الميجان بتنزل بكام كارت

[ma7amadk]

السلام عليكم
أنا بدور على عربية ميجان وبشوف في الإعلانات اللي بيقول معاها 2 كارت واللي بيقول كارت واحد واللي مش بيجيب سيرة أصلا
عايز أعرف العربية دي بتنزل بكام كارت خصوصا موديلات 2005 و 2006
ولكم جزيل الشكر

[M.Radwan]

2 كارت..اللى بيقول كارت واحد عشان يعرّف حضرتك ومتجيش تقوله فين الكارت الاحتياطي

[ma7amadk]

طب وفي الحالة دي إنت مش من حقك كمشتري تطالب بيه؟ والا إيه يضمنلك إن الكارت التاني ضايع أو ممكن يستخدم بعد البيع؟
ومعقولة الإعلانات الكتير اللي بيبقى فيها كارت واحد دي معناه إن الكارت التاني ضايع؟

[تامر.محمد]

العربية فعلا بتنزل بكارتين

كارت واحد يعني فيه كارت مفقود او باظ بكل تأكيد
طبعا المشتري يطالب بيه او يقلل من سعر العربية عشانه او ما ياخدهاش اصلا لأنه مش متطمن لحاجة زي كده , ده طبعا حقه و كل حاجة بالتراضي

[ma7amadk]

لو ضايع دي فيها قلق
لو بايظ يبقى ع الأقل يسلمه للمشتري أكيد محتفظ بيه مش هيرميه وده أدعى للإطمئنان
وشكرا ليكم ع الإفادة وربنا يبارك لكم في عربياتكم

[أحمد كمال]

مفيهاش قلق لانك ممكن تروح التوكيل تمسح كل الكروت تماما و تبرمج اللي معاك بس

[ma7amadk]

طب تمام أوي طمنتني الله يطمنك
بس يا ريت لو عندك خلفية إعادة البرمجة دي تتكلف كام تقولنا عليها أو هل مثلا هل تتوقع ممكن تتعدى الألف جنيه؟

[أحمد كمال]

مش عارف لان المرة الوحيدة اللي عملتها اما كارت باظ و كانت العربية في الضمان فمسحوا الكروت كلها و برمجوا الكارت السليم اللي كان معايا + الكارت البديل اللي جه من فرنسا و الموضوع كله ماخدش 10-15 دقيقة و مجانا لانها كانت في الضمان

[ma7amadk]

ألف شكر لك أ/ أحمد