مشكلة بايخة في فلوانس 2011

[Seperto]

انا معايا فلوانس 2011 وداخل على 50 الف كم
ماشية معايا كويس وزي الفل لكن عندي مشكلة بايخة ظهرت بعد شراء العربية ب6 شهور يعني بكلم فيها نفسي حوالي 3 سنين.

المشكلة بإختصار بسمع جوة الصالون تزييق بايخ خصوصا لو طريق مش مستوي وقافل الكاست

تزييق بيجي من السقف او الكراسي مش عارف احدد منين بالظبط
كمان من كام شهر ظهر تزييق فوق لوحة العدادات التندة المدورة دي بتزيق كمان حتى لو العربية واقفة ودست بنزين رجة المكنة بتخليها تزيق ومش عارف تتربط ازاي؟

حتى البتاعة اللي بيخش فيها الحزام لو مسكتها كدة وحركتها يمين وشمال تلاقيها بتزيق

حاجة زفت الصراحة وكل مرة اروح التوكيل مع الصيانة ويقولولي مافيش حاجة وقرفت الصراحة

لو عربية صيني مش هلاقي كدة

انا كان معايا كيا شوما 98 وقعدت معايا 10 سنين وكنت مبهدلها اكتر من دي وكذا مرة سمكري فك وركب وسمكر وعمري ماشفت كدة بصراحة

[amr011111]

روح لسروجى يفك الفيبر الداخلى ويركبه تانى يمكن محتاج يتثبت او فيه كليبسات واقعه

[medo11_1]

متابع لنفس المشكلة فى لانسر

[kokowasfy]

متابع

[amirz]

ازاي الكلام ده انا شايف ان كل ماده الخامات بتبقى اسوأ

[Eng_hatemfathy]

مشكلة عربيات مصر كلها انها بعد سنتين بالكتير بتبدأ تتكتك وتزيق وانت ماشى اشى تابلوه واشى بوابات تكييف واشى كراسى واشى جرابات الاحزمة
شوارعنها بتفكك احسنها عربية وبتخليها تقرف اللى سايق وانا واحد من الناس فكييت تابلوه اللادا 2110 مرتين حته حته علشان اربط كل حاجه فيه بما فيها العدادات وسلك السرعة والضفيرة
وربطت كراسى الشارك كلها فى خلال سنتين

[roland_yamaha]

حصلت معايا في الكيا سيفيا ودوختني قبل كده واكتشفت انها من الكنبة الخلفية مكنتش مقفولة بالمسوجر بتاعها كويس وبقت تمام

[M_samir]

كانت عندى ف الميجان فى حاجة اسمها تربيط كوالين الابواب كنت بعملها ف التوكيل كل صيانة واختفى الصوت دا

[reymo]

يا باشا انا كان عندى التزييق الجامد فى الفلوانس من يوم ماشتريتها ولا سمكرى عرف يحل المشكلة لانى انا كنت عارف انها من الابواب بس بالصدفة بجرب ال wd 40 بيترش على مفصلات الابواب سوا ال فى الباب او قايم العربيه ال ماسك الباب وبعدها بنص ساعه بتحرك بالعربية ملقتش اى صوت

[Ahmed Koller]

يا باشا انا كان عندى التزييق الجامد فى الفلوانس من يوم ماشتريتها ولا سمكرى عرف يحل المشكلة لانى انا كنت عارف انها من الابواب بس بالصدفة بجرب ال wd 40 بيترش على مفصلات الابواب سوا ال فى الباب او قايم العربيه ال ماسك الباب وبعدها بنص ساعه بتحرك بالعربية ملقتش اى صوت

هو ده ال كنت عاوز اقوله
رش مزيل الصدء في مفصلات الابواب و الشنطه وإن شاء الله الصوت يروح