صوت طقطقة مع لف الدركسيون مع الفرامل

[ymthmy]

أرجو إفادتكم عشان مش لاقي حل لمشكلة الصوت ده
في صوت طقطقة بيجي في 3 حالات بالظبط لاحظتهم
أولا لو واقف ودايس فرامل وبلف الدكسيون للآخر بسمع طقة أو اتنين أو تلاتة كده في نهاية اللفة سواء يمين أو شمال
ثانيا لو في ملف وضربت فرامل وبلف الدركسيون عادي يعني مش للآخر يمين أسمع صوت طقة أو اتنين كده في الشمال والعكس
ثالثا لو العربية كانت راكنة وأنا يدوبك ببتدي أرجع بعد ما أجيب الr بسمع صوت طقة من قدام
ودايما الدركسيون معووج عندي يعني مش مظبوط مع اتجاه الكاوتش
علي فكرة العربية رينو فلوانس 2013 ماشية 9000 كلم فقط
ورحت للتوكيل أكثر من مرة بسبب المشكلة دي
تم تغيير كراسي المساعدين + ذراع المساعد + علبة الدركسيون + بعض الكاوتش بالعفشة ( معرفش بتاع إيه )
وتم ظبط الزوايا والإتزان أكثر من مرة
ومازال الصوت موجود والدركسيون معووج والتوكيل بدأ يزهق مني ويقوللي العربية كده تمام بس هي طبعا مش تمام خاص
الصوت ده مدايقني جدا وعايز ألاقيله حل
محتاج رأيكم وإفادتكم ضروري جدا جدا

[aldesha989]

حسبى الله ونعم الوكيل عربيه زيرو وفيها مشاكل زى دى ؟

[amr011111]

خليك وراهم وعليك وعلى حماية المستهلك ولو عربيتك رينو فلواينس زى اللى فى البروفيل بتاعك ابعت ميل للشركه الفرنسيه وهتلاقى التوكيل بيتصل بيك

[zadreamer]

خليك وراهم وعليك وعلى حماية المستهلك ولو عربيتك رينو فلواينس زى اللى فى البروفيل بتاعك ابعت ميل للشركه الفرنسيه وهتلاقى التوكيل بيتصل بيك

كلام مظبوط

[ymthmy]

ياريت يا جماعة لو حد يفيدني بالإيميل ده ضروري لأني بجد تعبت من التوكيل

[ahmedelfeky]

علي فكره ده عادي انا عربيتي نفس الكلام لان الجراج بتاعي نازل لتحت وانا حاطط الفتيس علي ال r وبرجع لورا ضاغط فرامل بسمع صوت الطقطقه دي او ماحط الفتيس علي ال n ولا الهوا نفس الكلام وانت واقف لف الطاره لاخر المشوار علي ال n مش هتسمع اي طقطقه لو اديتها غيار r او d هتسمع طقطقه مش عارف بقي انت الوضع عندك غير كده ولا ايه

[ymthmy]

علي فكره ده عادي انا عربيتي نفس الكلام لان الجراج بتاعي نازل لتحت وانا حاطط الفتيس علي ال r وبرجع لورا ضاغط فرامل بسمع صوت الطقطقه دي او ماحط الفتيس علي ال n ولا الهوا نفس الكلام وانت واقف لف الطاره لاخر المشوار علي ال n مش هتسمع اي طقطقه لو اديتها غيار r او d هتسمع طقطقه مش عارف بقي انت الوضع عندك غير كده ولا ايه

أنا تقريبا نفس الكلام بس الصوت لما بدوس فرامل يعني لازم أكون دايس فرامل
يعني أنا لو جبت ال R ورجعت وجيت أدوس فرامل أسمع طقة كدة من قدام كل ما أدوس فرامل
ولو واقف وجايب ال d ودايس فرامل وبلف الدريكسيون بسمع الطقطقة في آخر اللفة سواء يمين أو شمال
ولو ماشي بالعربية وجيت ألف ودوست فرامل بسمع بردو صوت الطقطقة
بس علي فكرة العربية مكنتش كده أول ما جبتها يعني الموضوع ده نتيجة حاجة حصلت في العفشة من تحت أو في الطنابير أو في المقصات أو المساعدين أو الكبالن ( علي فكرة أنا كنت عايز أعرف إيه هو الكوبلن بالظبط وإيه وظيفته ) المهم ان في حاجة بس ايه هي مش عارف ولا التوكيل عارف

[J A G U A R]

صوت الطقطقه ده عادى فى عربيات كتير

[rasboten]

صوت الطقطقه ده عادى فى عربيات كتير

تمام فى عربيات كتير كده وانا كان معايا نوبيرا وحاليا ستيب واى والاتنين عملو كده

[midon1]

انا معايا سانديرو اوتو 2013 وكان الصوت ده ظهر عندي عند ال 12 الف كده
بصراحه كنت مفكره عادي لكن قلتلهم عليه في صيانه ال 15 الف وبصراحه اتظبط وراح
بس صوت التكتكه دي كان بييجي عندي وانا بلف الدريكسيون علي الاخر خصوصا لو مدي اشاره وهما ظبطوه

[MARTINDALE]

الصوت ده طبيعي وموجود عندي من بدري

[wael-mohamed]

شوف يا باشا انا معايا فلوانس e3 2012 وحصل معايا الي حضرتك بتقول عليه بالضبط بعد 5000 كيلو بس كان صوت تزييق وراح بعد تربيط العفشة . اما صوت الطقطقة ده عادي في الجراج وانت واقف او بتركن بتسمع صوت مع الفرامل بس وانت ماشي دي غريبة . وعلى العموم ممكن حضرتك لو حبيت لو انت في القاهرة تشرفني في الجراج وتجرب عربيتي وتقارن وانا تحت امرك . علشان انا عارف الموضوع ده بيبقى معكنن على الواحد ومخليه مش فرحان بالعربية وده رقمي لو حبيت 01006670488