إعـــــــلان

Collapse

.

,
See more
See less

برجاء الافاده الضروريه (ممكن اي حد يتعرض للموقف ده)

Collapse
X
 
  • Filter
  • الوقت
  • Show
Clear All
new posts

  • برجاء الافاده الضروريه (ممكن اي حد يتعرض للموقف ده)

    السلام عليكم
    امبارح رصدت مبلغ مالي محترم و قولت اخلص كل حوارت العربيه (ميجان 2004 هاتشباك) علشان اخلص من الاعطال واستمتع بيها والحقها قبل ما تتهان وعلشان انا من الزقازيق مش كل يوم بنزل الحرفيين قولت اخل كله مره واحده !!
    المهم
    قولت اظبط اول حاجه الموتور (سبيكه و 3 اولسيهات والميه بتخلص بسرررررعه منها وكوبلن نفخني )
    روحت ل راجل اسمه ماهر في شارع المرسيدس (حرفيين السلام)
    بص على الموتور قالي العربيه د سخنت منك اكتر من مره وانت مشيت على السخونيه قولتله فعلا
    قالي الموتور ده بالسلامه !!! قلتله نعمره قالي لالالا شورت بلوك وريح دماغك قلتله عامل كم ؟؟ قالي اسأل وتعالى المهم انا كنت سال اصلا وعارف ان سعره من 6 ل 7 الاف المهم قولتله انت هتجيبهولي على كم قالي 6 الاف !! ... قولتله ولما نبدل القديم عليه قالي لا القديم مدمر خالص محدش هيرضى يخده اصلا !!!!!!
    المهم اخدت لفتي واتغديت وشربت فنجان قهوه انا و صحبي ورجعتله لحد مايخلص الشغل الي ف اديه علشان نعرف نتكلم
    هو راجل مقابلته كانت ممتازه و محترم ..
    المهم
    رجعتله ايه العمل ياعم ماهر اصله بصراحه كده العربيه لسه هترش ولسه هتروح لسروجي و بجدد رخصتها وهظبط عفشتها
    ف انا لما ادفع 6 الاف بس ف الموتور ولسه الفنش بتاعه والمرور والزيت و اجرتك يبقى انا بتكلم ف 8 الاف بس ف موتور وبصراحه كتيييييييير اوي عليا !!!!!
    من هنا ل هنا (بعد مشاورات ومفاوضات ساعتين )
    قالي تاهت و لقنها
    قالي ف بلوك عند واحد صحبه ملوش ورق وممكن يبعهلنا على 4500 ومش هينزل عند كده ف احنا ناخد البلوكيه نفورها و نعمل منها عمرتنا كامله (حسبتها اينعم فرق الفين بس ممكن ب الالفين اعمل حاجات تانيه طقم زيوت وفلاتر وهاند وبوجيهات و تيل فرامل ) برده فرق مش قليل ده غير شرى الدماغ من مرور الزقازيق الي رافع شعار ...(فطرني يا اداره )
    اتصل بالراجل الي عنده البلوكه(الي فهمته انه تاجر قطع غيار استيراد) قاله مفيش مشاكل بس هتيجي تفورها عندي !!! ليه قاله معلش استحملني !!! (لما سالت الاسطى ماهر قالي معرفش السبب بس يمكن هو شكك ان انا هركبله البلوكه القديمه وظبطهاله وارجعهاله ) !!! المهم قلتله امين مفيش مشاكل
    مع ان الحرفيين اجازه يوم الاحد انهرده قالي انا ممكن اروحله انهرده واخلص !!!!! قولتله مفيش مشاكل قبل ماتروحله بساعتين اديني رنه على بال ما البس واجي من الزقازيق قالي امين ورجع قالي خلينا يوم الاتنين المهم قولتله احنا على تليفون
    الاتفاق كالتالي
    1 وافقت على البلوكه الي مش ليها ورق اعمل منها عمرتي
    2 هخد حاجتي القديمه والباقي من البلوكه الجديده
    3 ضمان على الشغل لو حصل حاجه حاجه قالي بتاعتي
    4 سبتله العربيه هناك علشان الرخصه منتهيه و الكوبلن ممكن يفرط وطريق بلبيس القاهره خطر بليل سبتله العربيه والمفتاح وقالي المكان امان
    5 مش اخد عربون ولما عزمت عليه قالي لا معايا فلوس لما تيجي تستلم العربيه متلينه ومكنه وعفشه وكله تمام نتحاسب
    6 قالي هخلص شغل فيها يوم الخميس
    ايه رايكو ياوحوش ف الكلام ده ؟؟؟

  • #2
    متااابع لأهمية الاراء

    Comment


    • #3
      لا اله الا الله

      Comment


      • #4
        هو هياخد ايه من البلوكة الجديدة دى بتبقى عبارة عن نص الموتور التحتانى فاضي ويمكن معاه الكرنك متعمل عمرة عادية احسن انا بصراحة مبحبش الحرفيين

        Comment


        • #5
          خلى بالك مع الميكانيكية كويس واهم حاجة هم شغالين متبينلهمش ( انا اسف ) انك ابن ناس ( انا اسف للمره التانيه )

          Comment


          • #6
            من فترة الى التانية ابعتلوا حد يبص علية و على العربية و لو امكن انت انزلة و ربنا يكرمك و يصدق فى كلامة
            amr_9x سابقا

            Comment


            • #7
              متابع الاهمية الموضوع

              Comment


              • #8
                اعتقد اتعمل عليك شغل
                بلوك بدون ورق يعنى ملوش تمن يعنى 2000 كتير
                شخصيا شايف ان ده عك
                ياتعمر ياتغير
                تعمر تقدر تحكم عليها انت حاسس بتجميع كويس بتجيب معاك سرعه كام كيلو بتاكل زيت ولا لا بتحس ان الموتور لسه فى عزم ولا لا(دى عوامل بتحدد المكنه كويسه تتفتح ولا تترمى)
                وصدقنى ال2000 الفرق كنت حتشترى دماغك وفلوسك باكتر منهم
                مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر

                Comment


                • #9
                  للاسف ده شغل سوقي
                  كنت ريحت دماغك واشتريت شورت بلوك بورق وتسقطه
                  ولاتفتح ولا تقفل
                  الميكانيكيه كلهم نصصابين ومعدومي الضمير
                  وفي الغالب المواتير دي مابتتعمرش يعني ماينفعش تتفتح
                  وفي الاخر هايلصم ليك العربيه
                  وتدفع الفلوس ومع اول مشوار هايبان شغل العك
                  وترجع له يقولك اصل وفصل
                  وفي الاخر ماتخسر فلوسك ومش هاتاخد فايده
                  [SIGPIC][/SIGPIC] ياتقول كلام في محله يا تقول حلو ياحلو
                  [url]/photos/a.879931698703941.1073741827.879900435373734/879931905370587/?type=1[/url]

                  Comment


                  • #10
                    بلوك بدون ورق يبقي عربيه خلصانه في مصر مش جاي مع عربيه مقطعه من بره و الميكانيكي ده عديم الزمه ايه اللي يضمن النتيجه لما هتعمر موتورك من موتور تاني شغال كده عك يا بلوك استيراد مفكوك من ربع نضيف يا بلاها الشغلانه

                    Comment


                    • #11
                      أنا متأكد 100000% من أن الشورت بلوك لو كان فية أصلاً هيكون خلع من عربية مغيره موتور
                      علشان كدة من غير ورق
                      ونصيحة: العمرة لا تنفع كثيراً في معظم العربيات الحديثة
                      ريح دماغك وأشتري شورت بلوك بورق أستيراد وأفراج جمركي مظبوط أو سيبها علي حالها أحسن وأرخص من الموتور الخلع
                      وبعدين الشورت بلوك الخلع بيعمل بالكثير 800 أو 1000 جنية فقط
                      أرجع عن قرارك فوراً ولا تتعامل مع هذا الميكانيكي ال..........
                      وربنا معك
                      [LEFT][COLOR=#1f497d][FONT='Harlow Solid Italic']Mohamed Mossad Faried[/FONT][/COLOR][/LEFT]
                      [LEFT][B][COLOR=#1f497d][FONT='Comic Sans MS'] [/FONT][/COLOR][/B][/LEFT]

                      Comment


                      • #12
                        انا رأيى مع أ/ rotanamasoud وأ/Hugan
                        اغلب الحرفيين حرامية ومتروحش لحد منهم غير عن طريق حد معرفة قوى وتحط عينك فى وسط راسك

                        Comment


                        • #13
                          لا الموضوع ميطمنش خليك فى المضمون احسن

                          Comment

                          Working...
                          X