صوت العربيه خشن وعالى الصبح

[karezzzma]

العربيه عندى صوتها خشن شويه واول مبدور الصوت بيبقى عالى وفيه زى صوت احتكاك كدا فى الموتور واما بدوسلها بنزين لمبه الزيت تنور وتطفى تانى على طول واول متطفى الصوت الخشن دا يقل خالص
الصوت دا مبيبقاش باين والعربيه سخنه وراجع بيها من مشواار
انا لسه مغير زيت ومستوى الزيت مضبووط وبقيسه كل يوووم


انا شاكك ان طرمبه الزيت ضعيفه يا ترى دا صح ولا ايه ؟؟
وفيه ناس هنا هنا قالولى ترس الدفيزر

[Ahmed Koller]

فعلا هو ترس الدفيزر ..

[karezzzma]

انا سألت حضرتك قبل كدا
هوا ترس الدفيزر دا بيخلى لمبه الزيت تنور ؟؟

[saddam]

صديقي المواطن
قولا واحدا نوع الزيت رديء وغير تخليقي ومش بيزيت كامل المكنة ويخش كل مجاريها صباحا وده أخطر وقت لما تدور والعربية بردانة لو مكانش فيه زيت غالي فالمكنة تحتك ببعضها وتاكل ببعضها حتى يسخن الزيت ويتغلغل داخل المكنة أما لمبة الزيت فأسبابها كثيرة أولها الزيت ثقيل ثانيها مجاري المكنة مليئة بالرواسب وقربت تتسد وحتعوز دورتين تنظيف فلاش وكمان ممكن الفلتر إبتدى يتسد أو المصفى الموجود في أول طرمبة البنزين قربت وساخة المكنة تسده ولو ظبطت كل ده ومبقتش معاك كويسة بس أكيد حتبقه كويسه ساعتها تغيرلي طرمبة الزيت ولا تقلق موضوعك متعارف عليه ولكنه خطر وأنصحك حاليا لما تدور متدوسش بنزين سيبها دقيقتين كده وكمان ممكن نكون نسينا حاجة مهمة ممكن يكون عندك السلنسيه واطي ال آر بي إم محتاج يعلى حاجة بسيطة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Ahmed Selim]

الصوت عامل زي صوت بلاستيك بيتكسر ؟

لو هو ده يبقى ترس الديفازر

[byada10]

اغلب الظن ترس الديفيزر

[karezzzma]

صديقي المواطن
قولا واحدا نوع الزيت رديء وغير تخليقي ومش بيزيت كامل المكنة ويخش كل مجاريها صباحا وده أخطر وقت لما تدور والعربية بردانة لو مكانش فيه زيت غالي فالمكنة تحتك ببعضها وتاكل ببعضها حتى يسخن الزيت ويتغلغل داخل المكنة أما لمبة الزيت فأسبابها كثيرة أولها الزيت ثقيل ثانيها مجاري المكنة مليئة بالرواسب وقربت تتسد وحتعوز دورتين تنظيف فلاش وكمان ممكن الفلتر إبتدى يتسد أو المصفى الموجود في أول طرمبة البنزين قربت وساخة المكنة تسده ولو ظبطت كل ده ومبقتش معاك كويسة بس أكيد حتبقه كويسه ساعتها تغيرلي طرمبة الزيت ولا تقلق موضوعك متعارف عليه ولكنه خطر وأنصحك حاليا لما تدور متدوسش بنزين سيبها دقيقتين كده وكمان ممكن نكون نسينا حاجة مهمة ممكن يكون عندك السلنسيه واطي ال آر بي إم محتاج يعلى حاجة بسيطة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

طيب متعرفش اعمل الحاجات دى كلها فين :)

[Ahmed Koller]

ترس الدفيزر لما كان بايظ عندى كان فارق معايا فى صوت الدواره فقط وممكن يأثر في سحب العربيه ( بس مكانش في اى لمبات بتنور في التابلوه بتاع العربيه

[karezzzma]

ترس الدفيزر لما كان بايظ عندى كان فارق معايا فى صوت الدواره فقط وممكن يأثر في سحب العربيه ( بس مكانش في اى لمبات بتنور في التابلوه بتاع العربيه

لا يا باشا العربيه اما بدوس بنزين اما ادور لمبه الزيت تقيد وتطفى على طول