اختلاف بسيط فى الدفعة الجديدة للفلوانس فيس ليفت

[Hany Saad]

انهاردة و انا فى التوكيل اكتشفت حاجة وهو ان فيه اختلاف طفيف فى الدفعة الجديدة للفلوانس فيس ليفت عن الدفعات السابقة.....
الدفعة الجديدة فيها الزر الأسود الكاوتش اللى فى اكر البيبان اللى بيفتح العربية من على بعد موجود فى الأربع أكر....بكرر هذا الزر موجود فى الاربع اكر و يمكن منه فتح سنتر السيارة من اى من الاربع ابواب او شنطة السيارة
على عكس الدفعات السابقة كان متواجد فى البابين الامامين فقط

هذا للعلم و الافادة......

[SoFiMaN]

هو اصلا لازمة الزرار ايه بظبط ؟

[Hany Saad]

هو اصلا لازمة الزرار ايه بظبط ؟

باشا الكبير.....
الزرار ده تقدر تفتح و تقفل منه العربية بدون الحاجة للكارت مطلقاً
دور العربية....اطفى العربية....انزل من العربية و اقفل بابك....دوس دوسه واحده على اى زرار... العربية هتقفل و المرايات هتضم لوحدها لو زرار ضم المرايات كان فى المنتصف....
دوس دوستين ورا بعض على الزرار كل الشبابيك هتترفع لوحدها و فتحة السقف هتقفل لوحدها...يعنى نفس فكرة
الدوستين بتوع زرار القفل فى الكارت....
لاحظ ان القفل عن بعد....يعنى لما تنزل من العربية و تبعد حوالى متر عنها العربية كلها بتقفل و المرايات بتضم و بتديك صوت و وميض انها قفلت بس الازاز و فتحة السقف مش بيقفلوا غير لما تدوس دوستين على اى زر من ازرار الأكر او على زر قفل الكارت

[محمد الصادق]

انا مستلم من اسبوع وعندى اربع زرارير فعلا بس مش عارف استخدمهم

[noapology]

انا مستلم من اسبوع وعندى اربع زرارير فعلا بس مش عارف استخدمهم

حضرتك متقفلش العربيه من زراير الكارت ابعد من العربيه هتقفل لوحدها ولو قربت تاني ودست علي زرار الباب اللوك هيفتح لكن لو قفلت من زراير الكارت يبقي لازم تفتح من زراير الكارت والزرار اللي في الباب مش هيعمل حاجه