نويت ع الميجان ، حد بايع ؟

[simo4ever]

السلام عليكم ورحمه الله وبركاته

كل سنة وانتم طيبين يا وحوووش ... وإن شاء الله تكون سنة سعيدة عليكم جميعاً وعلى مصرنا الحبيبة ....

أنا نويت إن شاء الله إنى أشترى الميجان (موديل 2007 أو 2008) ولسه فى مرحلة البحث ..
فياريت اللى عاوز يبيع عربيته أو يعرف حد عربيته كويسة ويكون واثق فيه يبلغنى ضروري لانى خايف من سوق الجمعه ومعدنيش وقت انى انزل كذا مرة للسوق علشان اقعد الف على عربيات ... وياريت كمان لو تكون اعلى فئة ، بانوراما يعنى والحركات دى d: والعداد بتاعها اقل من 100 الف كيلو

ارجوووووووووكم اللى شايف واحده اودامه وحالتها كويسة يبلغنى علشان مستعجل جداً
على العربية..

[elnakshabandy]

موفق

[أسامه طياره]

ربنا معاك عربيه اكتر من ممتازه ولولا قطع غيارها كانت هتبقى اسعارها وسوقها حاجه تانيه خالص .. ان شاء الله ناوي عالصيف بردو اجيب واحده بس الهاتشباك عشان بتعجبني اكتر ..وياريت ياباشا ان شاء الله بعد ماتشتري تبقى تنزل موضوع برأيك الشخصي والتجربه في العربيه دي واماكن وتكاليف الصيانه .. اكون مشكور :) ومبروك مقدما

[Shiref_mohamed]

ربنا معاك عربيه اكتر من ممتازه ولولا قطع غيارها كانت هتبقى اسعارها وسوقها حاجه تانيه خالص .. ان شاء الله ناوي عالصيف بردو اجيب واحده بس الهاتشباك عشان بتعجبني اكتر ..وياريت ياباشا ان شاء الله بعد ماتشتري تبقى تنزل موضوع برأيك الشخصي والتجربه في العربيه دي واماكن وتكاليف الصيانه .. اكون مشكور :) ومبروك مقدما

مالها قطع غيارها حضرتك ؟
على العموم اسعار قطع غيار الميجان 2 حاليا ارخص من عربيات كتير اقل منها في كل شي وﻻ يقارنو بالميجان اصلا

[FAR!D]

انا شايف ان اسعار قطع غيارها ومناسبه لفئتها و لسعرها اللي بيه دلوقتي اوي
لصاحب الموضوع ربنا يوفقك و تقع على وحده مفيهاش الهوا

[simo4ever]

موفق

إن شاء الله ، شكراً على متابعتك

ربنا معاك عربيه اكتر من ممتازه ولولا قطع غيارها كانت هتبقى اسعارها وسوقها حاجه تانيه خالص .. ان شاء الله ناوي عالصيف بردو اجيب واحده بس الهاتشباك عشان بتعجبني اكتر ..وياريت ياباشا ان شاء الله بعد ماتشتري تبقى تنزل موضوع برأيك الشخصي والتجربه في العربيه دي واماكن وتكاليف الصيانه .. اكون مشكور :) ومبروك مقدما

على فكرة قطع غيارها رخيصة بالنسبة لعربيات تانية كتير ، وإن شاء الله ربنا يقدر الواحد ويصينها كويس وربنا يكرمك إن شاء الله بواحدة نضيفة ، وإن شاء الله أنا ناوى أعمل تقرير كامل بالصور للعربية بس هى تيييييييجي الاول بإذن الله ،، الله يبارك فيك يا استاذ أسامة وشكراً لمتابعتك

مالها قطع غيارها حضرتك ؟
على العموم اسعار قطع غيار الميجان 2 حاليا ارخص من عربيات كتير اقل منها في كل شي وﻻ يقارنو بالميجان اصلا

+1
أنا مع رائ حضرتك جداً ، وربنا يكرم بإذن الله

انا شايف ان اسعار قطع غيارها ومناسبه لفئتها و لسعرها اللي بيه دلوقتي اوي
لصاحب الموضوع ربنا يوفقك و تقع على وحده مفيهاش الهوا

انا لسه أمبارح بليل واحد صاحبى بيكلمنى وبيقولى فيه واحده موديل 2006 - أعلى فئة بانوراما - لونها أسود - فرشها بيج من جواه - ماشية 142000 كيلو - بيعملها صيانات فى التوكيل - فابريكه بره وجواه - ومستعد يكشف عليها فى التوكيل لما سألته يعنى - والسعر 68 ألف جنيه !! مش عارف كدة كتير ولا ايه ؟
بس أنا شايف أن اخرها 65-66 ألف والراجل مش عاوز ينزل جنيه ،هى عربية مراته و أغلب الكيلو متر دة سفر من طنطا للعاشر من رمضان .......... عاوز رائيكم يا وحوووووووش

[FAR!D]

رايي انك تخليك في موديل 2007 او 2008 عشان الفيس ليفت اشيك و كمان كسبت موديل اعلى و اسمع انه في تغيير في الفتيس

[simo4ever]

رايي انك تخليك في موديل 2007 او 2008 عشان الفيس ليفت اشيك و كمان كسبت موديل اعلى و اسمع انه في تغيير في الفتيس

هو من ناحية الفتيس ، فهو واحد مفيش تغيير ، واكيد طبعاً موديل 2007 او 2008 هيكون احسن ... بس طالما لقيت حاجه حالتها حلوة مش هتفرق موديل كام

[M.Radwan]

أعتقد سعرها مناسب جدا..خلي بالك اللى عنده ميجان نضيفة مش بيبيع على الأسعار التعبانة اللى بتشوفها ع المواقع دي..متستخسرش فيها الفلوس طالما حالتها نضيفة

[Hany Saad]

فعلا الميجان النظيف اللى عامل صياناته كلها فى التوكيل نادر جدا لما تلاقيه و بيبقى سعره شادد لأن بصراحة لو العربية حالتها نظيفة بتبقى لقطة و مكسب كبير جدا للبيشترى لأنها ركوبة بحق و سعرها ميجبش سعر اقل عربية سيدان زيرو دلوقتى

[Ahmed Koller]

68 لقطــــــــــــــــــــــــــــه لو حالتها نضيفه . في واحده 2006 هاى لاين قدامي علي 84 ومش عاوز ينزل شلن

[simo4ever]

أعتقد سعرها مناسب جدا..خلي بالك اللى عنده ميجان نضيفة مش بيبيع على الأسعار التعبانة اللى بتشوفها ع المواقع دي..متستخسرش فيها الفلوس طالما حالتها نضيفة

+1

فعلا الميجان النظيف اللى عامل صياناته كلها فى التوكيل نادر جدا لما تلاقيه و بيبقى سعره شادد لأن بصراحة لو العربية حالتها نظيفة بتبقى لقطة و مكسب كبير جدا للبيشترى لأنها ركوبة بحق و سعرها ميجبش سعر اقل عربية سيدان زيرو دلوقتى

+1

68 لقطــــــــــــــــــــــــــــه لو حالتها نضيفه . في واحده 2006 هاى لاين قدامي علي 84 ومش عاوز ينزل شلن

كتير اوى 84 ألف ... أومال لو 2009 ولا 2010 هتعمل كام !!!!

[Shiref_mohamed]

يا جماعه الميجان حاله ...
العربية السليمة المصروف عليها مش خسارة فيها الفلوس بالعكس ديه هتوفر على المدى البعيد
اما عربيات السوق والتجارة والعك ده خسارة يندفع فيها جنيه اصلا حرااااااام
انا ليا معرفة راح اشترى ميجان 2005 عاملة 86 الف كم ب 49 الف وكان فرحان ومبسوط اوي وفاكر نفسه ضحك على صاحبها ولما شفتها لقيتها مخبوطة وفاتحه ايرباج وراشة كلها بره وكاوتش كله بلالين وفتيس مش بينقل مظبوط وصوت الموتور عالى والزجاج الكهربا واقف ومروحة التبريد شغالة على السرعة العالية دايما باختصار يعني مفيهاش حاجة سليمة ..
اناطبعا حذرته منها وقلتله رجعها لصاحبها احسن حتى لو هتخسر شرط جزاءئ راح الباشا قالى انه هيشدها ويظبطها بفرق المبلغ طبعا سبته وكبرت دماغى .. ودلوقتى هو للى اتشد شده محترمة والعربية زي ماهي كلبة برضه

[Ahmed Koller]

عربيتي 2006 نبيتي هاي لاين . فتحة سقف ومثبت وفرش جلد الأصلي

ماشية 135000 وفواتير الصيانة في التوكيل لحد 100000 كيلو موجوده

كاوتش جديد جود يير ماكملش 1000 كيلو والعربية رشة إكصدام امامي وداير الرفرف الخلفي

تاني يد والرخصه هتنتهي شهر 9

والسعر 74
وشكرا لحضرتك وبالتوفيق

وابويا معاه 2009 اتوماتيك وجنوط لاكن مش هاى لاين وحضرتك عاوز هاى لاين

[وائل مختار]

لو العربيه موديل 2006 اللى حضرتك بتقول عليها دى حالتها نظيفه متسبهاش لان الميجان اسعاره شدت اوى وبقى مطلوب لان الناس اخيرا ابتدت تفهم العربيه دى