استشاره من الوحوش

[وائل مختار]

النهارده وانا ماشى بعربيتى وهى رينو سينيك 2008 طلعتلى علامه stop ورساله Braking Fuel والدركسيون قفش وقفت بالعربيه طبعا وبعد كده الرساله اختفت والعربيه مشيت عادى وفى حاجه تانيه ان الموتور صوته مش مضبوط يعنى بيعلى ويوطى يا ترى حد من الوحوش عنده اجابه عن الموضوع ده

[ahmed5035]

السلام عليكم
أنا عضو جديد وبفكر أشترى رينو كليو 2003 وكنت عايز أعرف فى ميكانيكية كويسين فى شبين الكوم بيفهموا فى ميكانيكة وكهربة الكليو ولا مفيش .... المعلومة دية هتسعدنى ان اقرر اشترى كليو ولا لاء على فكرة دية أول مرة أشترى عربية

[Hany Saad]

النهارده وانا ماشى بعربيتى وهى رينو سينيك 2008 طلعتلى علامه stop ورساله Braking Fuel والدركسيون قفش وقفت بالعربيه طبعا وبعد كده الرساله اختفت والعربيه مشيت عادى وفى حاجه تانيه ان الموتور صوته مش مضبوط يعنى بيعلى ويوطى يا ترى حد من الوحوش عنده اجابه عن الموضوع ده

باشا..الرسالة الأولى Braking Fault دى مشكلة فى الفرامل...هل حضرتك عملت اى شغل فى العجل او الفرامل قريب؟
لو معملتش يبقى شيك على التيل و مستوى زيت الفرامل و حساسات ال abs و كده
صوت الموتور اللى مش مظبوط اعتقد دى مشكلة مختلفة و محتاجة كشف من حد فاهم علشان ممكن كذا حاجة تعمل الموضوع ده اولهم و اشهرهم تنظيف ال throttle body

[وائل مختار]

باشا..الرسالة الأولى braking fault دى مشكلة فى الفرامل...هل حضرتك عملت اى شغل فى العجل او الفرامل قريب؟
لو معملتش يبقى شيك على التيل و مستوى زيت الفرامل و حساسات ال abs و كده
صوت الموتور اللى مش مظبوط اعتقد دى مشكلة مختلفة و محتاجة كشف من حد فاهم علشان ممكن كذا حاجة تعمل الموضوع ده اولهم و اشهرهم تنظيف ال throttle body

الف شكر لرد حضرتك السريع انا طلعت على التوكيل فرع ابو رواش وقالى نفس الكلام اللى حضرتك بتقوله ممكن يكون تيل او زيت الفرامل لكن للاسف مفيش اى حد فى قسم الاصلاحات موجود يوم السبت عشان كده هاروحلهم بكره تانى واشوف موضوع الموتور بالمره وعلى فكره انا شيكت على زيت الفرامل وهو مش ناقص على العموم هاروح بكره التوكيل وهانقل لحضراتكم عملت ايه بالضبط

[Hany Saad]

الف شكر لرد حضرتك السريع انا طلعت على التوكيل فرع ابو رواش وقالى نفس الكلام اللى حضرتك بتقوله ممكن يكون تيل او زيت الفرامل لكن للاسف مفيش اى حد فى قسم الاصلاحات موجود يوم السبت عشان كده هاروحلهم بكره تانى واشوف موضوع الموتور بالمره وعلى فكره انا شيكت على زيت الفرامل وهو مش ناقص على العموم هاروح بكره التوكيل وهانقل لحضراتكم عملت ايه بالضبط

الموضوع بسيط و بالتوفيق ان شاء الله و ابقى طمنا عليك

[ahmed5035]

يا وحوش الرينو مفيش حد من شبين الكوم يفدنى معلش إذا كنت بتقل عليكوا
كمان فى ناس بتقولى مجبش كليو 1200 علشان تكييف ال 1200 ضعيف وبيقوللى هات 1400 الكلام ده صح مع العلم أن الناس دية عمرها مركبت فرنساوى

[وائل مختار]

الموضوع بسيط و بالتوفيق ان شاء الله و ابقى طمنا عليك

روحت توكيل ابو رواش وقالى ان المشكله كلها فى البطاريه بايظه وطبعا البطاريه جديده فسبتهم ومشيت وانا مش مقتنع وانا ماشى عملت نفس الموضوع وزياده عليه الباور ستيرنج عطلان والايه بى اس والايرباج طبعا كده معناها ان الكهربا كلها متلغبطه وعملت وصله من بطاريه تانيه العربيه يدوب تمشى دقيقتين وتبطل تانى وتهيص على الاخر فطلبت ونش انقاذ من صقر قريش ووديت العربيه عند الكهربائى اللى بتعامل معاه على طول اسمه محمد الشيخ وطلعت المشكله فى الدينمو اتحرق ومش بيشحن خالص واشترينا واحد استيراد بالعافيه ب 1600 جنيه ومصاريف تركيب 150 جنيه والحمد لله العربيه دلوقتى بقالى ماشى بيها 3 ايام وزى الفل

[ma7amadk]

روحت توكيل ابو رواش وقالى ان المشكله كلها فى البطاريه بايظه وطبعا البطاريه جديده فسبتهم ومشيت وانا مش مقتنع وانا ماشى عملت نفس الموضوع وزياده عليه الباور ستيرنج عطلان والايه بى اس والايرباج طبعا كده معناها ان الكهربا كلها متلغبطه وعملت وصله من بطاريه تانيه العربيه يدوب تمشى دقيقتين وتبطل تانى وتهيص على الاخر فطلبت ونش انقاذ من صقر قريش ووديت العربيه عند الكهربائى اللى بتعامل معاه على طول اسمه محمد الشيخ وطلعت المشكله فى الدينمو اتحرق ومش بيشحن خالص واشترينا واحد استيراد بالعافيه ب 1600 جنيه ومصاريف تركيب 150 جنيه والحمد لله العربيه دلوقتى بقالى ماشى بيها 3 ايام وزى الفل

هي قطع غيار السينيك أغلى من الميجان؟
الدينامو في الميجان استيراد في حدود تقريبا 600-700ج
وتركيب أعتقد مش بيعدي 50ج
هو الكهربائي ده مكانه فين يا باشا؟

[وائل مختار]

اللى عرفته يا باشا ان الدينمو موديل 2008 مختلف تماما عن موديلات 2005 وفعلا دينمو موديل 2005 بيعمل 700 جنيه والكهربائى اسمه محمد الشيخ وهو اشهر كهربائى فى صقر قريش

[Hany Saad]

روحت توكيل ابو رواش وقالى ان المشكله كلها فى البطاريه بايظه وطبعا البطاريه جديده فسبتهم ومشيت وانا مش مقتنع وانا ماشى عملت نفس الموضوع وزياده عليه الباور ستيرنج عطلان والايه بى اس والايرباج طبعا كده معناها ان الكهربا كلها متلغبطه وعملت وصله من بطاريه تانيه العربيه يدوب تمشى دقيقتين وتبطل تانى وتهيص على الاخر فطلبت ونش انقاذ من صقر قريش ووديت العربيه عند الكهربائى اللى بتعامل معاه على طول اسمه محمد الشيخ وطلعت المشكله فى الدينمو اتحرق ومش بيشحن خالص واشترينا واحد استيراد بالعافيه ب 1600 جنيه ومصاريف تركيب 150 جنيه والحمد لله العربيه دلوقتى بقالى ماشى بيها 3 ايام وزى الفل

الف مبروك...الحمد لله انك عرفت العيب فين...معلش خبطة جامدة ١٧٥٠ جنيه بس الواحد يقول الحمدلله انها جت على قد كده....مبروك مرة تانية

[وائل مختار]

الف مبروك...الحمد لله انك عرفت العيب فين...معلش خبطة جامدة ١٧٥٠ جنيه بس الواحد يقول الحمدلله انها جت على قد كده....مبروك مرة تانية

يا باشا الله يخليك متشكر اوى والحمد لله على كل شئ