بسيط في فكرته .. رخم في تركيبه.. over في ثمنه

[ma7amadk]

حتة موتور
اسمه موتور فانوس
مسؤول عن ضبط مستوى الإضاءة بالكهرباء



من جواه عباره عن دايرة إلكترونية تافهه وكام ترس بلاستيك وموتور لعب أطفال :D
وياريت أي حد معاه غير الميجان ما يتريقش عشان هتلاقي مكونات في عربيتك أتفه من كده فخلينا ساكتين D:

دي صورة الموتور من جوه





حتة الموتور ده ب100ج استيراد وعشان تركبه لازم تفك الاكصدام
سبب الفك محاولة تصليح قبل ما اشتري التاني بس طلع موتور اللعبة اللي جوه ده غالبا الملف اللي فيه اتحرق
السؤال بقى.. محدش يعرف إزاي ده يتصلح قبل ما اشتري التاني
وعلى فكرة الموتور على ebay هتلاقيه في حدود 50ج بالكتير أوي

[rotanamasoud]

موتور اللعبه ده حتلاقيه فى لعب كتير لو هو اللى بايظ تجيب لعبه فيها واحد زيه وتركبه

[ramymechanics]

بصراحة اول ما قريت عنوان الموضوع لقيت نفسى بقول
العجل فى بطن أمه هههههههههه

[haisam ali]

باشا ..... فك الموتور ده وحط عليه جاز وخبطتين صغيرين كده ولفه بأيديكم كام لفه كده وادعيلى باذن الله .... كان عندى نفس الوضوع واتصلح

[amr011111]

مش عارف ليه مصنعى السيارات علشان اركب موتور زى ده او اركب كلاكس لازم افك الاكصدام

[Shiref_mohamed]

حتة موتور
اسمه موتور فانوس
مسؤول عن ضبط مستوى الإضاءة بالكهرباء



من جواه عباره عن دايرة إلكترونية تافهه وكام ترس بلاستيك وموتور لعب أطفال :d
وياريت أي حد معاه غير الميجان ما يتريقش عشان هتلاقي مكونات في عربيتك أتفه من كده فخلينا ساكتين d:

دي صورة الموتور من جوه





حتة الموتور ده ب100ج استيراد وعشان تركبه لازم تفك الاكصدام
سبب الفك محاولة تصليح قبل ما اشتري التاني بس طلع موتور اللعبة اللي جوه ده غالبا الملف اللي فيه اتحرق
السؤال بقى.. محدش يعرف إزاي ده يتصلح قبل ما اشتري التاني
وعلى فكرة الموتور على ebay هتلاقيه في حدود 50ج بالكتير أوي

تمام بس ده مش موتور لعب اطفال ده موتور 12 فولت وماركه كمان الموضوع مش بالشكل خالص اما موتور لعب الأطفال بيبقى 3 فولت وصيني اصيل وموضوع فك الأصدام ببساطه عشان تركب الموتور مظبوط لازم تفك الفانوس كله بره وعشان تفك الفانوس لازم تفك الأكصدام ومعظم العربيات الجديدة كده

[Shiref_mohamed]

موتور اللعبه ده حتلاقيه فى لعب كتير لو هو اللى بايظ تجيب لعبه فيها واحد زيه وتركبه

مواتير لعب الأطفال 3 فولت اما ده موتور 12 فولت حضرتك

[ma7amadk]

باشا ..... فك الموتور ده وحط عليه جاز وخبطتين صغيرين كده ولفه بأيديكم كام لفه كده وادعيلى باذن الله .... كان عندى نفس الوضوع واتصلح

والله إنت برنس
أول ما قريت ردتك قبل ما انزل الشغل ما صدقت ورحت جايب الموتور
عملت بجزء من نصيحتك وفكيت الموتور وخبط عليه وخدت بالي إن كان فيه كام حباية رمل بين الموتور والترس الأصفر ده ونظفته
والحمد لله إشتغل
تسلم يا هيثم باشا

[ma7amadk]

تمام بس ده مش موتور لعب اطفال ده موتور 12 فولت وماركه كمان الموضوع مش بالشكل خالص اما موتور لعب الأطفال بيبقى 3 فولت وصيني اصيل وموضوع فك الأصدام ببساطه عشان تركب الموتور مظبوط لازم تفك الفانوس كله بره وعشان تفك الفانوس لازم تفك الأكصدام ومعظم العربيات الجديدة كده

فعلا خدت بالي النهارده لما فكيت الموتور
12 فولت وماركة جونسون

[ma7amadk]

بصراحة اول ما قريت عنوان الموضوع لقيت نفسى بقول
العجل فى بطن أمه هههههههههه

ههههههه.. ماهو بصراحة حاجه مستفزة... قطعتين ب200ج و50ج ع الأقل مصنعيات وحوااااار عشان تركبهم
وكل ده عشان خاطر رجلاش نور

مش عارف ليه مصنعى السيارات علشان اركب موتور زى ده او اركب كلاكس لازم افك الاكصدام

أعتقد عشان المفترض إن الحاجات دي نادرا ما بتبوظ أو عمرها الإفتراضي طويل وفين وفين لما تغيرهم

[rotanamasoud]

مواتير لعب الأطفال 3 فولت اما ده موتور 12 فولت حضرتك

والله لما شوفت الاى سى فى البورده قولت يبقى الاى سى مخفض واحتمال يكون بيشتغل 3 برضو
واحتمال الاى سى فيه حاجه

[Hany Saad]

فعلا خدت بالي النهارده لما فكيت الموتور
12 فولت وماركة جونسون

جونسون من أنظف و أكبر شركات المواتير فى العالم....أنا بتعامل معاهم و عارف مواتيرهم و أد إيه هما متقدمين تكنولوجياً....

الحمدلله أنه أشتغل....مبروك....

[ma7amadk]

جونسون من أنظف و أكبر شركات المواتير فى العالم....أنا بتعامل معاهم و عارف مواتيرهم و أد إيه هما متقدمين تكنولوجياً....

الحمدلله أنه أشتغل....مبروك....

الله يبارك فيك

منا من بعد ما لقيت اسم الماركة دي بقيت شاكك إن يكون الموتور اللي عايز يستبدل تكون مشكلته عايز يتنظف بس.. ولو كده هيبقى معايا موتور زيادة.. بس يلا الحمد لله ملحوقة