مشكلة تبطيل العربية . برجاء الافادة

[haithamhasan38]

السلام عليكم

انا معايا كليو 2004 اتوماتيك 1400 سى سى عاملة 117 الف

اول ما بدوور العربية تبطل منى . لازم ادوس بنزين شوية عشان اعرف انقل على ال d

المشكلة دى بتحصل معايا لما العربية تبقى باردة او سخنة .

فى كهربائى قالى انة الايدل . وقالى المفروض تغيرة و سعره حوالى 500 جنية . ياترى الكلام دة صح

تانى حاجة العربية بتعمل معايا 140 كليو فى الصفيحة فى الزحمة . معدل كويس ولا وحش واية السبب .

و جزاكم الله خيرا

[أحمد عيسى]

ممكن تقولنا اول اما بتدور ال rpm بيكون على رقم كام وبالنسبة لاستهلاك البنزين هو عالى عن الطبيعى العربية بتعمل تقريبا 190 فى الصفيحة

[aldesha989]

مش شرط طبعآ يتغير ممكن يتنضف تانى حاجه فى حاجات كتير لازم تكشف عليها الاول يعنى البوجيهات عامله كام الف فلتر البنزين طرمبة البنزين سحب العربيه عامل ازاى لانه هيوضح وفعلآ الار بى ام بيكون على كام اول الدواره

[haithamhasan38]

الار بى تقريبا بيوصل الى 1 و ينزل

[haithamhasan38]

انهاردة سألت على الايدل وكاااااااااااااااااااااانت الصدمة (900 جنيها )

[ayman91]

أنا حصلت معايا نفس المشكلة برضه في كليو 2004
العربية مبتدورش بس
وديتها لإتنين ميكانيكية ( زق لما وسطي إتقطم )
ومفيش فايدة محدش عارف يصلحها والعربية راكنة قدام البيت جثة هامدة


المشكلة إني مليش لا في العربيات ولا في السواقة من أساسه فمش عارف حتى لو حد سألني كذا اللي باظ ولا كذا أعمل إيه

ربنا يستر وميكونش فيها مشكلة كبيرة أنا هوديها بكرة التوكيل وربنا يستر

[haithamhasan38]

ربنا معاك . بس التوكيل حراق . ممكن تروح للحرفيين عند واحد اسمة حمدى بييرو و دة عنده كمبيوتر زى بتاع التوكيل

[ayman91]

أنا نفسيا قفلت لأني لسة شاريها يوم الأحد اللي فات وكانت شغالة ربنا يستر وتكون مشكلتها هينة

[ayman91]

أنا لسة راجع من التوكيل

مرضوش يستلموا العربية وعاملوني أسوأ معاملة

عارف حضرتك جليطة بشياكة كدة


....

في النهاية كلفتني جر بس من البيت لأبو رواش وراجع 700 جنيه

صعبت على الراجل بتاع الونش وعملي تخفيض 100 جنيه

بتاع الونش عنده رحمة عنهم

مش عارف إزاي توكيل محترم تجيله عربية على ونش يطلعها على ونش

المهم المفروض إني بكرة رايح صقر قريش

أنا معرفش مين أفضل واحد فياريت لو حد خبرة بالله عليكم شاف كلامي يدلني على حد كويس في صقر
لأنهي هقطرها لهناك (بعد التعاطف ) ب 250 جنيه كمان

يعني داخل في ألف جنيه والعربية مدارتش برضه ....


اللي يعرف حد يا جماعة كويس في صقر وأستاذ ويعرف ربنا

يديني تليفونه سواء خاص أو هنا وجزاكم الله خيرا

[haithamhasan38]

والله بالنسبة للقاهرة اكيد الشباب دلوقتى حيديك نصيحة . لو فى حاجة فى اسكندرية انا تحت امرك . ومعلش يا بوب كل الاستعمال فى اولة لازم تبقى ايدك فيه بعد كده حتستريح تماما .

[proff]

أنا لسة راجع من التوكيل

مرضوش يستلموا العربية وعاملوني أسوأ معاملة

عارف حضرتك جليطة بشياكة كدة


....

في النهاية كلفتني جر بس من البيت لأبو رواش وراجع 700 جنيه

صعبت على الراجل بتاع الونش وعملي تخفيض 100 جنيه

بتاع الونش عنده رحمة عنهم

مش عارف إزاي توكيل محترم تجيله عربية على ونش يطلعها على ونش

المهم المفروض إني بكرة رايح صقر قريش

أنا معرفش مين أفضل واحد فياريت لو حد خبرة بالله عليكم شاف كلامي يدلني على حد كويس في صقر
لأنهي هقطرها لهناك (بعد التعاطف ) ب 250 جنيه كمان

يعني داخل في ألف جنيه والعربية مدارتش برضه ....


اللي يعرف حد يا جماعة كويس في صقر وأستاذ ويعرف ربنا

يديني تليفونه سواء خاص أو هنا وجزاكم الله خيرا

01001718256 عادل زوايا راجل محترم وامين وخبره وابن حلال وحافظ العربيات كويس قوي و بيتهيالي هيكون الموضوع بسيط إن شاء الله

[ayman91]

01001718256 عادل زوايا راجل محترم وامين وخبره وابن حلال وحافظ العربيات كويس قوي و بيتهيالي هيكون الموضوع بسيط إن شاء الله

ربنا يكرمك يا عمدة

أول ما النهار يطلع هكلمه إن شاء الله

[ayman91]

أنا لسة راجع من صقر
العربية إشتغلت وعملتلها صيانة ال 40 ألف كيلو ... ومكنش فيها إلا بوجيهات بس
والصنايعية هناك أساتذة ومخدوش الأرقام اللي أنا متوقعها والله
الحمد لله

[proff]

أنا لسة راجع من صقر
العربية إشتغلت وعملتلها صيانة ال 40 ألف كيلو ... ومكنش فيها إلا بوجيهات بس
والصنايعية هناك أساتذة ومخدوش الأرقام اللي أنا متوقعها والله
الحمد لله

الحمدلله ان الموضوع طلع بسيط