الحمدلله جبت فلوانس e2

[yassin_wael]

زملائي الاعزاء،
الحمدلله ربنا وفق و جبت فلوانس ٢٠١٤ اتوماتيك اول فئة، و كنت عايز من حضراتكم بعض النصائح في فترة التليين و ليا سؤال صغير، انا استلمت العربية من يومين الساعة ٨ مساءا و طلعت فولت بنزين و اتجهت لمحل جوديير علشان املئ الكاوتش نيتروجين و اظبطه فلقيت صاحب المحل بيباركلي و قاللي خللي بالك الفوانيس مشبرة من الداخل (خط ابيض من نقطة تلاقي الفانوس و الاكصدام) و قاللي هو ممكن يكون علشان الجو كان برد و مطر بس انا عايز اتأكد يا جماعة؟؟؟ هل ده طبيعي؟

شكرا جزيلا.

[M.Radwan]

ألف مبروك الاستلام..وفي انتظار ملاك الفلوانس للإجابة عن أسئلتك

[mahmoud869]

مبرووووك

[xname2004]

ألف مبرووووك
ربنا يرزقك خيرها و يبعد عنك العين
اعتقد الفوانيس عادى
ﻷنها بتكون بسبب سخونه الماتور و بروده الفوانيس فبتشبر
لكن فى معظم العربيات بتكون على ناحيه واحده فقط ( أطن الناحيه الاقرب للماتور )

[SAMEH_FOUAD]

لأ طبعا مش طبيعى هو دة لو حصل بيدل على ان التقفيل مش محكم بتاع الفوانيس فبيدخل مياة جوة الفانوس , ومع حرارة اللمض , بتتكسف المياة دية على صورة بخار ماء لحد مابتروح لوحدها , فراجع التوكيل عشان تشوف معالجة العيب دة

[esam_ayad]

ألف مبروك علي العربيه الجميله
ولكن عندي استفسار : هل لازم علشان العربيه تطلع بسرعه لازم تدوس بنزين زياده شويه ولا ايه؟؟؟؟؟

[mostafa magdy]

الف مبروك ع العربيه
مبدايا لأنه تقريبا مش عارف أوصل لأستفسار حضرتك لو تعرف تصور الموضوع ده
ثانيا متخليش حد يلعب في دماغك لان بتاع الكاوتش مش خبير و في معظم الاحيان بيبصوا للأشخاص اللي جايبين أوروبي إنهم معاتيه ( معلش يعني )
ف زي ما تقول بيطلعوا القطط الفطسانه
للي أعرفه أن عربيتي السابقه الاوكتافيا كانت بتعمل كده معايا و تروح لوحدها .. و حاليا بقالي يومين مش بطلع بالفلوينس
لكن تواصل و نشوف لحضرتك حل

[mostafa magdy]

ألف مبروك علي العربيه الجميله
ولكن عندي استفسار : هل لازم علشان العربيه تطلع بسرعه لازم تدوس بنزين زياده شويه ولا ايه؟؟؟؟؟

ردا علي سؤال حضرتك .. في عده نقاط
لو كنت سايق كوروي أو ياباني قبل الفلوينس ( أي عربيه سحاااابه ) هتلاقي مشكله نسبيه
لو كنت سايق أوروبي أصلا فطلعتهم كلهم مش جامده لكن بعد ما تعدي ال 30 أو 50 كيلو / ساعه سرعه هتلاقي السحب أتحول تماما

النقطه التانيه السحب في أول 1000 حماده .. و بعد ال 1000 حماده تاني خالص و ده انا شخصيا حسيت بيه
النقطه التالته أن السحب بعد ال 3000 بيتحسن و أداء العربيه كله بيتحسن بعدها و ده كلام الكتالوج
و كلام المستخدمين أنه فعلا بعد ال 3000 بحد أقصي 5000 الأداء بيبقي أحسن فعلا
و ده مش هقدر أفيدك بيه لأنه لسه عند ال 1500 كيلو

[yassin_wael]

اشكركم جدا ياجماعة؛ الفانوس راق لوحده و بيت الصبح مالقتش حاجة! ربما يستر و هاكلمك التوكيل أن شاءالله في أول زيارة

[yassin_wael]

لأ طبعا مش طبيعى هو دة لو حصل بيدل على ان التقفيل مش محكم بتاع الفوانيس فبيدخل مياة جوة الفانوس , ومع حرارة اللمض , بتتكسف المياة دية على صورة بخار ماء لحد مابتروح لوحدها , فراجع التوكيل عشان تشوف معالجة العيب دة

كلام حضرتك ممكن يكون صح لو القزاز كله شبر بس ده خط رفيع بس اللي ظهر

[S O P H O S]

الف مبــــروك

[yassin_wael]

الف مبــــروك

الله يبارك فيك، شكرا جزيلا

[FAR!D]

اصلا موضوع التشبير في الفوانيس معناه انه في منفذ الرطوبه تدخل و تتكثف جواها و ده غلط و لو كان بسيط و مع غسله محترمه او نوه مثلا زي عندنا في اسكندريه حتلاقي البسيط ده اتحول لمرايه مشبره في حمام النصيحه هي متسبهاش كده وروح للتوكيل انت لسه مشتريها مش مستعمله ولا بقالها كام سنه خد حقك من التوكيل زي مابياخد حقه منك
انا فوانيسي كانت بتعمل كده و فكتها كلها بالهوت اير و عدت على السيلكون من اول و جديد و بطلت تحب اعملهالك ولا انت تعملها بنفسك؟؟ لأ طبعا يبقى تروح للتوكيل و تتشبث بتغيير الفانوس و مش حياخد مليم لانها عيب صناعه مش استهلاك ولا استخدام

[yassin_wael]

اصلا موضوع التشبير في الفوانيس معناه انه في منفذ الرطوبه تدخل و تتكثف جواها و ده غلط و لو كان بسيط و مع غسله محترمه او نوه مثلا زي عندنا في اسكندريه حتلاقي البسيط ده اتحول لمرايه مشبره في حمام النصيحه هي متسبهاش كده وروح للتوكيل انت لسه مشتريها مش مستعمله ولا بقالها كام سنه خد حقك من التوكيل زي مابياخد حقه منك
انا فوانيسي كانت بتعمل كده و فكتها كلها بالهوت اير و عدت على السيلكون من اول و جديد و بطلت تحب اعملهالك ولا انت تعملها بنفسك؟؟ لأ طبعا يبقى تروح للتوكيل و تتشبث بتغيير الفانوس و مش حياخد مليم لانها عيب صناعه مش استهلاك ولا استخدام

شكرا للنصيحة، انا فعلا ناوي اروح للتوكيل بس لما ارخص العربية الاول ان شاء الله،

شكرا ليك مرة تانية