هام جدا جدا جدا جدا جدا جداااا لكل ملاك الرينو

[Hussein_Ramdan]

السلام عليكم
وعلى فكره انا زعلان من كل الي معاهم عربيات رينو سواء ميجان او فلونس او سانديرو او ستيب واي او اوبتيما او سكالا او

وعلى سبيل المثال الميجان
العربيه الميجان 2 وصل تمنها زيرو ل 148000 ج
وتيجي تجيبها مستعمله يوم مايضربها الدم وحاله شاذه ب 65000 ج
؟؟؟؟؟؟؟؟؟!!!!!!!!!!!!!
تيجي تسال صحبها ليه بعتها كده
تلاقيه بيرد بيأس كده : (أعمل ايه اهو سعر السوق والتجار مبوظين سمعتها ) !!!!!
والعجيب انها عربيات محترمه
تكنولجيا عاليه جدا
ماركه محترمه وجوده (رينو فرنسي) مش عربيه صيني
توكيل محترم
الصنايعيه بقت تفهم فيها وقطع غيار متوفره بالحرفيين وصقر قريش المعادي
اينعم قطع غيار غاليه بس لو جيت قرنتها بمازدا 3 اليباني مش هتلاقيه فرقت كتير مع العلم ان الرينو اوروبي
فخامه وثبات
..................................
ف الاخر الاقي العيب مش في التجار ... احنا كملاك الي ساعدنا التجار على كده باستسلمنا ونشر اشاعات

بما يرضي الله العربيه د مستعمله (ميجان 2004 بانورما ) مثلا سعرها المفروض مش ينزل خالص عن 97000 ج
................
فضلت افكر ف حل
ولاقيته
بس محتاج مساعدت كل وحش علشان انفذه
ونشوف صداه من هنا
انطلاقا من اجمل منتدى nilemotors
اعلن عن مبادرة (ادي عربيتك حقها ومش ترخص من سعرها )
يعني ع سبيل المثال
اعمل اعلانات بيع وهميه وبكثافه عن بيع عربيات ميجان وفلوانس بسعرها الي تستهله
نحدد ميعاد وننزل كلنا السوق بعربيتنا كده ونعرض اسعرها الحقيقيه حتى لو كنا مش نازلين نبيع
نتحكم احنا ف السوق علشان محدشبيضربنا على ايدينا نبيع بمزاجه ونخسر
.............
الي متفق معايا يقول انا معاك ويقترح علينا حاجات افضل نطوربيها المبادره
(عاشت الوحوش )

باشا انت عندك حق فى كل الى بتقولو ان فى ناس بتستعبط فى سعر البيع
فى ناس بتتظلم فى سعر البيع زاى عربية حضرتك
بس الصراحة انا شايف ان حضرتك بتتكلم فى سعر اوفر شوية
يعنى عربية مستعملة بقالها 10 سنين وحضرتك بتتكلم فى 97
هو حضرتك تفتكر هى كانت بكام زيرو ساعتها ؟

[zadreamer]

باشا انت عندك حق فى كل الى بتقولو ان فى ناس بتستعبط فى سعر البيع
فى ناس بتتظلم فى سعر البيع زاى عربية حضرتك
بس الصراحة انا شايف ان حضرتك بتتكلم فى سعر اوفر شوية
يعنى عربية مستعملة بقالها 10 سنين وحضرتك بتتكلم فى 97
هو حضرتك تفتكر هى كانت بكام زيرو ساعتها ؟

تمام ماشي هي بقلها 8 بس ما علينا
حضرتك شايف ايه السعر المناسب ؟
مع العلم انا كنت اقصد بالسعر ده موديل 2007

[تامر.محمد]

بالمناسبة الالنترا و الماتريكس 2007 معروضين على كونتاكت على تسعينات فعلا !

[zadreamer]

بالمناسبة الالنترا و الماتريكس 2007 معروضين على كونتاكت على تسعينات فعلا !

يعني انا عندي حق