صوت موتور رينو ميجان عالى وغريب ... رأيكوا إيه؟ استشارة فنية

[amgdghazy]

السلام عليكم جميعا السادة الأفاضل

اللينكات المرفقة لصوت الموتور ومش عارف هو كده طبيعى ولا إيه؟

ياريت نصائح سعادتكم علشان أشوف اتصرف إزاى واعمل إيه.

شكرا لردودكم

https://www.youtube.com/watch?v=tiXk_9Eq4xg

https://www.youtube.com/watch?v=ZiLhS3A9ZFQ

https://www.youtube.com/watch?v=LWoJMRww0sY

[عبدالرحمن-جبر]

انا اعتقد انه تاكيهات غير الزيت و جرب و برضه شوف الناس هتقول ايه

[amrelsaqqa]

انا شايف انك مش عارف تزود اصلا عن 2000 او 2500 rpm معرفش الميجان كلها كدة ولا ايه بس ده مش طبيعى طبعا والصوت في السلانسيه غريب جدا

[proff]

السلام عليكم جميعا السادة الأفاضل

اللينكات المرفقة لصوت الموتور ومش عارف هو كده طبيعى ولا إيه؟

ياريت نصائح سعادتكم علشان أشوف اتصرف إزاى واعمل إيه.

شكرا لردودكم

https://www.youtube.com/watch?v=tixk_9eq4xg

https://www.youtube.com/watch?v=zilhs3a9zfq

https://www.youtube.com/watch?v=lwojmrww0sy

بص علي البلي الاول بلي الكباس و بلي الشداد و بلي الدينامو و بعدين بص علي ترس الدفيزور و بعد كده طلمبه الميه
انشاءالله خير

[amgdghazy]

انا شايف انك مش عارف تزود اصلا عن 2000 او 2500 rpm معرفش الميجان كلها كدة ولا ايه بس ده مش طبيعى طبعا والصوت في السلانسيه غريب جدا

مساء الفل
لأ أنا ممكن أزود طبعا بس الفكرة إن كنت عايز أوضح الصوت نفسه من غير ما أدوس بنزين جامد وبعد ما دوست بنزين ولما أشيل رجلى من على الدواسة فيه صوت غريب برضه

[Hany Saad]

بص على طارة السير، بلى الشداد....فيه حاجة منهم مبوشة...

[amgdghazy]

بص على طارة السير، بلى الشداد....فيه حاجة منهم مبوشة...

أبص عليهم إزاى؟
وهم شكلهم إيه؟
ممكن صور ليهم؟

[Hany Saad]

أبص عليهم إزاى؟
وهم شكلهم إيه؟
ممكن صور ليهم؟

لأ مش قصدى حضرتك اللى تبص....قصدى خلى مركز الخدمة اللى بتتعامل معاه يبصلك....هو بيشيل سير التقسيم و يحرك الطارة بأيده و يشوفها مبوشه أو لأ و يشوف بلى الشداد بيعمل صوت و لأ......مكانهم على شمال الموتور مطرح السيور بعد ما تشيل Cover الموتور البلاستيك....مع وجود السير فى مكانه صعب الكشف....المركز بيحل السير و يكشف......

[amgdghazy]

فين وحوش ومشرفين رينو يا جدعان؟

[dedo_ryo]

وإضافه كمان لاراء الزملاء ممكن يكون اللوك بتاع ترس الديفيزر و ممكن لا قدر الله الترس نفسه ...... ياريت ميكانيكي هو اللي يشيكلك عليها و يقولك اللي فيها و ربنا يستر وتبقي بسيطه ان شاء الله

[byada10]

شكله كده غطا التاكيهات فعلا

[titofouda]

ده صوت كمبرسور التكيف وخالى الفنى يبص عليه

[amgdghazy]

بصوا يا جماعة الصوت ده طلع بسبب ترس الفولام = Flywheel
صورته اللى موجود على الكرتونة فى الصورة المرفقة وده بيكون بين الموتور والفتيس
رحت عند عادل رينو فى صقر قريش سمع الصوت قالى ده بسبب ترس موجود بين الفتيس والموتور والترس ده مكسور وسعرالترس 300 جنيه ومصنعيتة 400 جنيه وبالمرة كان حساس الشكمان أو البنزين أو الأكسجين ....*كل واحد وتسميته بقى....* بايظ صلحته بالمرة ونفس المصنعية وسعره 300 جنيه
فك واشتغل والحمد لله طلع هو والحمد لله المشكلة اختفت تماما

أحب أشكر الجميع وياريت المشرف يثبتلنا الموضوع للإستفادة

[Prince_pc]

بص علي البلي الاول بلي الكباس و بلي الشداد و بلي الدينامو و بعدين بص علي ترس الدفيزور و بعد كده طلمبه الميه
انشاءالله خير

كلام مظبوط وصح 100% ، علشان اللي كان حاصل معايا بردوة نفس الكلام وكان فيه صوت (تفتفة) عالي اوي وكان جاي من ناحية سير الكاتينة ، وكان بيعلى مع دوس البنزين بزيادة ومعظم الميكانيكية اللي في الحرفيين بتوع الميجان قالوا احتمال كبير في رولمان بلي الكاتينة ، ولما رحت لعادل في صقر قريش وأول ما سمع الصوت عرف انه صوت الكباس (بتاع التكييف) وقالي روح لكهربائي مش متذكر اسمة بصراحة ، بس لما رحت للكهربائي ده وفك الاكصدام ووصل للكباس قالي ده رولمان بلي الكباس وقالي لازم الكباس كله يتغير وسألت على الكباس لاقيتة ب1400ج ..... ولما قلتلة مش مهم التكييف قالي الكباس ده في الميجان مش للتكييف بس ده بتاع كمان طلبمة المياه والدينامو كلهم مع بعض في سير واحد ، ولما غيرت وش الكباس بس (لاقيتة بالصدفة ، علشان وش الكباس كان فيه بوش) راح الصوت تماما والحمد لله