ميجان ٢٠٠٨

[mm_youssef]

يا شباب معروض عليا ميجان ٢٠٠٨ تكيف تاتش بدون فتحة سقف عاملة ١٠٠،٠٠٠ كيلو متر على ٧٣،٠٠٠ جنية
السؤال كالاتى هل السعر مناسب وهل ال ١٠٠.٠٠٠ كيلو كتير على الميجان وهل العربية قابلة للسرقة لان معايا النترا واتسرقت زي الحلاوة
الميجان مع واحد صاحبي وهو بيعمل صيانتها فى التوكيل
ارجو الافادة

[airfox]

اعتقد السعر معقول بس اكشف عليها برده و اعرف ايه اللي محتاجه اما بالنسبه لموضوع السرقه فهي صعب انها تتسرق الا لو اتحطت علي ونش او تجرت انما من غير الكارت مش هتدرو .بالنسبه للمواصفات اللي حضرتك قايلها فهي معقوله علي السعر يمكن يكون اقل من سعر السوق انا صاحبي لسه جايب 2007 ب 74 و الفئه التانيه بس كانت فابريكه بره وجوه و عامله 80 الف

[تامر.محمد]

السعر قليل
ما تتسرقش الا لو فضيوا لأنهم يغيروا طقم الدوارة كله , او شالوها او قطروها

[M.Radwan]

السعر قليل على الموديل..لازم تشوف الحالة كويس عاملة ايه..السرقة في الميجان صعبة أوي أوي، لازم تتحمل على ونش لإنها مش بتدور من غير الكارب بتاعها.

[Ahmed Koller]

اكشف عليها في التوكيل .. ولو طلعت تمام. ( توكل علي الله ) . و
وبالنسبه للسرقه ( حضرتك ممكن تبيتها في الشارع وي مفتوحه )

[mm_youssef]

ربنا يكرمك جميعا هيا بتاعت صديق عمرى علشان كدة منزل السعر عشانى بس هو فى مشاكل مثلا معينة فى الموديل ده علي سبيل المثال زى فتيس الجيتا مثلا حاجة من هذا الموضوع
اسف للاطالة اخوكم ابيض فى الفرنساوى

[أبو ياسين]

السلام عليكم
ربنا يباركلك فيها مقدما
و بجد لو مشتريتهاش بلغنى انا بدور على ميجان اليومين دول

[mm_youssef]

بس هل ١٠٠،٠٠٠٠ كيلومتر عادى بالنسبة للفرنساوي ولا كتير زى الكورى

[M.Radwan]

بس هل ١٠٠،٠٠٠٠ كيلومتر عادى بالنسبة للفرنساوي ولا كتير زى الكورى

عادي جداااا..أنا معايا اللوجان عامل بيها 116 ألف في 3 سنين وموتورها زي الجديد..ما باالك الميجان بقى أعلى من اللوجان بمراحل. بس خلي بالك أي عربية مستعملة هتصرف عليها في الأول
يعني اعمل حسابك في 5 بواكي على جمب.

[mm_youssef]

زميلى لسه عاملها صيانة كاملة

[تامر.محمد]

فوق ال100 مش زي تحت ال100
زي اي عربية يعني

ارشح لك تقرا الموضوع ده
http://www.nilemotors.net/Nile/399181-2.html

[osamasindbad1]

العربيه بالمواصفات دي كويسه بالسعر ده و100 الف كيلو مش مشكله خالص مادام مواظب ع الصيانات بتاعتها وانت بتقول صديق عمرك يعني عارف العربيه كويس توكل على الله ومش ها تندم بس هو صاحبك بيعملها الصيانه فين لو في التوكيل تبقى ممتازه وياسيدي لو قلقان اتحمل 550 جنيه واكشف عليها في التوكيل وريح دماغك اه بالنسبه للموديل هو كان فيه مشاكل في 2005 واتحلت مع الصيانات اثناء الضمان انما 2008 مفيهش حاجه وبالنسه للسرقه العربيه من غير الكارت حتة حديده الا لو اتحملت بقى على ونش بالتوفيق