صوت وأداء محرك الرينو اللوجان 2014

[Shakayoko]

السلام عليكم يا شباب

دي اول مشاركة ليا في المنتدي الجميل ده وارجو الرد لو سمحتم.

انا اشتريت رينو لوجان 2014 فول اوبشن الاسبوع اللي فات والحمد لله العربية تمام واداء مرضي, ولكن....

صوت المحرك عال بشكر ملحوظ من برة الكابينة ويشبة صوت الديزل شوية. انا كنت عارف من قبل ما اشتري العربية ان صوتها عال بس مميزاتها كتير قوي بس الصراحة ماكنتش متخيل انه هايكون عالي بشكل ملحوظ كدة!! اللي اعرفة ان العربيات ال 8 صباب بيكون صوتها اخف من ال 16 ومع ذلك صوت الفيرنا اهدي من اللوجان بمراحل والسؤال هنا هل الصوت واداء المحرك بيتغيروا مع الاستخدام وعلي المدي القريب (بعد 2000كم مثلاً) ؟ ولا التعود هو اللي هايخلي الواحد يتغاضي عن الموضوع ده؟

انا اعرف ان العربيات الحديثة دي مش بتكون محتاجة لتليين وعلشان كدة حبيت اتأكد من اهل الخبرة واللوجانية اللي جربوا العربية ومشيوا بيها كتير نظراً لاني لسه عداد عربيتي معداش 700كلم
مع الشكر والتقدير
أحمد الشرقاوي

[lanos2004]

مبروك وان شاء الله صوتها يوطى شويه

[assaf]

الصوت حيقل بعد 3000 كم انشاء الله

[semsem85]

يعني الاوتو كده اعلي كنت بفكر فيها.......؟

[M.Radwan]

المحرك هيبقى أهدى كتير بعد أول 5000 ثم بعد تغيير الزيت في صيانة 10000
متهيألي فكرة حضرتك عن المحركات مش صحيحة، لأن 16 صباب أهدى من 8 صباب وليس العكس.
لأن أنا عندي الميجان واللوجان..وفي فرق كبير في صوت المحركين من خارج السيارة وكذلك من الداخل.
ومن خلال تجربتي للوجان لمسافة 114000 كيلومتر أحب أقولك انها اعتمادية إلى أقصى درجة في بلادنا العزيزة وأفضل مليون مرة من اللانوس والفيرنا والأفيو.
في ميرة وحيدة للمواتير ال 8 صباب..ان استهلاكها في البنزين "بشكل عام" أقل من ال 16، على الأقل لما تحرق عليها..إنما ال 16 لو حرقت عليها بيبقى استهلاكها أكبر بكتير.

[semsem85]

المحرك هيبقى أهدى كتير بعد أول 5000 ثم بعد تغيير الزيت في صيانة 10000
متهيألي فكرة حضرتك عن المحركات مش صحيحة، لأن 16 صباب أهدى من 8 صباب وليس العكس.
لأن أنا عندي الميجان واللوجان..وفي فرق كبير في صوت المحركين من خارج السيارة وكذلك من الداخل.
ومن خلال تجربتي للوجان لمسافة 114000 كيلومتر أحب أقولك انها اعتمادية إلى أقصى درجة في بلادنا العزيزة وأفضل مليون مرة من اللانوس والفيرنا والأفيو.
في ميرة وحيدة للمواتير ال 8 صباب..ان استهلاكها في البنزين "بشكل عام" أقل من ال 16، على الأقل لما تحرق عليها..إنما ال 16 لو حرقت عليها بيبقى استهلاكها أكبر بكتير.

طيب ياستاذي الفاضل انا بفاضل بين اكثر من عربية وامامي الوجان الاوتو هل فيها مشاكل امامي واحدة 2013 عاملة 7 الف كيلو بيتكلم في 80 ا لف جنيه هل ده دليل ان فيها مشكلة ولا ايه لو سمحتوا وشكرا

[M.Radwan]

طيب ياستاذي الفاضل انا بفاضل بين اكثر من عربية وامامي الوجان الاوتو هل فيها مشاكل امامي واحدة 2013 عاملة 7 الف كيلو بيتكلم في 80 ا لف جنيه هل ده دليل ان فيها مشكلة ولا ايه لو سمحتوا وشكرا

الفيصل في الحالات دي هو الكشف في التوكيل..هيطلعلك تقرير بموقف العربية بالظبط وهتبقى مطمن وانت بتشتري..تكلفته 550 جنيه.

[semsem85]

الفيصل في الحالات دي هو الكشف في التوكيل..هيطلعلك تقرير بموقف العربية بالظبط وهتبقى مطمن وانت بتشتري..تكلفته 550 جنيه.

لا حضرتك ما فهمتش قصدي العربية حالتها زيرو باينه انا قصدي اللوجان عموما او الاوتو خصوصا عربية كويسه بعد ما جربتها من حيث كل شئ ده قصدي وشكرا

[M.Radwan]

لا حضرتك ما فهمتش قصدي العربية حالتها زيرو باينه انا قصدي اللوجان عموما او الاوتو خصوصا عربية كويسه بعد ما جربتها من حيث كل شئ ده قصدي وشكرا

اللوجان بشكل عام من خلال تجربتي ليها عربية جيدة جدا بالنسبة لسعرها..فيها بعض الحاجات الرخمة زي أماكن مفاتيح الزجاج الكهرباء والكلاكس والباور تقيل سنة..غير كده زي الفل..ده بالنسبة للمانيوال..أما ألأوتوماتيك فأنا مجربتهاش للأمانة.

[J A G U A R]

المحرك هايهدى واحده واحده

[ALshahba]

بصفة عامه صوت المروحه فى الرينو والبيجو عالي عن اي عربيه تانيه
اما صوت المحرك ...... ماتقلقش حيهدأ تدريجيا عند 3000كم الي 5000كم

[ALshahba]

طيب ياستاذي الفاضل انا بفاضل بين اكثر من عربية وامامي الوجان الاوتو هل فيها مشاكل امامي واحدة 2013 عاملة 7 الف كيلو بيتكلم في 80 ا لف جنيه هل ده دليل ان فيها مشكلة ولا ايه لو سمحتوا وشكرا

ماتقلقش منها .....لأن الزيرو تمنها 93 الف وده يعتبر استخدام سنه فلازم تنزل
ولكن فعلا الكشف فى التوكيل هو الفيصل ...... صحيح هو غالي جبتين بس عندهم امانه

بالتوفيق

[semsem85]

ماتقلقش منها .....لأن الزيرو تمنها 93 الف وده يعتبر استخدام سنه فلازم تنزل
ولكن فعلا الكشف فى التوكيل هو الفيصل ...... صحيح هو غالي جبتين بس عندهم امانه

بالتوفيق

استاذ احمد ازي حضرتك يارب تكون بخير قولي اعمل ايه بقي في الحيرة اللي الاحد فيها الواحد والله مش عارف يعمل ايه لوجان وبيجو و 620 واوبل الواحد تعب

[ALshahba]

استاذ احمد ازي حضرتك يارب تكون بخير قولي اعمل ايه بقي في الحيرة اللي الاحد فيها الواحد والله مش عارف يعمل ايه لوجان وبيجو و 620 واوبل الواحد تعب

ههههههههههه
معلش شوية دوخه وحترسا ان شاء اله علي احسن نوع بالنسبالك
البيجو جميله جدا ......بس غاليه حتي المستعمل بتاعها
اللوجان كويسه اوي واقل اعطال ...... بس ناقصه شويه كماليات بسيطه فى التصميم
620 عربيه كبيره وابشن وارخص قطع غيار ........... سمعتها مش حلوه بالنسبه للناس لان الناس مش بتحب الصيني

شوف كده الانسب ليك ماديا ونفسيا وتوكل علي الله ........ كلنا معاك

[Shakayoko]

شكراً جزيلاً علي الإفادة :)