المراية الضم..اتصلحت لوحدها!

[M.Radwan]

سلام عليكم يا شباب
طبعا كلكم عارفين المرايا الضم ومشاكلها والاعضاء اللى عملوا مواضع على كيفية إصلاحها
من شوية كده سواق غشيم دخل في المرايا اليمين بتاعتي وطلعها لبرا ومن ساعتها مش بتقف في المكان الطبيعي بتاعها ولكن بتكمل المشوار للآخر.
النهاردة بقى حصل موقف غريب جدا! واحد زميلي في الشغل جه ركن جمب عربيتي واظاهر هو مش عارف ان المرايا ضم فراح قفلها بإيده ناحية العربية من باب المحافظة عليها.
أنا نزلت لقيت المرايا اللى ناحية السواق مفتوحة والتانية مقفولة استغربت (أصل أنا بقيت أسيبهم الاتنين مفتوحين عشان بكسل كل شوية أظبط المرايا اللى باظت)
مش عارف ليه قلت أجرب كده يمكن تقف عند الوضع الطبيعي وبالفعل حصل المراد
فضلت أفتحها وأقفلها كذا مرة من هول المفاجأة بس الحمد لله اشتغلت بشكل سليم
نصحيتي لجميع الزملاء: لما المرايا الضم بتاعتك تبوظ لا قدر الله، ابقى أركن جمب واحد صاحبك!

[rotanamasoud]

هههههههههههههههههههههههههه
احلى حاجه اركن جنب واحد صحبك

[dr.hazem]

رب صدفة خير من الف ميعاد :-D

Sent from my Xperia Arc S using Forum Runner

[Silent~Dream]

كويس انها اتصلحت و بتحصل احيانا بس فى حاجات تانيه

[mahmoud_afifi]

مبروك و واضح ان صاحبك نيته خير فعلا

[K.Ossama]

نصحيتي لجميع الزملاء: لما المرايا الضم بتاعتك تبوظ لا قدر الله، ابقى أركن جمب واحد صاحبك!

نصيحة بمليون جنيه

[M.Radwan]

مبروك و واضح ان صاحبك نيته خير فعلا

هو شكله ايده فيها البركة..اللى عنده مشكلة في المرايا يا جماعة ممكن أكلمه يجي يقفلها له، بس الكلام ده بحجز مسبق لو سمحتم