إعـــــــلان

Collapse

.

,
See more
See less

يا ترى عربيتى الميجان ٢٠٠٦ ممكن أبيعها على كام؟

Collapse
X
 
  • Filter
  • الوقت
  • Show
Clear All
new posts

  • يا ترى عربيتى الميجان ٢٠٠٦ ممكن أبيعها على كام؟

    ان شاء الله هستلم الفلوانس الفيس ليفت فى خلال اسبوعين تقريبا و طبعا هبيع معشوقتى الميجان اللى كانت جزء من العيلة لمدة ٧ سنوات و لولا ان الفلوانس مكنتش عامل حسابى ان اجيبها مكنش ممكن افرط فى ميجى
    انا طبعا فى دماغى سعر للبيع و فيه زميل ليا قابل انه يشترى عليه و لكن علشان محسش انى ظالم الشارى او انى بعت بخسارة حابب اخد رأى الوحوش فى سعر معقول بالنسبة ليها طبعا مع الأخذ فى الأعتبار أسعار الزيرو حاليا اللى بقت فى السما و اللى زادت تانى اول السنة و انك محتاج فى حدود ٨٠ ألف جنيه على الاقل علشان تركب أقل عربية سيدان فى مصر

    * مواصفات السيارة:
    - موديل ٢٠٠٦ شهر يوليو اخر دفعة قبل الفيس ليفت اول يد
    - موتور ١١٥ حصان
    - فتيس استيبترونيك ٤ سرعات مع نظام manual mode
    - إضاءة عدادات برتقالى و كاسيت Update List
    - رخصة حتى يوليو ٢٠١٥
    - جميع الصيانات الدورية و الغير دورية فى التوكيل مع ملف كامل بالفواتير
    - ٤ كاوتش بريدجستون تورانزا GR 90 يابانى
    - استبن لم يستخدم
    - العربية جنط معدن
    - اربع دواسات اصلية ميجان من التوكيل
    - مركبلها وصلة AUX مع الريموت
    - بطارية أصلية من التوكيل
    - مساحات أصلية من التوكيل
    - لون Gray Eclipse B66
    - دهان فابريكة كامل بره و جوه و حالة الدهان ٩٠٪ ( جراج خاص)
    - فوج لايت أمامى و خلفى
    - ٦ أيرباجز
    - مثبت و محدد سرعة
    - حساس مطر
    - حساس أضاءة
    - follow me home
    - ٣ ستائر خلفية و جانبية
    - درج تابلوه مبرد
    - تكييف بكر
    - كاسيت CD مع تحكم من الطارة
    - تحكم فى ارتفاع الأضاءة الأمامية
    - تحكم فى شدة أضاءة التابلوه
    - مرايات ظبط و ضم كهرباء
    - اربع زجاج كهربا one touch مع anti pinch و مكن رفع مع الريموت
    - نظام Start/ Stop
    - كارت رينو الذكى للفتح و الغلق و التشغيل
    - مسند يد خلفى مع حامل أكواب
    - كنبة خلفية تطوى ٦٠/٤٠
    - زجاج خلفى حرارى
    - حساس إضاءة
    - انوار فى اعتاب الاربع بيبان

    ده اللى انا فكره تقريبا
    طبعا العربية موافق جدا على الكشف عليها فى التوكيل و انا الحمد لله ببيع حالة و كيلومتر واطى
    محتاج اعرف سعرها العادل يساوى كام بالتقريب
    م/هانى سعد
    Meggieboy سابقا
    [SIGPIC][/SIGPIC]

  • #2
    هى رينو فى 2006 كانت عاملة كل الأوبشنز دى ؟؟؟؟؟؟؟؟ على كدة الواحد لو ساعتها قارنها بتويوتا 2007 كأنه بيقارن بين موتوسيكل صينى ومركبة فضاء ... موفق فالبيع ان شاء الله ومترمهاش بأى سعر وهتتباع بسعر أحسن من اللى انت حاطه ان شاء الله

    Comment


    • #3
      المشاركة الأصلية كتبت بواسطة ramymechanics مشاهدة المشاركة
      هى رينو فى 2006 كانت عاملة كل الأوبشنز دى ؟؟؟؟؟؟؟؟ على كدة الواحد لو ساعتها قارنها بتويوتا 2007 كأنه بيقارن بين موتوسيكل صينى ومركبة فضاء ... موفق فالبيع ان شاء الله ومترمهاش بأى سعر وهتتباع بسعر أحسن من اللى انت حاطه ان شاء الله
      ألف شكر يا باشمهندس رامى على كلامك المشجع ده و فعلا الوصف اللى انت قولته فى محله جدا.... الميجان كانت سابقة عصرها ب ١٠ سنين على الأقل
      لما جيت أشتريها فعلا كنت بقارنها مع تويوتا كورولا و ألنترا و صنى و سيراتو قديم
      ووصف حضرتك هو أبلغ وصف للى أنا فعلا حسيته: بقارن موتوسيكلات صينى "ماركة حلاوه" مع مركبة فضاء
      العربيات دى كنت أخش أقعد فيها أقرف من فقر التابلوه و التفنيش و الأوبشنز المنعدمة و عربيات قديمة كتصميم و صاج...
      أيام مكان الايرباج بدعه و ضلاله كان الميجان أول فئة فيها ٦ أيرباج و نظام Start/Stop و حاجات لسه لغاية ٢٠١٤ كتير من العربيات اللى سعرها قرب من ٢٠٠ ألف منزولهاش كأوبشنز.....فعلا من أحلى العربيات اللى ركبتها و ليها معزه خاصة عندى و عند المدام و الأولاد.....
      م/هانى سعد
      Meggieboy سابقا
      [SIGPIC][/SIGPIC]

      Comment


      • #4
        اولا الف الف مبروك على الفلوانس ، وان شاء الله تتمتع بيها وربنا يديك خيرها ويكفيك شرها........ثانياً انا كنت عاوز اعرف هى الميجان عامله كام كيلو وحضرتك عاوز فيها كام ؟

        Comment


        • #5
          انا أسف نسيت أحط أهم حاجة الكيلومتر
          - العربية عاملة ٧٨ ألف كيلومتر فقط
          - متغيرلها تيل فرامل أمامى و خلفى توكيل و كمان كاوتشة شداد شكمان من شهرين بحوالى ٢٠٠٠ جنيه
          - متغيرلها قواعد موتور كاملة ( ٢ قاعدة + شداد ) من شهر بحوالى ٢٠٤٠ جنيه
          - العربية عليها ضمان شامل على الجيربوكس لحد ١٠٠ ألف كيلومتر غير محدد المدة بشرط عمل الصيانات الدورية فى التوكيل
          - العربية فيها أنظمة فرامل abs , ebd , eba
          م/هانى سعد
          Meggieboy سابقا
          [SIGPIC][/SIGPIC]

          Comment


          • #6
            المشاركة الأصلية كتبت بواسطة simo4ever مشاهدة المشاركة
            اولا الف الف مبروك على الفلوانس ، وان شاء الله تتمتع بيها وربنا يديك خيرها ويكفيك شرها........ثانياً انا كنت عاوز اعرف هى الميجان عامله كام كيلو وحضرتك عاوز فيها كام ؟
            الله يبارك فى حضرتك و ان شاء الله أستلمها على خير....
            العربية عاملة ٧٨ ألف كيلو فقط
            أنا عامل الموضوع مش علشان أبيع، أنا بسأل حضراتكم المفروض أطلب فيها كام...هو ده سؤالى
            م/هانى سعد
            Meggieboy سابقا
            [SIGPIC][/SIGPIC]

            Comment


            • #7
              افهم من الكلام ان دي الفئه التانيه اتوماتيك يعني من غير الجنوط 2006 ماشيه 78 الف بره وجوه
              اظن السعر من 75 الي 80 والله اعلم
              [SIZE=5][B][I][COLOR=Blue]
              [/COLOR] [/I][/B][/SIZE]

              Comment


              • #8
                المشاركة الأصلية كتبت بواسطة osamaos20022 مشاهدة المشاركة
                افهم من الكلام ان دي الفئه التانيه اتوماتيك يعني من غير الجنوط 2006 ماشيه 78 الف بره وجوه
                اظن السعر من 75 الي 80 والله اعلم
                مظبوط كده يا فندم هى الفئة التانية من غير جنوط مع مثبت سرعة و ماشية ٧٨ ألف و دهان فابريكة بره و جوه و صيانات توكيل
                أشكرك على مرورك الكريم.....
                م/هانى سعد
                Meggieboy سابقا
                [SIGPIC][/SIGPIC]

                Comment


                • #9
                  المشاركة الأصلية كتبت بواسطة meggieboy مشاهدة المشاركة
                  الله يبارك فى حضرتك و ان شاء الله أستلمها على خير....
                  العربية عاملة ٧٨ ألف كيلو فقط
                  أنا عامل الموضوع مش علشان أبيع، أنا بسأل حضراتكم المفروض أطلب فيها كام...هو ده سؤالى
                  يا فندم انا فاهم قصد حضرتك انك عاوز تسعر العربية ، بس ميمنعش ان ممكن يكون فى سعر فى بالك عاوز تبيع عليه ، فأنا كنت بسئل ع السعر دة ،، وعموما بما ان عربية حضرتك لقطة فعلا بسم الله ما شاء الله ، واضح انك محافظ عليها جدا وكمان الكيلو متر قليل جدا بالنسبة للى بنشوفه فى عربيات ميجان تانية ... فتقريباً من وجهة نظرى المتواضعة سعرها مابين 75 - 80 ألف ،، وبرضو استنى رائ بقية الوحوووش .. وربنا يوفق لحضرتك بيعها إن شاء الله

                  Comment


                  • #10
                    المشاركة الأصلية كتبت بواسطة simo4ever مشاهدة المشاركة
                    يا فندم انا فاهم قصد حضرتك انك عاوز تسعر العربية ، بس ميمنعش ان ممكن يكون فى سعر فى بالك عاوز تبيع عليه ، فأنا كنت بسئل ع السعر دة ،، وعموما بما ان عربية حضرتك لقطة فعلا بسم الله ما شاء الله ، واضح انك محافظ عليها جدا وكمان الكيلو متر قليل جدا بالنسبة للى بنشوفه فى عربيات ميجان تانية ... فتقريباً من وجهة نظرى المتواضعة سعرها مابين 75 - 80 ألف ،، وبرضو استنى رائ بقية الوحوووش .. وربنا يوفق لحضرتك بيعها إن شاء الله
                    أشكرك جدا يا فندم.....أنا و للأمانة كنت قايله ٧٥ ألف لأن كذا واحد من التوكيل كان عايز يخدها منى على السعر ده
                    و فيه كمان ويتينج ليست فى التوكيل طويل جدا لناس طالبه حالات نظيفة و موصيه عليها
                    بصراحة مكنتش عايز أظلمة و أكون طالب عالى و كمان مكنتش حابب أبيع عربية حالة زى دى بسعر بخس

                    ألف شكر ليكم جدا
                    م/هانى سعد
                    Meggieboy سابقا
                    [SIGPIC][/SIGPIC]

                    Comment


                    • #11
                      انتا كده اكرمته واديته هديه مش ظلمته خالص الميجان النضيفة متتسابش باي سعر
                      انا عربيتى نفس حالة ومواصفات عربيتك بالظبط بس عاملة 183 الف عشان السفر الكتير وبرضه صيانة في التوكيل من اول يوم ومفهاش مشاكل الحمد لله وطالب فيها 70 الف
                      ديه عربيات مصروف عليها كويس ومينفعش تتباع غير للى يقدرها لدرجة اني بحاول ادور على اي قريب او صاحب ليا عشان اديهاله مش عاوز ابيع لحد غريب
                      [CENTER][SIZE=5]
                      [/SIZE][/CENTER]

                      Comment


                      • #12
                        سعرها جميل جدا وحالة محترمة من شخص محترم

                        Comment


                        • #13
                          المشاركة الأصلية كتبت بواسطة zangry مشاهدة المشاركة
                          سعرها جميل جدا وحالة محترمة من شخص محترم
                          أشكرك يا فندم على مرورك الجميل و كلامك الأجمل.....
                          تقبل خالص تحياتى
                          م/هانى سعد
                          Meggieboy سابقا
                          [SIGPIC][/SIGPIC]

                          Comment


                          • #14
                            ربنا يوفقك للبيع ويكرمك فيها ان شاء الله
                            [CENTER][B][SIZE=4][COLOR=#000000]اللهم يسر لنا امورنا في دنيانا [/COLOR][/SIZE][/B][/CENTER]

                            Comment


                            • #15
                              المشاركة الأصلية كتبت بواسطة gomangy مشاهدة المشاركة
                              ربنا يوفقك للبيع ويكرمك فيها ان شاء الله
                              الله يخليك يا فندم....أشكرك على دعوتك الجميلة
                              م/هانى سعد
                              Meggieboy سابقا
                              [SIGPIC][/SIGPIC]

                              Comment

                              Working...
                              X