مساعدة بسرعه لو سمحتو في ميجان 2005

[tarek_asem]

دلوقتي انا كنت سالتكم على عربيه ميجان ٢٠٠٥وناس قالت سعرها كويس وناس قالت سعرها قليل .... بالله عليكم تساعدوني انا قلقان من المستعمل لان عمري ما اشتريت مستعمل ... كان معايا كذا عربيه بس كلهم كانو زيرو
هقولكم العربيه تاني واقولكم ايه اللي عايز مساعدتكم فيه
العربيه عامله ١٣٠ الف كيلو صيانات في في التوكيل لحد ٨٠ الف وبعد كده برة
فابريكا ماعدا الدورانات اللي فوق الكاوتش ورا
اعلى فئه بفتحه سقف
تم تغيير الاتي فيها ودة اللي عايز مشورتكم فيه :
طرمبه ميه - ترس الديفرز - علبه فيوزات - تلاجه تكييف - كراسي المتور والفتيس - كوبلين ومساعد يمين - مقصات واتياش وشدادات
انا مبفهمش فيهم اوي فهل الحجات اللي اتغيرت دي تدل على مشاكل في العربيه تخليني ابطل اشتريها او اقلق منها ؟ مع العلم ان الراجل طالب ٦٥ ووصلتهم ل ٦٣ الف مع شويه فصال بسيط والراجل معندوش مانع يفحص ف التوكيل

[moh158]

بص تغيير علبة فيوزات يقلق شوية لأنه غالبا بيدل علي مشكل في الكهرباء بتاعة العربية

ثانيا كوبلن و مساعد يمين ده غالبا مطب او خبطة محترمة

فنصيحتي بلاش تتغر انها فابريكا بره و خاصة هي ماشية ١٣٠ الف يعني هتبدأ تفتح بقها ده لو ما كانتش فتحته اصلا و صاحبها بيخلص منها،

كمان سعرها غالي شوية هي اخرها ٦٠

سكرا

[tarek_asem]

السعر اقدر افاصل فيه لكن موضوع علبه الفيوزات ده بتتغير ليه ؟ وهل لو وديتها التوكيل مش هيبان ان فيها مشاكل كهربا ؟ شكرا لاستجابتك السريعه

[Ahmed Koller]

حضرتك مدام هتكشف في التوكيل ..... يبقي مفيش حاجه تخوف ....
وبعدين الحجات ال اتغيرت دي كلها مفيهاش مشاكل تعيب العربيه في حاجه ( والتوكيل هو ال هيوضحلك كل حاجه .)

[tarek_asem]

انا والدي مهندس ميكانيكا وقاللي ان الكوبلن والمقصات و و و و معناها ان العربيه مستهلكه وخوفني منها .... ايه رأيكم انا عايز المشوره

[تامر.محمد]

عادي ان كل الحاجات دي تتغير قبل ما العربية تعمل 130 , انا لسه مغير مقصات قريب و عربيتي عاملة 70 الف حاليا
المهم يكون المقصود انها متغيرة , مش بايظة لأنها لو بايظة هاتكلف حبة حلوين الحاجات دي

المساعدين هاتقعد لحد كام الف فوق ال130 ؟
طرمبة المياه بتتغير مع صيانة 60 الف

اللي مش هاعرف افيدك فيه هو علبة الفيوزات و تلاجة التكييف

انا باقول تكشف في التوكيل و الكشف هو الفيصل

[tarek_asem]

هو قاللي انه غيرهم فعلا وان الحجات دي متغيره بالاصلي وان موجودين عنده القديم لسه ... وان العربيه حاليا لا تحتاج اي مصاريف ... كمان سؤال .. انا شفت حجات باسعار اقل من كده بكتير نفس الكيلو ونفس الموديل بس بدون فتحه سقف وطالب 57 وبيقول عايزه شويه شغل ف العفشه ... 6 الاف على الاقل فرق مش بسيط لكن هل يعمل التصليحات بتاعت العفشه غالبا ولا هتحتاج زياده عن كده ؟ ..

[تامر.محمد]

مش هاعرف افيدك في السعر
بس بالنسبة للعفشة لو اخدنا اسعار التوكيل
المقصين بألفين جنيه و البطاحتين بألفين جنيه
و المساعد الواحد اظن بألف جنيه برده تقريبا

[tarek_asem]

شكرا يا استاذ تامر .. فعلا كل مره بترد عليا بطول بال ومستحملني :) شكرا جزيلا
في انتظار باقي الاراء

[تامر.محمد]

العفو , و الله الناس هنا علموا الواحد كده :)
حاول تيجي المقابلة بكرة لو تقدر , هاتبقى حاجة ظريفة ان شاء الله

[tarek_asem]

للاسف انا بره مصر ونازل بعد 15 يوم ... لو كنت موجود اكيد كنت هاجي ... واتشرفت جدا بحضرتك

[tarek_asem]

محدش افادني في موضوع تلاجه التكييف ؟ و علبه الفيوزات

[Prince_pc]

مش هاعرف افيدك اوي في موضوع علبة الفيوزات ده بالذات مع انه يقلق شوية ...... انما موضوع العفشة ده من خلال تجربتي مع الميجان اقدر اقولك ان مفيش اي مشكلة انها تغيير مساعد واحد او طقم كامل وده للأسف لأن شوارعنا المحروسة بتخلي اجدع عربية تجيب جاز مش مساعديين .... بس الغريبة انك كاتب انه غير طقم المقصات ب ألفين !!!!! وانا كنت مغير الطقم من شهريين ب550ج في الحرفيين وجداد مش استيراد ومش فاكر الماركة انما متأكد انهم اصلي لأن كان فيه نوع تاني ب 400ج .... مع مراعاة ان عفشة الميجان عموما ناشفة شوية
أخر حاجة أحب أقولهالك انك لو رحت بيها التوكيل متأكد انه هايقولك انها (Total Lost) .... يعني خارج التوكيل ، ماتقلقش من الكلمة دي طالما انه مكملش الصيانة الدورية بتاعتها في التوكيل بيبقى رافض التعامل تاني مع العربية دي وبيعتبرها Lost ....

[raedegypt]

نصيحه بلاش منها لآن موديلها ومشاكلها كلها هتلبسها انت وحاجتها غاليه . خليك فى حاجه زيرو جديده افضل لك

[تامر.محمد]

المقصات جديدة في التوكيل الواحد ما بين الف و 1100 جنيه