أستفسار بخصوص رينو كليو 1200 2003

[haltokhey]

السلام عليكم

انا عضو جديد فى قسم الرينو و الحمد لله جبت عربية كليو 1200 موديل 2003 و حالتها الحمد لله تمام
المشكلة ان كان غطاء القربة صاحبها قالى انه محتاج يتغير و روحت جبته من رينو المهندسين اللى فى وادى النيل قالى ايطالى اصلى بـ 35 جـم و روحت عملت دورة تنظيف ريداتير فى موبيل و حطيت ماية خضراء و كله بقى تمام .
المشكلة ان تانى يوم لقيت القربة ناقصة شوية مكان دورة التنظيف و زودتها و قولت عادى
بقالى يومين و انا ماشى بالعربية درجة الحرارة عادية عند النص بالظبط بس امبارح لقيت بخار مية جامد من عند الكبوت فتحت لقيت المية بتفور جوة القربة و فية زى نافورة كدة طالعة من حوالين الغطاء .. سبتها هديت و مشيت و النهاردة الصبح ببص لقيت المية ناقصة كأن القربة قربت تفضى خالص قولت امشى بيها و بكرة اروح اكشف بس برضة بلاقى بخار مية طالع من القربة و انا ماشى خصوصآ لما العربية بتوصل درجة حرارتها للنص

فياريت الأعضاء اللى قابلوا نفس المشكلة بعرفونى العيب كدة فين بالظبط

شكرآ

[hisham_92]

غالبا دورة التبريد واخدة هوا ,, سؤال معلش هو الحرارة عند حضرتك بتفضل ثابتة عند النص ولا بتفضل تتغير كل شوية علي حسب مشي العربية ؟؟

[haltokhey]

بتتغير على حسب مشى العربية بتنزل و بتطلع بس كحد اقصى عن نص المؤشر تقريبآ

شكرآ لأهتمامك و ردك

[hisham_92]

العفو يا فندم

[ramy_gamal]

ممكن يكون العيب فى غطاء القربه لان اللى حضرتك جبته مش اصلى الاصلى ب 250 جنيه ( الكلام دة من كام سنه ) جرب غطاء تانى وشوف

[haltokhey]

ممكن يكون العيب فى غطاء القربه لان اللى حضرتك جبته مش اصلى الاصلى ب 250 جنيه ( الكلام دة من كام سنه ) جرب غطاء تانى وشوف

شكرآ ياباشا على ردك , بكرة ان شاء الله هاجيب غطاء جديد و اجربة , بس انت ترشحلى نوع معين اجيبة يكون كويس طبعا غير ابو 250 جم دة :)
و ازاى اقدر اسحب الهواء اللى فى القربة دلوقتى ؟

[ramy_gamal]

معنديش فكرة عن الانواع بس اسال اللى بيبيع وحاول تجيب حاجه كويسه
بالنسبه ل الهواء لو حضرتك عارف مكان البلف يكون تحت فلتر الهواء لو مش هتملكه اعمله عند الميكانيكى احسن
هى الطريقه افتح غطاء القربه وبعدين افتح البلف هتلاقى ميه بتنزل بعدها اقفل الغطاء وبعدين اقفل البلف ..بس كدة