رينو داستر الجديده الآن في مصر (بالصور)

[osama 2014]

أحب أن أقدم لكم الرائعه رينو داستر الجديدة بعد التحديثات الداخليه والخارجيه مثل تعديل فى الشبكة الامامية و الفوانيس الامامية و الخلفية والتابلوة بالكامل مع تغيير مكان الزراير فالابواب و كمان حساسات خلفية و طبعا ال C.D الجديد والسيارة وصلت مصر بالفعل عند الوكيل وبعض المعارض وعلى حد علمي أن السعر نفسه لم يتغير والآن مع الصور (للأمانه . الصور منقوله )

[د.عماد صلاح]

موضوع جميل
السؤال بقي ياتري العربيه بس اللي اتغيرت ولا السعر كمان اتغير

[osama 2014]

السعر في التوكيل نفسه بس لازم تحجز لكن بتتباع في المعارض بدون حجز لكن سعر أغلى

[J A G U A R]

نزل منها اوتو ؟

[أبو آسر]

التابلوه شكله سيء جدا للأسف !
أنا معايا لوجان التابلوه أحلى منها

[osama 2014]

للأسف نازله مانوال فقط

[Ahmed_Adham]

عربيه مصيرها الفشل قديم وجديد بسبب انها مانيوال بس. برغم ان خاماتها سيئه بس يادوب على قد سعرها.

[MUSTFA]

عربية متقولش لمطبات بلدنا لا .. والتابلوه بقى احسن م القديم اللى زى اللوجان بكتير

[Shiref_mohamed]

هههه ركبولها مجموعة زراير الزجاج الكهربا بتاعة الميجان

[abohend]

مقبولة

أنا شايف العربية مش وحشة
و مناسبة جدا لسعرها

شكلها الخارجي تحفة فيه قوة و فخامة
عالية عن الأرض
موتور 1600 محترم

عيبها الخامات مش واو بس معقولة
شكل الطابلوه تقليدي بس مش سئ

سعرها حلو جدا و كده كده فالفئة السعرية دي مفيش حاجة عالية و suv غير صيني

إجمالا العربية مقبولة

[omskmaher]

عربيه ولا اروع تحفه بجد ومنوال عشان العزم اعتقد انها تحسنت كتير اوى وهتبيع اكتر من الاول علاوه على انه توكيل محترم كده بصراحه مش ناقصها حاجه تبلوه منظم كاسيت محترم الزاراير فى الابواب بصراحه خلوها تحفه واروبيه بس اهم شىء تلسعر ميتغيرش وهى موجوده فى معظم دول الاروبيه وكفايه انها مش كورى رومانيه بنكها فرنسيه

[MOTOR HEAD]

دى دفع رباعى و لا امامى

و سعرها كام ؟

[osama 2014]

موجود منها 4×4 بسعر 149ألف و2×4 بسعر 139ألف

[MOTOR HEAD]

شكرا لردك :)

[شادى عبدالمنعم]

إتغيرت للأحسن