كام سؤال عن الميجان 2 ( دردشه )

[Ahmed Koller]

السلام عليكم

احلي منتدي ( كله ناس محترمه بجد )
أنا لسه جايب ميجان 2006 بانوراما .. طبعا أبويا مابيركبش غير ميجان وانا عندي بعض الخبرات فيها

1- أنا بسمع صوت ناحية الفرده اليمين عامل زي أكنك دوست علي( طرف طوبه ) والصوت ده بيجي لما اكسر الدركسيون .. وساعات في المطبات .. ياريت ال يعرف يقولي إيه ده ( مساعد وال كوبلن )

2- في صوت صفاره غريبه ( زي زنه كده مش عارف مصدرها . بسمعها علي طول حتي وانا قافل الزجاج )

3- عاوز اركب زينون وماعرفش فيه اى حاجه طبعا السوق مليان اشكال وألوان بس عاوز اعرف نوع نضيف

4- عاوز اعرف ازاى اهتم بصيانة فتحة السقف وإيه المواد ال استخدمها

وأسف علي الإطاله

[dedo_ryo]

سؤال هي الميجان اول عربيه ليك ولا ليك خبرات قبل كده مع ماركات تانيه

[Ahmed Koller]

لا ابويا كان معاه ميجان 2006 زيرو واستخدمنها 5 سنين ودلوقت معاه 2009 .... وعندى خبرات بسيطه جدا جدا بتنحصر في المشاكل ال قابلتي فقط

[dedo_ryo]

السلام عليكم

احلي منتدي ( كله ناس محترمه بجد )
أنا لسه جايب ميجان 2006 بانوراما .. طبعا أبويا مابيركبش غير ميجان وانا عندي بعض الخبرات فيها

1- أنا بسمع صوت ناحية الفرده اليمين عامل زي أكنك دوست علي( طرف طوبه ) والصوت ده بيجي لما اكسر الدركسيون .. وساعات في المطبات .. ياريت ال يعرف يقولي إيه ده ( مساعد وال كوبلن ) علي كلامك كده كوبلن و الفيصل كشف الميكانيكي او العفشجي عليها

2- في صوت صفاره غريبه ( زي زنه كده مش عارف مصدرها . بسمعها علي طول حتي وانا قافل الزجاج )

3- عاوز اركب زينون وماعرفش فيه اى حاجه طبعا السوق مليان اشكال وألوان بس عاوز اعرف نوع نضيف لو عربيتك الشكل القديم بلاش لانك هتسيح فيشه النور اللي في علبه الفيوزات فركب فيلبس كريستال او اي لمض تانيه افضل

4- عاوز اعرف ازاى اهتم بصيانة فتحة السقف وإيه المواد ال استخدمها
بص الصيانات تبقى عند حد محترم و نضيف و القطع نصيحه تجيبها من التوكيل و تركبها بره و التنضيف الداخلي للتابلوه انا بستخدم ابرو البخاخ و الفرش فوم ارمور اول حاول تظبط هوا العجل علي طول علشان الباور يبقي تمام معاك الفلاتر اهم حاجه و البوجيهات لان البوجيهات ممكن تبوظلك الكويلات لو هي مش تمام و اي استفسار اسال و القسم معاك

وأسف علي الإطاله

[Ahmed Koller]

شكراً جدا علي المشاركه ...
وبالنسبه لفتحة السقف في ناس بتقولي حط مزيل صدء فقط ... مش عارف ده صح وال غلط

وبالنسبة للإضائه . اجيب لمبة فيلبس فقط . ؟

ومعلش هو سعر الكوبلن بكام ؟

[FAR!D]

انا حرد عليك في الاضاءه عموما هما حاجه من الاتنين يا تركب زينون بس محتاج مصاريف لان الانواع المنتشره كلها صيني فحتحتاج تغير كل فتره يالمبه او مديول و طبعا الميزه في قوه الاضاءه و شكل فرشه النور على الارض لو عندك عدسات اما لو عايز التوفير ركب لمبه هالوجين محترمه( لمبه عاديه يعني) بس عمرها ما حتديك قوه الزينون بس هاتعيش عن الزينون اللهم لو فانوسك بيسرب و ممكن تحرق اللمبات من الميه في الحالتين