يا اهل الرينو .. نويت باذن الله على اخر الشتاء اجيب لوجان اوتو .. بس فى شوية اسئلة

[mtc_46]

انا بصراحة نويت اجيب ازيرو و ادوق طعم الزيرو .. يعنى هما اللى بيركبوا زيرو احسن منى فى ايه ؟؟
و باذن الله هقسط لوجان او سانديرو اوتو لان سعرها كويس بالنسبة لامكانيتها .. و عيبها الوحيد كان قطع غيارها و هى دلوقى ماشاء الله اكتر من الكورى
بس كان نفسى اعرف فراملها اخبارها ايه .. زى النوبيرا اللى معايا ولا احسن شوية ولا احسن كتير؟؟
سحبها اخباره ايه و خصوصا على المطالع عشان انا ساكن فى المقطم و مش عايز عربية تفطس منى
تكييفها اخباره ايه؟؟
هل العدادت بيظهر فيها النقلة (p - d - n)؟؟
و هل لو على الاستيبترونيك بيظهر 1 - 2 - 3 - 4 و كده ولا لأ؟؟
هل قعدتها كويسة مقارنة بالنوبيرا برده؟؟
انا بسأل كل ده عشان معايا نوبيرا و بصراحة كويسة .. بس الزيرور زيرو .. ومش عايز اغير الاقى نفسى نزلت بالمستوى و مش عارف اسوق!!
اسف للازعاج و متشكر جدا لسعة صدوركم

[assaf]

انا بصراحة نويت اجيب ازيرو و ادوق طعم الزيرو .. يعنى هما اللى بيركبوا زيرو احسن منى فى ايه ؟؟
و باذن الله هقسط لوجان او سانديرو اوتو لان سعرها كويس بالنسبة لامكانيتها .. و عيبها الوحيد كان قطع غيارها و هى دلوقى ماشاء الله اكتر من الكورى
بس كان نفسى اعرف فراملها اخبارها ايه .. زى النوبيرا اللى معايا ولا احسن شوية ولا احسن كتير؟؟
سحبها اخباره ايه و خصوصا على المطالع عشان انا ساكن فى المقطم و مش عايز عربية تفطس منى
تكييفها اخباره ايه؟؟
هل العدادت بيظهر فيها النقلة (p - d - n)؟؟
و هل لو على الاستيبترونيك بيظهر 1 - 2 - 3 - 4 و كده ولا لأ؟؟
هل قعدتها كويسة مقارنة بالنوبيرا برده؟؟
انا بسأل كل ده عشان معايا نوبيرا و بصراحة كويسة .. بس الزيرور زيرو .. ومش عايز اغير الاقى نفسى نزلت بالمستوى و مش عارف اسوق!!
اسف للازعاج و متشكر جدا لسعة صدوركم

انا مسقتش النوبيرا فمش حعرف اقارنها بيها
الفرامل كويسه جدا كان معايا كرستاله قبلها فرامل اللوجان افضل حاجه بسيطه
السحب في الاول تقيل شويه بس بعد ال 60 بتفتح يعني طلعه الكرستاله احسن يمكن عشان دي اوتو ز الكرستاله مانيوال
في المطالع العاليه هاتها علي المانيوال و عيش
انا مجربتش التكييف لسه بس واحد معايا في الشغل بيشكر فيه جدا
العدادات بتكتب d- n-p -r حسب وضع الفتيس و بتكتب 1-2-3-4 حسب النقله لو علي الستيبترونك
انا مبسوط منها جدا و كل يوم بحمد ربنا عليها

[haithamhasan38]

بسم الله الرحمن الرحيم
فى البداية احب اقول لحضرتك ان النوبيرا فى الاتوماتيك صفر صفر صفر . عن تجربة .
بالنسبة للرينو انا معايا كليو 2005 اتوماتيك .
الرينو كعربية ممتازة . عزم و شدة و ثبات وسرعة .
بس صدقنى انا زهقت منها و من مشاكلها و من قلة الصنايعية اللى بيفهمو فيها . و من غلو سعر قطع غيارها .
معظم الصنايعية مش بيحبوا يشتغلوا فيها و مش بيعرفوا عيوبها فا بتبقى مضطر تروح التوكيل . هناك بقى التنفيض كلة .
نصيحة اخوية لو امامك فرصة غير الرينو شوف نفسك
بس لو ناوى على الرينو يبقى تكشف كويس على العربية و تكون موديل حديث . وتعمل حسابك فى 2000 او 3000 الاف جنية على جمب عشان تظبط بيهم العربية لان اكيد حيظهر فيها بعض العيوب .
و ربنا يوفقك يا برنس

[assaf]

اللوجان مصممه كعربيه اقتصاديه يعني مش حتلاقي فيها الحساسات الكتير زي باقي الرينو يعني كعربيه مش فيها تكنولوجيا عاليه .
وعموما في قسم خاص بالرينو اللوجان ياريت الزميل السائل يشوف الموضوعات اللي فيه

[mtc_46]

انا شاكر جدا ليكم و عملت موضوع جديد فى قسم اللوجان