مطلوب مساعدتكم من فضلكم ... ميجان 2005

[tarek_asem]

معروض عليا ميجان 2005 فابريكا بالكامل اعلى فئه بفتحه سقف - عداد 130 الف - جميع الصيانات بالتوكيل - صاحبها طالب 65 فاصلت معاه وصلت ل 63 .... وموافق عالكشف في التوكيل وبيقول ان فواتير الصيانات موجوده كلها معاه .. ايه رأيكم في السعر ؟ بفرض انها زي ما بيقول ومفيهاش عيوب نهائي ... مناسب ولا لا ؟

[simo4ever]

أنا شايف أن سعرها مناسب جداً على الموديل و الكيلو متر ،، وبرضو للأمان روح اكشف فى التوكيل
وربنا يكرمك إن شاء الله وتكون من نصيبك

[tarek_asem]

ده اكيد ان شاء الله واتفقنا عليه .. بس عايز اعرف السعر مناسب ولا لا

[simo4ever]

انا بقول لحضرتك من وجهة نظرى التى لا قيمة لها ، ان سعرها كويس جداً خصوصا ان فى موديلات زيها معروضة بكيلو متر اكتر وتقريباً بنفس السعر و أكتر كمان .. وحضرتك بتقول صاحبها محافظ عليها وعلى صيانتها و فى التوكيل كمان !! فأكيد هتبقى صفقة رابحة ... وبرضو أستنى رائ الوحوووووش وربنا يوفقك للى فيه الخير

[tarek_asem]

رأي حضرتك اعتز بيه .. شكرا لتجاوبك

[osamaos20022]

السعر ممتاز لو الحاله دي

[Ahmed_Ramadan]

بعد إذن صاحب الموضوع .... هى الععربيات ال 2005 سعرهل مش بيبقى 55 -57 ؟ و لا دول حالة متهانة

[tarek_asem]

بس بيبقى كبلومتر عالي واوبشنز اقل وراشه اكيد ،،،،، انا شايف انه سعر مناسب بس مستني راي الوحوش

[Ahmed Selim]

السعر أنا شايفه قليل بصراحة.......بس طالما هو موافق و معندوش مانع تكشفوا فى التوكيل يبقى توكل على الله.

[أسامه طياره]

انا شايف السعر غالي شويه ! الميجان اللي اعرفه الموديل ده في الخمسينات ! بس لو بحالتها اوي اتكل عالله ..عشان العربيات دي زي البطيخه لو اشترتها بحالتها هتعشقها ..لو جبتها خربانه هتكرهك في كلمة فرنساوي على فرنسا كلها :d وموفق في الشرا ان شاء الله

[tarek_asem]

هو مسافر ويمكن منزل سعرها عشان كدة ... ويمكن عشان ف المنصورة كمان لان مفيش ميجانات كتير ف المنصورة هو بيتكلم بثقه جدا جدا ... ودة مطمنني نوعا ما و ثقته في انه يفحص ف التوكيل وبيقول فواتير الصيانات موجودة وقطع الغيار اللي غيرها موجوده معاه القديم بتاعها . واللي مخليني مايل لها شويه انه ف المنصورة ومش هحتاج اروح اتنطط ف كل حته شويه من شهر عقاري ومعاينات ف القاهره ولا اسكندريه لاني ف المنصورة ... هل السعر مريب يعني !!!! معتقدش ولا انتو شايفين ايه ؟

[tarek_asem]

يعني اتوكل على الله ولا اعمل ايه ؟ عايز رأيكم يا جماعه !

[Shiref_mohamed]

السعر كويس جدا اكشف عليها في التوكيل وان شاء الله ربنا يكرمك

[tarek_asem]

شكرا يا استاذ شريف .... بس سؤال بقى ... النتيجه اللي التوكيل هيديهالي ف التقرير ... امتى احكم انها كويسه ؟ انا عمري ما اشتريت مستعمل وقلقان جدا