زجاج فلوانس فيس ليفت امامي

[redshot]

السلام علكيم ..

كنت راكن عند الشغل في امان الله نزلت لاقيت الزجاج الامامي مكسور .. طبعا اتخانقت مع السايس و هزقت فيه شويه و هعمله ايه .. قدر الله و ما شاء فعل ..

العربيه لسه مكملتش 4000 كيلو و مروحتش اي توكيل او مركز قبل كده فا معنديش اي خلفيه او خبره مع توكيلات رينو .. تنصحوني اروح اغير الازاز في انهي فرع و هل لازم اكون حاجز قبل ما اروح ولا ممكن اروح عادي من غير حجز و تكلفته تقريبا تبقي كام في التوكيل ؟ انا عربيتي فلوانس فيس ليفت r2 يعني مافيش حساسات مطر ولا حراره هيبق تغيير زجاج فقط ..

و الف شكر مقدما ...

[redshot]

انا ساكن في الهرم و اعتقد اقرب حاجه ليا فرع ابو رواش .. اروح ابو رواش هينجزو ولا بيلطعو الناس و موضوع الحجز ولازم ولا ايه ..

[ahmedelfeky]

قدر الله وماشاء فعل احسن فرعين لرينو في مصر بالترتيب فرع العامريه ده في اسكندريه وبعديه فرع العبور بس انا كنت قريت قبل كده مشاركه لواحد زميلنا غير الازاز في فرع العبور وتركيبهم هناك ماعجبوش بس عامه ابعد عن فرع ابورواش ده لانه اسوأ سمعه فيهم

[ahmedelfeky]

وحاول تركب الزجاج الاصلي ماتسمعش كلام الناس بتاع التوفير ده هو تكلفته غالبا اقل من 3000 بس مش فاكر كام بصراحه

[redshot]

شكرا ليك .. طيب انا ناوي اروح بكره اغيره علي طول .. هل لازم احجز قبل ما اروح ولا ممكن اروح علي طول من 10 الصبح مثلا ؟

[ahmedelfeky]

لا بتروح علي طول وبيتغير في نفس اليوم بس روح علي الساعه 9 او 10 الصبح ولو قالولك سبيها يوم او حاجه قولهم انك محتاجها ضروري لان اللي اعرفه انه بيتغير في نفس اليوم بس لازم تروح بدري

[mohamed_rhem]

واحد زميلي قال لما ركب زجاج مش اصلي فرق معاه في العزل

في فلونس القديمة

وركب الاصلي عند خالد عمارة اللي في اول الطريق الزراعي في حدود 2000 جنيه بالتركيب والضريبة

[hossam_elwani]

ربنا يعوضك خير

[Ahmed TRAVCO]

قدر الله وما شاء فعل، ربنا يعوض عليك...
بس انت مش مأمن على العربية ولا ايه؟؟
عموما انضم للزملاء في انك لازم لازم تركب الزجاج الأصلي علشان يبقى معزول صح!!

[xname2004]

أهم حاجه تروح بدرى علشان تستلم فى نفس اليوم

[J A G U A R]

بسيطه الحمد لله ..

[S O P H O S]

معلش ربنا يعوضك خير

[ebrahimsaed]

ياباشا بسيطة كويس انها جت علي قد كدة وربنا يكفيك شر العين
ربنا يعوض علينا وعليك ان شاء الله