ضرورى جدا ميجان

[ahmed1_com]

محتاج مساعده ضرورى بشترى ميجان مانيوال 2006 ماشيه 70 الف كيلو فابريكه رشه رفرف واحد فيها 8 ايرباج وجنوط رينو مستورده من بره سعرها يعمل كام وكمان مين فى الحرفيين عندو كشف للرينو الكمبيوتر بتاعها ياريت حد يبعتلى الرقم بتاعو ومكانو ولو رحت المركز الى فى النزهة بياخد كام فى الكشف ولو حكشف على الكمبيوتر بس ياخد كام

[tarek_asem]

انا مش معايا ميجان بس في ا لطريق ان شاء الله :) ... بيقولو افضل حاجه كشف في التوكيل ب 550 وبيجيب لك كل حاجه عن العربيه .. سعرها كام لو مفيش مانع تقول ؟ لاني بدور وعايز اعرف رينجات الاسعار

[ahmed1_com]

انا مش معايا ميجان بس في ا لطريق ان شاء الله :) ... بيقولو افضل حاجه كشف في التوكيل ب 550 وبيجيب لك كل حاجه عن العربيه .. سعرها كام لو مفيش مانع تقول ؟ لاني بدور وعايز اعرف رينجات الاسعار

مشكور جدا هى سعرها 62 الف جنيه ومش عارف كده غاليه ولا ايه لانى فى ناس يتقولى غاليه فا مستنى راى الوحوش

[tarek_asem]

من متابعتي ولو بحالتها دي اعتقد مش غاليه خالص .... هي صحيح مانول بس كيلومتر قليل جدا .. نزل الالفين دول واعتقد تبقى كسبان ..... لو مش هتاخدها سيبهالي d:

[dedo_ryo]

سعرها جميل مقارنه بالحاله اللي انت بتوصفها و ربنا يوفقك

[loklok]

احذر من التجار وربنا يوفقك

[Ahmed Koller]

مانوال وال اتوماتيك .. وفتحة سقف وال من غير .. وفيها مثبت سرعه ةال لا .

[تامر.محمد]

لازم تكشف في التوكيل

[zadreamer]

اعمل الصح
اكشف ف التوكيل
علشان مش تندم بعد كده وربنا يقدم الي فيه الخير
السعر كده حلو اوي

[tarek_asem]

طب الكشف ف التوكيل ده على مين بقى :) كل ما تعجبني عربيه اخدها واكشف ف التوكيل والبس 500 ف 500 ؟؟؟ مفروض يبقى عليه مش عليا :)

[Shiref_mohamed]

طب الكشف ف التوكيل ده على مين بقى :) كل ما تعجبني عربيه اخدها واكشف ف التوكيل والبس 500 ف 500 ؟؟؟ مفروض يبقى عليه مش عليا :)

ههههههههههههههه ايوه حضرتك تفضل تدفع 500 × 500 لحد ما تخلص الفلوس الى هتشتري بيها العربية وتقعد تغني ظلموه
بص حضرتك مبلغ الكشف كده كده بيكون على المشترى لآن انتا الى عاوز تطمن على عربيتك فكده انتا بتبقى مضطر تدفع ... طب الحل ايه
المفروض حضرتك تكشف مبدايا على العربية ويفضل تاخد معاك ميكانيكي او سمكرى او اي حد ثقة بيفهم يفحص البودى كويس ويفحص الصالون ويسمع صوت الموتور ويجرب نقلات الفتيس وتشوف الكاوتش والعفشه فيها تخبيط ولا لا والأجهزة الكهربائية شغاله ولا لا وهكذا ولما تتاكد ان العربية مبدايا تمام يبقى تحجز كشف التوكيل عشان الفحص الدقيق بقى وممكن حضرتك برضه تفحص في المراكز المعتمده من التوكيل زي الميكانيكيون العرب او فرنش موتورز وتريح دماغك ودول الكشف عندهم بيبقى ارخص من التوكيل ومش محتاجه حجز .. بس اهم حاجه الفحص المبدأي زي ما وضحتلك

[tarek_asem]

مشكلتي اني بشتغل بره مصر و جاي شهر وعايز انزل اشتري على طول .... ربنا يعين ونلاقي حاجه نضيفه بقى ... لو قدام حضرتك حاجه كويسه ياريت تقوللي .. انا قاعد اغني على رينو نضيفه وسعرها كويس مش لاقي

[تامر.محمد]

مش سهل بالمرة
اللي معاه كويسة ما بيفرطش فيها بسهولة لأن المبلغ اللي بتجيبه لازم يزود عليه كتير اوي عشان يجيب حاجة في مستواها

[Shiref_mohamed]

مشكلتي اني بشتغل بره مصر و جاي شهر وعايز انزل اشتري على طول .... ربنا يعين ونلاقي حاجه نضيفه بقى ... لو قدام حضرتك حاجه كويسه ياريت تقوللي .. انا قاعد اغني على رينو نضيفه وسعرها كويس مش لاقي

هو مش حضرتك الى كنت كلمتني على عربيتي ولا تشابه ميجانات ؟؟

[tarek_asem]

لا انا يا استاذ شريف بس بصراحه حضرتك طالب سعر عالي .... لو تنزل زي السوق او اوزيد شوية حتى اشتري من حضرتك اكيييد .. وحضرتك قلت سعر نهائي فمحبتش ابقى رخم . وكمان طلبت من حضرتك تكلفه تقديريه للحجات اللي فيها بس حضرتك مردتش عليا ففكرت انها اتباعت او ماشابه .... لان سبعين وفبها اصلاحات كمان مش عارف تمنها خوفني تكون تكلفتها زيادة عن حساباتي
ياريت لو في مجال اعرف تكلفه الحجات قد ايه .... بسم الله ماشاء الله عليها شكلها زي الفل وعايزها ةمش فارق معايا الكيلومتر بتاعتها نهائي