فلوانس الخليجي ام كورولا خليجي

[elostaz13]

السلام عليكم لو سمحتو كنت عاوز راي الخبراء في قسم الرينو انا عايش في الكويت وعجباني جدا الفلوانس بس للاسف الشكل الخارجي اللي موجود هنا فيه اختلاف عن الفيس لفت اللي نزل مصر وانا عرفت ان الفيس لفت بقت موتور من نيسان والفتيس نيسان فكنت عاوز اتاكد هل في فروق غير الشكل الامامي للعربية وهل تنصحوني اشتريها من هنا واستخدمها تلات اربع سنين وانزلها مصر والا بلاش علشان قطع الغيار وانا بقارنها بالكورولا 2014 بس للاسف بردو الكورولا نازلة هنا فاضية وكمان نازلة بالفتيس القديم اربع غيارات مش cvt زي اللي نزل في مصر وانا عجباني الرينو ااكتر بس مقلق من موضوع الشكل وان يكون في فروق تانية في الموتور والفتيس وقطع الغيار فارجو النصيحة وتوضيح الفروق وشكرا للمنتدي الاكثر من رائع ملاحظة سعر الرينو الفئة التانية مثبت سرعة ورينجات واشارات مرايا وريموت وشوية ابشنات كدة ارخص من الكورولا الفاضية .

[dr_mbh]

الفلوانس احسن من الكورولا اعلى واوسع وابشن اكتر بسعر اقل
فيه اختلاف في الموتور بس على ما اعرف ان الصيانة عادي في الوكيل وبالتوفيق

[Mohamed.Hany]

اعتقد العربيتين مختلفيين عن اللي بينزلو مصر بالنسبة للكوروﻻ فهي نفس الحاجة بس ماعدا الفتيس هوهو القديم اما الفلوانس فالموتور و الفتيس و التكييف مختلفيين.
بالنسبة للتوكيلين اللي في مصر محدش هيساعدك ولا هيصلح لو فيه عطل لاقدر الله.
فأنا رأى سيب كل عربية لبلدها وجيب اللي عجباك اكتر هناك، و لما ترجع مصر هات اللي تعجبك في مصر خصوصا ان الكوروﻻ الخليجي فاضية في الاوبشنز عن المصرى .
اما لو مصمم فلك الاختيار ان معظم قطع غيار الكوروﻻ متوفرة في مصر ماعدا الفتيس ﻷنه مختلف ، اما الفلوانس فالاختلافات كتيير في قطع الغيار فتيس موتور تكييف فأعتقد المجازفة بتزييد.
ولو مش فارق معاك قطع الغيار و فارق الكماليات فالفلوانس الخليجي افضل من الكوروﻻ الخليجي في النقطة دى وربنا يوفقك

[horas3000]

علي حد علمي
الفلوينس عندك هي نفس المتور (ال H4Mk) و فتيس الفيس لفت ال CVT
الفرق في الشكل الامامي فقط و تحديدا الاكصدام

الكورولا نفس الحوار
اللي عندك نفس متور و فتيس الشكل القديم ال 2013

فشايف ان الاتنين مفيش مشاكل تنزلهم مصر لو حبيت

و عموما انا مع الراي اركب و انبسط بره
و لما ترجع يبقي يحلها الحلال

[elostaz13]

انا متشكر لكل الاعضاء اللي ردو بس حد قال الموتور والفتيس والشكل مختلف في الرينو وحد قال بس الشكل اللي لسة مختلف لو ممكن حد يفدني ازاى كان موتور وفتيس الفيس لفت الجديد اللي في مصر اللي هما نيسان هما نفس اللي في الخليج والا في اختلاف وبالنسبة لموضوع اني اركب واستمتع هنا فانا الحمد لله ركبت جالانت ومريحاني جدا وكنت اتمنى اني ااقدر انزل بواحدة مصر بس للاسف ممكن توصل نص مليون بالجمارك فمضطر اني اجيب حاجة 1600 سيسي او مرسي مش فارقة محدش بيفكر في الشعب هههههههههههههههههههههه

[batour]

السلام عليكم
انا الى اعرف ان الفلوانس الجديدة فى مصر هى القديمه فى الخليج بالنسبه للموتور الاختلاف فى الاكصدام بس
فكدة مفيش مشكله
وبرضه انا انصحك تسال فى التوكيل عشان تطمن
وبالتوفيق

[Hosam_Optrawy]

نصيحه ولا دى ولا دى مادام هاتنزل بيها مصر

الفلوونس مش مختلفه غير فى الإكصدام الأمامى زى ماباقى الزملاء وضحوا لكن لما حد بيسأل على الخليجى فى التوكيل بيخلعوا ويقولوا دى مختلفه وملناش دعوه ومابنعملش صيانه وماعندناش قطع غيارها , غير إن شكل العربيه وبلد الصنع ممكن تبقى عيب لو جيت تبيعها بعد كدا لأنها مش موجوده فى مصر , عموما لو جبتها ونزلت بيها بعد كام سنه ممكن تبقى تشترى قطع الغيار من الوكيل وتعمل الصيانه بره انت كدا كدا عربيتك ملهاش ضمان , وممكن برضه فى المستقبل تبقى تركب الإكصدام الأمامى بتاع الفيس ليفت التركى

بالنسبه للكورولا فمواصفاتها التركى أفضل بكتير من الخليجى التايوانى وبرضه مش هاتكون محبوبه فى مصر

[esam_ayad]

بص ياباشا
أنا أولا شغال في الكويت زيك
ثانيا احييك علي تفكيرك التمام في موضوع ان الكورولا فاشله جدا ومافيهاش امكانيات _معظم زملائي بيقولولي برضو اسمها كورولا حتي لو صيني, ودول تفكير مش تمام لأني بدفع فلوس والمفروض أخد شيء كويس في المقابل_
ثالثا وده الأهم : أنا كنت قررت خلاص اني هاشتري الفلوينس بنسبة 95 % لكن خوفي من عدم توافر قطع الغيار خلاني أرجع في كلامي
فأفضل أختيار ولن تندم عليه بإذن الله هو الكيا سيراتو فل أوبشنز ودي تقريبا بخمسة ألاف دينار وحاجه لكن فيها كل اللي انت عايزه بالإضافه الي ضمان يمتد الي عشر سنوات, يعني زيها زي الرينو في الأوبشنز تماما
أو الهيونداي إلنترا ودي عامله شغل كويس برضو في الكويت وعليها ضمان مدي الحياه طول ماهي في الكويت وبتعمل الصيانه في مواعيداها, لكنماتشتريش الا الفئة الكامله فقط ودي برضو فيها كل الكماليات اللي انت محتاجها بالإضافه لشكلها الخرافي.
أنا ساكن في محافظة الجهراء ولو تحب نتفق ونروح مع بعض نلف علي التوكيلات انا ماعنديش مانع.

[elostaz13]

[QUOTE=esam_ayad;3875352682]بص ياباشا
أنا أولا شغال في الكويت زيك
ثانيا احييك علي تفكيرك التمام في موضوع ان الكورولا فاشله جدا ومافيهاش امكانيات _معظم زملائي بيقولولي برضو اسمها كورولا حتي لو صيني, ودول تفكير مش تمام لأني بدفع فلوس والمفروض أخد شيء كويس في المقابل_
ثالثا وده الأهم : أنا كنت قررت خلاص اني هاشتري الفلوينس بنسبة 95 % لكن خوفي من عدم توافر قطع الغيار خلاني أرجع في كلامي
فأفضل أختيار ولن تندم عليه بإذن الله هو الكيا سيراتو فل أوبشنز ودي تقريبا بخمسة ألاف دينار وحاجه لكن فيها كل اللي انت عايزه بالإضافه الي ضمان يمتد الي عشر سنوات, يعني زيها زي الرينو في الأوبشنز تماما
أو الهيونداي إلنترا ودي عامله شغل كويس برضو في الكويت وعليها ضمان مدي الحياه طول ماهي في الكويت وبتعمل الصيانه في مواعيداها, لكنماتشتريش الا الفئة الكامله فقط ودي برضو فيها كل الكماليات اللي انت محتاجها بالإضافه لشكلها الخرافي.
أنا ساكن في محافظة الجهراء ولو تحب نتفق ونروح مع بعض نلف علي التوكيلات انا ماعنديش مانع.

انا متشكر جدا لاهتمام حضرتك بس انا شايف انك بترشح سيارات كوري وانا رافض المبدا اصلا لاني بالسعر دا ممكن ااخد على الاقل سيارة يباني لانها بتفرق بعد مرور عدة سنوات من حيث متانة قطع الغيار وقلة الاعطال وانا فعلا محتار جدا بس لو معرفتش اقرر هاتضطر اشتري حاجة استعمال ولما اانزل مصر اشتري جديد او كسر زيرو او ممكن اجدد الجالانت اللي معايا هي موديل 2002 واامشي بيها حالي كام سنة كمان وانا اتشرفت بمعرفة حضرتك انا ساكن بالرقعي ياعني جنب التوكيلات اللي على الرابع واتمنى اننا نتقابل ونتعرف على بعض وشكرا جدا لاهتمامك

[m_kamal]

اهلا اهلا بشباب الكويت :)

تصحيح بس السيراتو الفول اوبشن السيدان تمنها 5900 دينار كويتى ... يعنى اغلى من الكرولا ..بس طبعا فيها اوبشنز للصبح
و السيراتو الفول اوبشن الهاتش باك 6300 دينار كويتى لأن فيها اوبشنز اكتر (كرسى السواق كهربا و ميمورى و الكراسى بتبرد و تسخن )


الكرولا ال 1600 الفول اوبشن تمتها 5580 دينار كويتى .. بس تقريبا فاضية :(

انا كنت فى نفس الحيرة و اشتريت الكرولا الحمد لله لأن نقطة اعادة البيع هنا فى الكويت تهمنى .. لأنى مش اكيد 100% هنزلها مصر ...

و ربنا يوفقك لما فيه الخير

[esam_ayad]

اهلا اهلا بشباب الكويت :)
تصحيح بس السيراتو الفول اوبشن السيدان تمنها 5900 دينار كويتى ... يعنى اغلى من الكرولا ..بس طبعا فيها اوبشنز للصبح
و السيراتو الفول اوبشن الهاتش باك 6300 دينار كويتى لأن فيها اوبشنز اكتر (كرسى السواق كهربا و ميمورى و الكراسى بتبرد و تسخن )
الكرولا ال 1600 الفول اوبشن تمتها 5580 دينار كويتى .. بس تقريبا فاضية :(
انا كنت فى نفس الحيرة و اشتريت الكرولا الحمد لله لأن نقطة اعادة البيع هنا فى الكويت تهمنى .. لأنى مش اكيد 100% هنزلها مصر ...
و ربنا يوفقك لما فيه الخير

اهلا بيك ياباشا
السيراتو عليها عرض بـ5500 دينار فول أوبشن وفيها كل اللي نفسك فيه وعليها ضمان عشر سنوات بس طبعا مافيهاش نظام الثبات الالكتروني esp
الكورولا الفول اوبشن عندي في الجهراء تمنها 5800 دينار معرفش ازاي ونازله بالماتور القديم والفتيس القديم وكل اللي فيها فرامل abs+ebd+ba زر تشغيل بدون مفتاح وكاسيت شكله حلو عن القديم وسينسور خلفي أه ومرايات طي وأهم حاجه بريموت كنترول يعني التوكيل بيقولك عايز ايه تاني منزلين فيها كل اللي انت عايزه_ بهزر طبعا_
وللأسف مواصفات زباله جدا جدا جدا قصاد الكورولا اللي نزلت مصر
ياراجا دي مواصفات الكورولا اللي في مصر مش موجوده لا في الكامري ولا حتي الأفالون ولا حتي تقريبا في الأوريون
وشكراااااااا

[elostaz13]

المنتدي طلع كويتي والا ايه احنا كدة ممكن نعمل مقابلة لكل الاعضاء اللي في الكويت وعموما انا مع الراي اللي بيقول ان العربية مش اوبشن وخلاص اهم من كدة الموتور والفتيس بس بردو مش لدرجة ان الساير ينزل الكورولا بالفتيس القديم وياريته عوض دا بالاوبش لا نازلة فاضية فااكيد الكورولا المصرية تكسب لانها اوبشن ااعلى وكمان الفتيس الجديد cvt المشكلة اني مش عارف ليه الفلوانس نازلة بشكل مختلف هي تعتبر بجد صفقة رابحة هنا بالسعر بتاعها بس موضوع الاختلافات دا مقلق حتى الشارك اللي نازلة هنا مبالغ في سعرها واوبشن مصر وسعرها اافضل بكتيير وانا كمان اتفرجت على نيسان سنترا وكنت هاحجزها بس عرفت ان الوكيل في مصر منزلهاش وواحد من الاعضاء اشتراها خليجي في مصر والزجاج الامامي اتكسر ودايخ عليه وبخصوص السيراتو اينعم هي عملت سمعة كويسة بس ااكيد عربية العمر مش هاتكون كوري الواحد يتمنى يجبها الماني وخير الامور الوسط فخالينا في الياباني

[m_kamal]

اهلا بيك ياباشا
السيراتو عليها عرض بـ5500 دينار فول أوبشن وفيها كل اللي نفسك فيه وعليها ضمان عشر سنوات بس طبعا مافيهاش نظام الثبات الالكتروني esp
الكورولا الفول اوبشن عندي في الجهراء تمنها 5800 دينار معرفش ازاي ونازله بالماتور القديم والفتيس القديم وكل اللي فيها فرامل abs+ebd+ba زر تشغيل بدون مفتاح وكاسيت شكله حلو عن القديم وسينسور خلفي أه ومرايات طي وأهم حاجه بريموت كنترول يعني التوكيل بيقولك عايز ايه تاني منزلين فيها كل اللي انت عايزه_ بهزر طبعا_
وللأسف مواصفات زباله جدا جدا جدا قصاد الكورولا اللي نزلت مصر
ياراجا دي مواصفات الكورولا اللي في مصر مش موجوده لا في الكامري ولا حتي الأفالون ولا حتي تقريبا في الأوريون
وشكراااااااا

انا كنت هاخد سيراتو من 3 اسابيع يا باشا ..و كانت ب 5900 زى ما قلت لك .. و الضمان ال 10 سنين برده .. فا واضح ان العرض ده جديد ... و طبعا مكنش فيها الesp ولا الاوتو بارك و لا كرسى كهربا بميمورى و لا كراسى بتسخن و تبرد .. بس فيه بقى زينون و فتحة و كراسى جلد لونين و شاشة و كاميرا و سنسور قدام وورا و 3 مود للدريكسيون و فرامل abs , ebd .. و ستارت ستوب و بصمة و كنبة ورا بتفتح عالشنطة ..و مرايات طى و المراية اللى جو فيها اوتو ديم .

و الكرولا يا باشا فعلا نفس الاوبشنز اللى انت قلت عليها بس وقت الشرا السعر بيبقى زى ما قلت لك 5580 و دى طبعا ال 1600
و طبعا مواصفات مصر مش ممكن تنزل هنا لانها هتوقف سوق الفئات الاعلى زى ما انت قلت ... بس فى الاخر احنا عايشين هنا مش فى مصر و محكومين بقواعد السوق هنا ...

انا كان معايا زمان مرسيدس قعدت معايا 3 سنين و بعتها و بعدين جبت كابريس LTZ كسر زيرو و قعدت معايا 7 سنين و لسة بايعها و العربيتين طبعا اعلى من الكرولا بكتييير .. و المرة دى بقى قلت اجيب عربية اقدر انزلها مصر بدل ما اقعد اشترى و ابيع و اخسر و خلاص ... ولما نزلت الكرولا مخيبة للامال من حيث الاوبشنز و الموتور و الجير شفت السيراتو و طبعا شفت الاوكتافيا قبلهم الاتنين بس الاوكتافيا خايف من الفتيس الدى اس جى اللى فيها مع انها احسنهم طبعا .. و كمان اعادة البيع فى الارض ... فا اتوكلت على الله و مشيت مع التيار .. و مش ندمان الحمد لله

[m_kamal]

المنتدي طلع كويتي والا ايه احنا كدة ممكن نعمل مقابلة لكل الاعضاء اللي في الكويت وعموما انا مع الراي اللي بيقول ان العربية مش اوبشن وخلاص اهم من كدة الموتور والفتيس بس بردو مش لدرجة ان الساير ينزل الكورولا بالفتيس القديم وياريته عوض دا بالاوبش لا نازلة فاضية فااكيد الكورولا المصرية تكسب لانها اوبشن ااعلى وكمان الفتيس الجديد cvt المشكلة اني مش عارف ليه الفلوانس نازلة بشكل مختلف هي تعتبر بجد صفقة رابحة هنا بالسعر بتاعها بس موضوع الاختلافات دا مقلق حتى الشارك اللي نازلة هنا مبالغ في سعرها واوبشن مصر وسعرها اافضل بكتيير وانا كمان اتفرجت على نيسان سنترا وكنت هاحجزها بس عرفت ان الوكيل في مصر منزلهاش وواحد من الاعضاء اشتراها خليجي في مصر والزجاج الامامي اتكسر ودايخ عليه وبخصوص السيراتو اينعم هي عملت سمعة كويسة بس ااكيد عربية العمر مش هاتكون كوري الواحد يتمنى يجبها الماني وخير الامور الوسط فخالينا في الياباني

كلامك فى الجون يا باشا و تفكير سليم و عشان كدة رسيت على الكرولا فى الاخر

و يا ريت نرتب مقابلة بين اعضاء الكويت .. يكون ليا الشرف

[igarrana]

الفلونس الفيس لفت فى مصر موتورها و فتيسها هو نفس الخليجى
لكن الخليجى فى منها بكمليات اكتر زى جنوط 17 و نظام صوتى بوز مزود بصب و كمات كرسى كهرباء و فرش بيج و شاشة بيانات فى المنتصف اكبر و ملونة
هذا و الله أعلم