مساعده لاخوكم من قسم هوندا . محتاج معلومات عن رينو اوبتيما بس بسرعه ربنا يخليكوا

[foxhonda2008]

الموضوع ان في واحد صاحبي نفسه يجيب عربيه و مستلف و حاطط كل الي معاه ووصل لحد 25000 بالعافيه
و قدامي انا رينو اوبتيما 97 الراجل بيتكلم في29000 و مككن نكسر معاه شويه
بس محتاج اعرف قطع الغيار اخبرها ايه و السعر مناسب لحد كام
و هل هي عربيه كويسه و لا متعبه
و شكرا و تحت امركم في اي استفسار عن الهوندا ااجيل الثامن

[eng.salama93]

بص يا باشا .. الأوبتيما عربية بسم الله ما شاء الله عليها فظيعة لو حالتها نضيفة و ميغركش شكلها .. انا بشد بيها مع جولفات و النترا و كورولا
قطع غيارها موجودة و لو في حاجة مش موجودة بتاخدها من الرينو 9 هي هي نفس العربية
العربية قطع غيارها معمره جدا و حلوه ف مشيها
و طبعا كربراتير عادي مفيهوش مشاكل
السعر اللي انتا بتتكلم فيه دا عالي حبه .. دول يجيبوا حاجة 99 مكيفه .. انما ال 97 ( اللي هي زي اللي معايا ) مش مكيفة
بس لو العربية حالتها حلوه اتوكل علي الله بس كسر شوية

[eng.salama93]

و قطع الغيار متوفرة ف عين شمس و الحرفيين و جسر السويس و عزبة شلبي
انا ملفتش لفه جامده هناك بس في قطع غيار كتير هناك و الأسعار كويسه جدا مقارنة بعربيات تانيه
انا جبت طرمبة ميه ب 135 جنيه فرنساوي و ف نفس الوقت واحد زميلي جاب لعربيته الكورولا 93 طرمبة المياه ب 175 حنيه
تايواني علي ما افتكر