الحلو ما يكملش : الفلوانس بنزين 95

[xname2004]

بقالى حوالى 3 ساعات بحاول أشوف رقم موديل الماتور بتاع الفلوانس علشان اشوف نسبه الانضغاط

نوعا ما موصلتش لحاجه بس وصلت ان الموديل نوع من الاتنين :

K4M

وده المصدر http://www.renault.com/en/Lists/Arch...%20march10.pdf
فى الصفحه 11


او H4M

وده المصدر Renault Samsung SM3 - Wikipedia, the free encyclopedia

و ده مصدر مجمع انها بتنزل بالمحركين
http://www.renault.com/en/Lists/Arch...%20march13.pdf
صفحه 22

و المصدر الاخير ده فيه معلومات حلوه قوى ان نسبه استحواذ رينو ف السوق المصرى 6 % وان فلوانس انتج منها حوالى 300 ألف سياره حتى الآن


المهم وصلت للآخر لنسبه الانضغاظ فى كتالوج الفلوانس ( بس باللغه الرومانى !!! )
http://www.autoevolution.com/pdf/aut...re-2013-ro.pdf
صفحه 11


إن النسبه 1:11
حاولت افهم ان النسبه دى معناها ايه لقيت موضوع هنا فى المنتدى بيوضح ان 11 دى يبقى لازم بنزين 95

التوكيل بيقول انه بيفضل بنزين 95 لكن بيقول لا مشكله من بنزين 92

السؤال لملاك الفلوانس
مكتوب ف الكتالوج ايه ؟
مكتوب على تنك البنزين ايه ؟

[Hany Saad]

الموتور المستخدم H4M و ده نفس موتور نيسان تيدا و قشقاى و جوك
مكتوب على غطاء تنك العربية: Unleaded octane 91-93-95-98
يعنى مش محتاجة نسأل التوكيل ﻷن معلوماته فى أغلب الأحيان غير دقيقة...صانع السيارة موضح النقطة دى تماما منع للقيل و القال و ده نفس اللى كان مكتوب وقت الميحان ii بتاعتى و بقالى 7 سنين بحطلها بنزين 92 و العربية زى الفل فى السحب

[محمد بدر]

والسبورتاج 92 والحمدالله مفيش مشكله

[M.Radwan]

اللى اعرفة إن مفيش مواتير Stock بدون تربو أو تعديلات بتاخد بنزين 95 أصلا! كل ال Stock يتشغل ب 92 أو أقل كمان.

[xname2004]

أعتقد ان الماتور h4m ده المستخدم ف الفلوانس الكورى اللى بتنزل الخليج لأنه نفس الماتور المستخدم ف السياره sm3 اللى هى بالظبط الفلوانس مع اختلاف العلامه فقط

و الماتور k4m هو ف الفلوانس التركى ( لأان بدايه انتاجها كان تركى ) و ده برضه اللى مكتوب فوق ف الaltas بتاع 2010
بس أيا كان انا قصدى ان مكتوب نسبه الانضغاط هى 1:11
أنا مفيش مشكله عندى ان السحب يكون أضعف لأنى مش من النوع اللى بيشد و يطلع ل 100 كيلو فى مش عارف كام ثانيه وكده بس المشكله عندى انى خايف ان ده يأثر على عمر الماتور ( زى ما انا فهمت من الشرح اللى موجود هنا بالمنتدى)

و هل ممكن يكون التوكيل بيطلب من المصنع فى تركيا ( زى مثلا ما بيطلب انه يشيل ال esp ) ان المصنع يحط على غطاء التانك بنزين 91 ؟؟
و لا مثلا بيكون ف حاجه ف سوفتوير العربيه التوكيل بيظبطها ان البنزين 92 يمشى عادى ؟؟