رينو فلوينس 2012

[meemoo2104]

الأخوة الأعزاء هذه أول مشاركة لي في هذا المنتدي العظيم وأريد رأيكم في سيارة رينو فلوينس 2012 - 54 ألف كيلو - هاي لاين - تم الكشف في التوكيل والتقرير الخاص بها مرضي جدا بنسبة تصل ل95% ومرفق صور للسيارة برجاء الأفادة عن سعر السيارة في حالة الشراء
للأسف بأحاول رفع الصور ولكني لا أستطيع وسوف أكرر المحاولة

[raedegypt]

نصيحه بلاش الرينو لامستعمل ولا زيرو ... اشترى حاجه زيرو انظف لك

[J A G U A R]

طالما العربيه سليمه توكل على الله والرينو عربيه محترمه

[تامر.محمد]

بص الفلوينس عموما مافيش عليها اي ملحوظات اللهم الا تقل الطلعة و كونها مش بتاعة شد عموما , تسارعها تقيل يعني مش حامية كده
و طبعا اعادة البيع مش زي الكوري لكن الفلوينس ماسكة نفسها بنسبة مش وحشة
نقطة تهمني بالنسبة للتكييف و يا ريت ميجي بوي يقول لنا عليها , التكييف اتغير في 2012 ولا 2013 , عشان بعد ما اتغير بقى احسن كتير

نصيحه بلاش الرينو لامستعمل ولا زيرو ... اشترى حاجه زيرو انظف لك

نسيت تقول له ان الحاجة الزيرو دي تكون النترا او اكسنت او ايمجراند

[meemoo2104]

طالما العربيه سليمه توكل على الله والرينو عربيه محترمه

طيب ممكن السعر بتاعها يعمل كام لأن صاحبها ضارب رقم عالي قوي

[J A G U A R]

طيب ممكن السعر بتاعها يعمل كام لأن صاحبها ضارب رقم عالي قوي

من 120 ل 125 الف ...
هو طالب كام ؟

[ramymechanics]

نصيحه بلاش الرينو لامستعمل ولا زيرو ... اشترى حاجه زيرو انظف لك

اه صحيح نسيت تقول له سيراتو او النترا

بس ليك وحشة والله

[meemoo2104]

من 120 ل 125 الف ...
هو طالب كام ؟

يعني لو هو طالب الأسعار دي مش كتير شويه أنا مخلص معاه علي 122 ألف

[J A G U A R]

يعني لو هو طالب الأسعار دي مش كتير شويه أنا مخلص معاه علي 122 ألف

والله هو لو العربيه حالتها فعلا زى مانت قولت وهاى لاين تجيب المبلغ ده .. بس بردو حاول توصل المبلع ل 120

[Hany Saad]

يعني لو هو طالب الأسعار دي مش كتير شويه أنا مخلص معاه علي 122 ألف

لاحظ كمان حضرتك أن الفيس ليفت رفعت معاها سعر الشكل القديم و كله مقتنع أن الفرق فى الشبكة فقط....علشان كده زى ما أخونا المحترم Jaguar وضح لو العربية هاى لاين و حلوة زى ما حضرتك بتوصف و كاشف توكيل و كشفها مرضى بنسبة 95% يبقى توكل على الله و ما تترددش....و ألف مبروك مقدماً

[Hany Saad]

[quote=تامر.محمد;3875399225]بص الفلوينس عموما مافيش عليها اي ملحوظات اللهم الا تقل الطلعة و كونها مش بتاعة شد عموما , تسارعها تقيل يعني مش حامية كده
و طبعا اعادة البيع مش زي الكوري لكن الفلوينس ماسكة نفسها بنسبة مش وحشة
نقطة تهمني بالنسبة للتكييف و يا ريت ميجي بوي يقول لنا عليها , التكييف اتغير في 2012 ولا 2013 , عشان بعد ما اتغير بقى احسن كتير

تامر باشا...أن لسه مرخصتش حتى الأن...أن شاء الله بعد الترخيص أقول لحضرتك أيه أخبار التكييف و طبعا هقارنه مع تكييف الميجان و أقولك أيه الفرق و لو أن الصيف هو اللى هيكون الأختبار الحقيقى...

[Ahmed TRAVCO]

بص يا باشا الفلوانس عربية محترمة، والموديلات قبل الفيس ليفت كان فيها شوية حاجات عبيطة في الفينيش زي مساحات الإزاز اللي بتبوظ بسرعة وزي الدريكسيون اللي كان بيقشر بسرعة برضه... دي كانت حاجات شبه متكررة من ملاكها ولو راجعت المشاركات الخاصة بيها في 2011 و2012 مثلا هتلاقي اللي بقولك عليه... طبعا حضرتك كشفت على العربية وبتقول ان تقريرها مرضي جدا فخلاص لا داعي للقلق... وزي ما الزملاء قالوا انها عربية مش بتاعت شد وغرز وكده وتكييفها اقل من الياباني ويمكن الكوري كمان، بس زيه زي اغلب الأوروبي عموما مش قصة كبيرة يعني...
- المهم بقى هي اي فئة بالظبط؟؟ لأن ساعات تلاقي واحد بيقول على عربيته هايلاين لمجرد ان فيها جنوط او ملتي فنكشن!! انا لما كنت هشتريها في 2012 كانت الفئات كالتالي: مانيوال بـ122، اوتو بيزك بـ132، ثم الفئة اللي كنت ناوي عليها وكانت بـ142، ثم فئة بـ150... وكان فيه فئة نزلت فترة وبطلوا ينزلوها بعدين وكانت بـ167 وكانت رائعة فيها فرش جلد وتقريبا 6 إيرباج وحساسات ركن الخ الخ...
فشوف هي انهي فئة في دول وتنزل حوالي 20% من تمنها... ومتنساش ان العربية فيه شكل جديد عليها (من عيوب الأوروبي في رأيي المتواضع انه بيغير شكله كل 3سنين بالكتير فبيوقع سعر حاجة حديثة جدا زي كده من 2012)...
والله أعلم!!

[meemoo2104]

لاحظ كمان حضرتك أن الفيس ليفت رفعت معاها سعر الشكل القديم و كله مقتنع أن الفرق فى الشبكة فقط....علشان كده زى ما أخونا المحترم jaguar وضح لو العربية هاى لاين و حلوة زى ما حضرتك بتوصف و كاشف توكيل و كشفها مرضى بنسبة 95% يبقى توكل على الله و ما تترددش....و ألف مبروك مقدماً

شكرا يالورد علي ردك الكريم وأنا بأحاول أوصل معاه ل120 بس بصراحة هو ماسك ف ال122 الف

[mostafa magdy]

انا شايف أن هو سعر كويس ..
بس لو تقدر تستني أو ظروفك تسمح تقسط جزء و تجيب الفيس ليفت هيكون أفضل ..
أنا عارف أنك هتقولي كل واحد و ظروفه
لكن الفيس ليفت عايزك تستمتع بالموتور الجديد و الفتيس الجديد
العربيه أنعم شويه .. من القديمه
التكييف بالكامل مكبس ياباني علي حد علمي .. و في فرق فعلا بينه و بين القديم
و الشكل أنا شايف أنه متغيرش كتير بس بقي تحفه ..

لكن العرض اللي إنت حاطه كويس جدا و محترم .. و العربيه رائعه
مبروك مقدما

[meemoo2104]

انا شايف أن هو سعر كويس ..
بس لو تقدر تستني أو ظروفك تسمح تقسط جزء و تجيب الفيس ليفت هيكون أفضل ..
أنا عارف أنك هتقولي كل واحد و ظروفه
لكن الفيس ليفت عايزك تستمتع بالموتور الجديد و الفتيس الجديد
العربيه أنعم شويه .. من القديمه
التكييف بالكامل مكبس ياباني علي حد علمي .. و في فرق فعلا بينه و بين القديم
و الشكل أنا شايف أنه متغيرش كتير بس بقي تحفه ..

لكن العرض اللي إنت حاطه كويس جدا و محترم .. و العربيه رائعه
مبروك مقدما

شكرا علي ردك الكريم وسأستخير الله وهو يهديني للقرار السليم أن شاء الله