الحمد لله حجزت فلونس 2014 e2 وعندى استفسار مهم

[jep2050]

السلام عليكم اعزائى المحترمين
الحمد لله ربنا كرمنى و غيرت الكورولا الجنوب افريقى ورحت حجزت رينو فلونس e2
وحجزت لون اسود الصراحه عجبنى جدا شياكته
بس عندى استفسار من ملاك العربيه الجميله دى

1- فى المعرض قالولى ان الدركسيون مش بيدخل لجوا ولا بيلطع لبرا, حركته فقط لفوق و لتحت ودا فى جميع الفئات, هل هذا الكلام مظبوط؟

2- كنت عاوز اركب النور الليد فى التوكيل لانه بصراحه عاجبى جدا وللاسف مكنش معايا 15 الف زياده على شان اجيب الفئه الاعلى, ارجوا حد يفيدنى فى دا

3- كنت عاوز اعرف بعد ما نزلت من الكورولا حتبسط من العربيه دى و لاححس انها خفيفه و مزعجه عن الكورولا؟

4- عاوز اركب باركنج سنسور فى التوكيل , اسعاره ايه و المصنعيه اد ايه؟

اشكركم للاهتمام و مستنى ردودكم

[ebrahimsaed]

متابع وارجو من ملاك العربية انهم يفيدوك
بس اللي أقدر اجاوبك علية انك هتتبسط جدا من الفلوانس انا نزلت شوفت العربيتين وركبتهم الاتنين بس مسوقتوهمش
كشكل خارجي او داخلي انا شايف ان الفلونس تكسب وكمان وسع وراحة
توكل علي ومش هتندم ان شاء الله

[jep2050]

انا اتصلت بالتوكيل، قسم قطع الغيار وعرفت الاتي
التكلفه علي شان اركب ليد
1265 طقم نيكل
900 قطم فبرات
2000 طقم ليد لايت
المجموع =4165 جنيه مصري
وبالنسبه للسنسور الخلفي 650 بالضمان بدون مصنعيه
المصنعيه للسينسور 200 جنيه وقالي ممكن تجيبه من بره ونركبهولك عادي جدا
المعلومات دي كلها من فرع سموحه- الاسكندريه
وبكده حيبقي كله في الضمان

السؤال المهم بقي
فيه مكان اجيب منه طقم الليد اصلي غير التوكيل واروح اركبه هناك بدال ما اتشمط ال 4165

[تامر.محمد]

ماظنش هتلاقي الليد الاصلي بتاعها غير في التوكيل حاليا لأن الموديل لسه جديد و غالبا مالوش قطع غيار برة

بس ما كنتش اتخيل ان بروازين النيكل دول بألف و ميتين جنيه :)))))))

[ramymechanics]

الف مبروك يا باشا وربنا يباركلك .. مبدئيا حضرتك مش نازل من كورولا لفلوانس حضرتك طالع من كورولا للفلوانس (أنا اقصد الجنوب افريقى اللى مع حضرتك) .. الحاجة التانية افضل ان حضرتك حتى تقسط ال 15 اللى فاضلين عشان تحس بالفرق وتستمتع اكتر وتوفر مشاوير التوكيل لأن دى هى الفئة الرابحة فعلا وربنا يباركلك فيها واما تركب هتحس فعلا بالفرق

[noapology]

انا اتصلت بالتوكيل، قسم قطع الغيار وعرفت الاتي
التكلفه علي شان اركب ليد
1265 طقم نيكل
900 قطم فبرات
2000 طقم ليد لايت
المجموع =4165 جنيه مصري
وبالنسبه للسنسور الخلفي 650 بالضمان بدون مصنعيه
المصنعيه للسينسور 200 جنيه وقالي ممكن تجيبه من بره ونركبهولك عادي جدا
المعلومات دي كلها من فرع سموحه- الاسكندريه
وبكده حيبقي كله في الضمان

السؤال المهم بقي
فيه مكان اجيب منه طقم الليد اصلي غير التوكيل واروح اركبه هناك بدال ما اتشمط ال 4165

انا من رايي حضرتك لو تقدر تستني وتزود 13 الف هيبقي احسن بكتير يعني حضرتك شوف فوق ال 4الاف علشان ليدات بس لكن الاعلي هتاخد اوبشنز كتير مقابل الفلوس زي الجنوط والكارت وفتحات التكييف ورا و حساسات النور والمطر غير كده هيبقي العربيه جيا كده مش هتقعد تضبط فيها

[S O P H O S]

ان شاء الله هتكون احلي من الكورولا
مبروك مقدما

[jep2050]

انا من رايي حضرتك لو تقدر تستني وتزود 13 الف هيبقي احسن بكتير يعني حضرتك شوف فوق ال 4الاف علشان ليدات بس لكن الاعلي هتاخد اوبشنز كتير مقابل الفلوس زي الجنوط والكارت وفتحات التكييف ورا و حساسات النور والمطر غير كده هيبقي العربيه جيا كده مش هتقعد تضبط فيها

والله ياريت كنت اقدر ازود المبلغ دا
بس الحمد لله علي قد كده ، كده نعمه الحمد لله
ولو علي الليد حفضل وراه لحد ما اركبه ان شاء الله لان بصراحه شكله عاجبني اوي
وبالنسبه للمفتاح الاسمارت كان معايا فب المورولا بس الفكره معجبتنيش اوي
كفايه مزاوله العيال الصغيره يطفيلك العرببيه وهيه ماشيه
بس اتمني الاقي قطع الغيار بره التوكيل تكون ارخص شويه

[J A G U A R]

اختيار موفق ان شاء الله

[jep2050]

كنت عاوز اعرف ازاي اضبط السيتنج علي شان السنتر لوك يقفل اول ما العربيه تمشي اوتوماتك

[ramymechanics]

كنت عاوز اعرف ازاي اضبط السيتنج علي شان السنتر لوك يقفل اول ما العربيه تمشي اوتوماتك

بص يا باشا الدراع بتاع المساحات فيه زرارين فى الجنب فوق وتحت .. هتفضل تدوس عالزرار واحدة واحدة القايمة اللى جنب العدادات هتتحرك لحد ماتوصل لاختيار اسمه Messages and settings هتدوس على زرار منهم دوسة طويلة هيدخل القايمة هتلاقى فيه اتنين اوبشن واحد بتاع ايقاف الليدات النهارية والتانى Auto door look هتدوس دوسة طويلة تانى اما توصل للأوبشن دة هتلاقى مش محطوط جنبه علامة تدوس دوسة طويلة هتلاقى علامة صح ظهرت جنبها يبقى كدة حصل له activation ساعتها العربية اول ما سرعتها تعدى 20 كلم\س هتقفل الابواب لوحدها بس لو عاوز الابواب اللى ورا متفتحش من جوة كمان عندك زرار تحت زراير المرايات دوس عليه هيعمل لوك داخلى للابواب والزجاج اللى ورا

[jep2050]

بص يا باشا الدراع بتاع المساحات فيه زرارين فى الجنب فوق وتحت .. هتفضل تدوس عالزرار واحدة واحدة القايمة اللى جنب العدادات هتتحرك لحد ماتوصل لاختيار اسمه messages and settings هتدوس على زرار منهم دوسة طويلة هيدخل القايمة هتلاقى فيه اتنين اوبشن واحد بتاع ايقاف الليدات النهارية والتانى auto door look هتدوس دوسة طويلة تانى اما توصل للأوبشن دة هتلاقى مش محطوط جنبه علامة تدوس دوسة طويلة هتلاقى علامة صح ظهرت جنبها يبقى كدة حصل له activation ساعتها العربية اول ما سرعتها تعدى 20 كلم\س هتقفل الابواب لوحدها بس لو عاوز الابواب اللى ورا متفتحش من جوة كمان عندك زرار تحت زراير المرايات دوس عليه هيعمل لوك داخلى للابواب والزجاج اللى ورا

اشكرك يابرنس يامحترم علي الرد الوافي دا

[ahmedelfeky]

السلام عليكم اعزائى المحترمين
الحمد لله ربنا كرمنى و غيرت الكورولا الجنوب افريقى ورحت حجزت رينو فلونس e2
وحجزت لون اسود الصراحه عجبنى جدا شياكته
بس عندى استفسار من ملاك العربيه الجميله دى

1- فى المعرض قالولى ان الدركسيون مش بيدخل لجوا ولا بيلطع لبرا, حركته فقط لفوق و لتحت ودا فى جميع الفئات, هل هذا الكلام مظبوط؟
الدريكسيون بيتحرك في كل الاتجاهات في كل الفئات
2- كنت عاوز اركب النور الليد فى التوكيل لانه بصراحه عاجبى جدا وللاسف مكنش معايا 15 الف زياده على شان اجيب الفئه الاعلى, ارجوا حد يفيدنى فى دا
الافاده في ده انك حاجه من الاتنين ياما تتصرف ال 15 الف دول ياما تتصرف فيهم والحاجه اللي بتيجي اصليه وراكبه في العربيه بتبقي غيير الفروق في نظري تستاهل اكتر من 15 الف جنوط اسبور 16 وتكييف تاتش دويل زوون و فرش جلد علي قماش وليدات وسمارت كي وستاير جانبيه خلفيه للابواب الجنط الواحد تنمه بس 2500 يعني الطقم ب 10000 جنيه لو بتغيره انا مش عاوز اقولك ان في ناس كانت بتقول ان احسن فئه هي ال 169500 لكن انا شايف احسن فئه ال 178 الف
3- كنت عاوز اعرف بعد ما نزلت من الكورولا حتبسط من العربيه دى و لاححس انها خفيفه و مزعجه عن الكورولا؟
الفلوانس تتفوق ع الكورولا الجديده مش الجنوب افريقي بس
4- عاوز اركب باركنج سنسور فى التوكيل , اسعاره ايه و المصنعيه اد ايه؟
شوف كده الموضوع ده هو في الخلاصه
http://www.nilemotors.net/Nile/398450-2014.html
اشكركم للاهتمام و مستنى ردودكم

[jep2050]

علي فكره انا جربت بنفسي في الفئه e2 الدركسيون بيطلع وينزل لفوق وتحت بس

[تامر.محمد]

معقول؟
الميجان كلها فيها تليسكوبيك! !!!!

Sent from my GT-N7000 using Forum Runner