وطالع نازل وداخل خارج وهات وجيب وإفتح نت وإكتب كل ده لخدمة إخوتك الاعضاء في المنتدى الكرام مجانا فجزاك الله خيرا عنهم أجمعين ولا تحرمنا من جديدك ومن مساعيك الحميدة
وهذا ما لزم بيانه ودمتم
وبالتوفيق وإلى.اﻷمام ومن نصر إلى نصر
ودمتم.للنضال

[Silent~Dream]

شكرا على المجهود الجامد جدا ده

[haitham.hesham]

Very Great Effort

[J A G U A R]

تقرير اكتر من رائع

[eleanor]

ربنا يبارك فيك ويخليك للمنتدى
فعلا واضح المجهود اللى حضرتك عملته والف شكر على الموضوع الجامد ده

[Batman372]

مشكور على المجهود الجميل ....
كل ده موجوده فى e3 ما عدا :
- فتحه السقف
- الزينون + بخاخات ( لكن موضوع انه فى الواطى فقط و ليس الرعاش ده شئ غلس )
- يوجد 2 وساده هوائيه فقط
- الجلد الكامل - لكن بها نصف جلد
- حساسات الركن
- حامل النظاره الى فى السقف ...

ان شاء الله تستلم على خير ...
تحياتى ...

[Hany Saad]

الله ينور يا كبير :)

و عليك يا فندم

صديقي المواطن
موضوع متكلف ومصروف عليه كلام وخروجة وطالع نازل وداخل خارج وهات وجيب وإفتح نت وإكتب كل ده لخدمة إخوتك الاعضاء في المنتدى الكرام مجانا فجزاك الله خيرا عنهم أجمعين ولا تحرمنا من جديدك ومن مساعيك الحميدة
وهذا ما لزم بيانه ودمتم
وبالتوفيق وإلى.اﻷمام ومن نصر إلى نصر
ودمتم.للنضال

الله يخليك يا فندم....أشكرك على كلامك المشجع

شكرا على المجهود الجامد جدا ده

ميجيش حاجة جنب مواضيعك

Very Great Effort

Thanks...Glad you liked it

تقرير اكتر من رائع

أشكرك جدا...

ربنا يبارك فيك ويخليك للمنتدى
فعلا واضح المجهود اللى حضرتك عملته والف شكر على الموضوع الجامد ده

الله يخليك يا فندم...ده حضرتك اللى منور الموضوع

مشكور على المجهود الجميل ....
كل ده موجوده فى e3 ما عدا :
- فتحه السقف
- الزينون + بخاخات ( لكن موضوع انه فى الواطى فقط و ليس الرعاش ده شئ غلس )
- يوجد 2 وساده هوائيه فقط
- الجلد الكامل - لكن بها نصف جلد
- حساسات الركن
- حامل النظاره الى فى السقف ...

ان شاء الله تستلم على خير ...
تحياتى ...

الله يخليك....كل فئات العربية تحفة بصراحة....و مبروك لحضرتك مرة أخرى

[MoHaMed HaMeD]

الله ينور ياباشا طيب انا جايب الفئة الى قبل الاخيرة الى هى فتحة سقف يعنى فيها كل ده معدا الزينون والايرباج والفرش الجلد بس صح ولا ايه ياريس

[Hany Saad]

الله ينور ياباشا طيب انا جايب الفئة الى قبل الاخيرة الى هى فتحة سقف يعنى فيها كل ده معدا الزينون والايرباج والفرش الجلد بس صح ولا ايه ياريس

بالإضافة إلى حامل النظارات....هو ده الفرق فقط....