استفسار بخصوص فتيس السينيك

[M_ashraf]

انا من فترة اشتريت عربية سينيك 2005 اوتوماتيك هي عربية جميلة و الحمد لله بس كان فيها مشكلة و هي اني اول لما بركبها الصبح بتبقى زي الفل و بعد نص ساعة مشاوير يعني بعد ماتسخن احس فيها بنتشة في الفتيس لما ادوس بنزين جامد شوية و هي على سرعة قليلة و تحس انها مخنوفة و مش بتنقل بسهولة و بعد كده اول ما توصل للتالت مبتحسش بحاجة فسألت صاحبها قالي انهم في التوكيل قالوله انهم في اخر صيانة غيروله او زودوله زيت الفتيس و المشكلة هتختفي فرحت و ديتها لواحد هنا في المنصورة قاللي ده زيت الفتيس عايز يتغير و حطلي 4 لتر زيت من الابيض اللتر ب 100 جنيه و قاللي هو ده بتاعها و بصراحة هو قاللي انك ممكن تحتاج تغير الزيت تاني بعد 2000 كيلو علشان يختلط بالزيت القديم اللي باقي جوه و نغيره بعدها المشكلة اتحسنت بصورة معقولة لكنها كانت بتظهر احيانا و بعدها بحوالي 1000 كيلو مره كنت بالعربية على الطريق و ادتلي رسالة check gear box electronic fault و لما بطلت و دورت تاني راحت و مشيت بيها اكتر من شهر جوه البلد بدون مشاكل و في يوم طلعت بيها على الطريق اتبهدلت كل 5 دقائق check gear box فرجعت عليه لانه كان صابح عيد و مسافر تاني قاللي هنكشف على الزيت لقى الزيت اللي نازل لونه احمر قاللي يبقى الابيض اللي حطيناه اختلط بالاحمر اللي كان باقي جوه و نغير تاني ب 4 لتر ابيض و اتحسنت شوية بعدها و من كام يوم كنت طالع السخنة ادتلي في اول الطريق لغاية القاهرة كذا مرة نفس الرسالة لغاية ما بدأت طريق السخنة جريت جامد من 160-190 مثلا بدون و لا رسالة و انا راجع لما تكون ماشي 100 مثلا ادتني نفس الرسالة كذا مرة اطلب منكم المشورة اعمل ايه و اروح لمين و هل كده الفتيس ده بايظ عايز يتغير و لا ممكن يتصلح

[M_ashraf]

مفيش اي رد حول فتيس السينيك
؟؟؟؟؟؟؟؟؟؟؟؟؟؟؟؟؟؟

[وائل مختار]

واضح ان حضرتك وديتها عند واحد معنديش اى فكره عن فتيس الرينو لان الفتيس بيتحطله زيت احمر مش ابيض وسعر اللتر من التوكيل ب 35 جنيه ياريت تتعامل مع حد بتاع ميجان لان الميكانيكى ده هيبوظلك العربيه

[M_ashraf]

بس في ناس هنا في المنتدى بيقولوا ان الزيت اللي بيستخدموه للميجان في التوكيل مش مطابق للمواصفات و بيخللي الغربيى تدي رسالة gear box over heat فمش عارف السينيك ايه نظامها فيا ريت لو احصل على النصيحة المناسبة و يا ريت لو حد من سكان الدلتا اتعامل مع العدوي اللي على طريق المحلة يقلنا رأيه فيه هو المفروض انه مركز صيانة معتمد بس عايزين حد جربه علشان لو كويس هوديله العربية

[وائل مختار]

فعلا فى ناس قالت ان الزيت اللى بيستخدمه التوكيل مش مطابق للمواصفات واعتقد ان الكلام صحيح وفى نفس الوقت نصحوا باستخدام الزيت المستخدم للبيجو والستروين اللتر ب 100 جنيه وهو لونه احمر برضه نصيحه بلاش تمشى بالعربيه كتير لغايه ما تغير الزيت اللى فى الفتيس