مشكله في الفلوينس فيس ليفت !

[mostafa magdy]

و انا ماشي في أمان الله .. لاقيت رساله ظهرت لي Top Up Your Oil Level !
زود الزيت !!!!!
أنا عربيتي عامله 4300 كيلو .. المفروض الزيت بيتغير علي 10000
أنا أترعبت الحقيقه ..
مكنتش مهتم بقياس الزيت مانيوال .. لأن العربيه زيرو و تمام و الحمد لله مفيش مشاكل
بقيس الزيت إمبارح ألاقيه قليل جدا و مش جاي حتي عند المنطفه المشرشره خالص
كلمت التوكيل و انا مفزوع .. و مخنوق منهم .. العربيه من تحت زي الفل و انا الوحيد اللي بسوقها و لا كلت مطب و لا خبطت في حاجه ..
يعني العربيه غالبا طالعه من عندهم ناقصه زيت !!!!!!!!
كلمتهم واحد مهندس كلمني .. كنت مخنوق و متضايق و قلت له المشكله و أنا مش مطمن حتي أخرج بالعربيه تاني ..
قالي هبعت لك كساحه تاخدها من البيت ..
علي فرع أبو رواش ..
طيب هستلم العربيه أمتي ؟
قالي لما نفحصها و نشوف فيه أيه ...
طيب مين هيتكلف كل التكاليف دي ؟
لو طلع عيب صناعه أكيد مش هتتكلف حاجه ..
يعني لو قدروا يلبسوهالي هيبقي تمام و أدفع تمن كساحه من البحر الأعظم لأبو رواش .. و تمن التصليح ..
الوقتي منتظر الكساحه تيجي تاخدها ..
و أتمني تشاركوني بإقتراحاتكم

[Hany Saad]

و انا ماشي في أمان الله .. لاقيت رساله ظهرت لي top up your oil level !
زود الزيت !!!!!
أنا عربيتي عامله 4300 كيلو .. المفروض الزيت بيتغير علي 10000
أنا أترعبت الحقيقه ..
مكنتش مهتم بقياس الزيت مانيوال .. لأن العربيه زيرو و تمام و الحمد لله مفيش مشاكل
بقيس الزيت إمبارح ألاقيه قليل جدا و مش جاي حتي عند المنطفه المشرشره خالص
كلمت التوكيل و انا مفزوع .. و مخنوق منهم .. العربيه من تحت زي الفل و انا الوحيد اللي بسوقها و لا كلت مطب و لا خبطت في حاجه ..
يعني العربيه غالبا طالعه من عندهم ناقصه زيت !!!!!!!!
كلمتهم واحد مهندس كلمني .. كنت مخنوق و متضايق و قلت له المشكله و أنا مش مطمن حتي أخرج بالعربيه تاني ..
قالي هبعت لك كساحه تاخدها من البيت ..
علي فرع أبو رواش ..
طيب هستلم العربيه أمتي ؟
قالي لما نفحصها و نشوف فيه أيه ...
طيب مين هيتكلف كل التكاليف دي ؟
لو طلع عيب صناعه أكيد مش هتتكلف حاجه ..
يعني لو قدروا يلبسوهالي هيبقي تمام و أدفع تمن كساحه من البحر الأعظم لأبو رواش .. و تمن التصليح ..
الوقتي منتظر الكساحه تيجي تاخدها ..
و أتمني تشاركوني بإقتراحاتكم

مصطفى به....أولا أطمن خالص و مفيش حاجة تقلق ان شاء الله....
أعتقد أن مستوى الزيت كان من الأصل مش عالى يعنى مش بين ال l و ال h و بعدين فى مع شوية أستهلاك أو بخر قل حاجة بسيطة جداً و ظهرت الرسالة التحذيرية....

حضرتك لما قست مستوى الزيت كانت العربية بارده و لا سخنة؟؟؟؟؟
لو كانت سخنة يبقى قياسك مش مظبوط و هو فعليا أعلى من ما قست.....

فيه تحت الحتة المشرشرة حرف l .....هل كان الزيت عند هذا المستوى و لا أقل كمان؟

أعتقد أن المستوى كان قليل من الأصل و مخدوش بالهم فى التحضير و مع شوية أستهلاك ظهرت الرسالة التحذيرية علشان تزود....لا تقلق يا كبير على الفلوانس و أن شاء الله مفيش أى تكلفة....هى بس الخضه

[bassem.naguib]

خير إن شاء الله يا د. مصطفى وتبقى حاجة بسيطة

[ramymechanics]

ما دام مفيش اى رشح من تحت يبقى العربية كان الزيت ناقص فيها من اﻷول ومع ية بخر بسيط ظهرت الرسالة فهى هتتظبط فالتوكيل ما دام انت خايف تزودلها زيت ويمكن يدوك طقم دواسات ولا حاجة هدية كمان :) :)

[amirz]

مفيش حد عندك فى البحر الاحمر بدل المرمطة دى

[saddam]

صديقي المواطن
أنا مش عارف إنت ليه طول عمرك مستعجل وبعد متعمل المصيبة تيجي تسأل
هو مش المفروض أنا صحبك ولا شوال بطاطس مخروم هو إنت عمرك سألتني في حاجة وخدت منك أنا فلوس اﻹستشارة
كان الصح بعد منبص عليها من تحت مفيهاش حاجة نحط لتر زيت مع مانع تسريب مش حنخسر 60 جنيه وبعدين لو نقصت تاني يبقه نكلم توكيل حبنا لكن نكلم التوكيل ونتنرفز ونتدايق ونحرق دمنا ونصرف رصيد مكالمات ونتقمص عالعيانين بتوعنا وصدام المواطن مناخدش رأيه ونروح نوزن بره وندفع فلوس كساحات ونضحك التوكيل علينه من هنا ورايح أي إستشارة ححاسبك عليها بربع جنيه جايز إنت مكسوف أعمل ليك حاجة ببلاش
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[bassem.naguib]

مفيش حد عندك فى البحر الاحمر بدل المرمطة دى

ههههههههههههههههه البحر ( الأعظم ) مش البحر الأحمر

صديقي المواطن
أنا مش عارف إنت ليه طول عمرك مستعجل وبعد متعمل المصيبة تيجي تسأل
هو مش المفروض أنا صحبك ولا شوال بطاطس مخروم هو إنت عمرك سألتني في حاجة وخدت منك أنا فلوس اﻹستشارة
كان الصح بعد منبص عليها من تحت مفيهاش حاجة نحط لتر زيت مع مانع تسريب مش حنخسر 60 جنيه وبعدين لو نقصت تاني يبقه نكلم توكيل حبنا لكن نكلم التوكيل ونتنرفز ونتدايق ونحرق دمنا ونصرف رصيد مكالمات ونتقمص عالعيانين بتوعنا وصدام المواطن مناخدش رأيه ونروح نوزن بره وندفع فلوس كساحات ونضحك التوكيل علينه من هنا ورايح أي إستشارة ححاسبك عليها بربع جنيه جايز إنت مكسوف أعمل ليك حاجة ببلاش
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

أه فيه ناس هنا في المنتدى بتسيح وبتقول أنك بتاخد منهم فلوس مقابل الاستشارات الفنية اللي بتقولها .. وأنك عامل رقم مختصر الدقيقة فيه بجنية ونص .. ومن ضمنهم مصطفى نفسه .

ماشي نزود زيت ونشوف أيه النظام يوم ولا اتنين أو نزود شوية زيت ونروح بيهم التوكيل مثلاً زيادة في الأمان .. ولكن أيه مانع التسريب ده ؟!!! هل قصدك زيت تقيل مثلاً .. دي عربية زيرو يعني المفروض ميكونش فيها الهوا .

[amirz]

يا باشا الاحمر الاعظم اهى كلها بحوور

[saddam]

ههههههههههههههههه البحر ( الأعظم ) مش البحر الأحمر



أه فيه ناس هنا في المنتدى بتسيح وبتقول أنك بتاخد منهم فلوس مقابل الاستشارات الفنية اللي بتقولها .. وأنك عامل رقم مختصر الدقيقة فيه بجنية ونص .. ومن ضمنهم مصطفى نفسه . :c_laugh[1]:

ماشي نزود زيت ونشوف أيه النظام يوم ولا اتنين أو نزود شوية زيت ونروح بيهم التوكيل مثلاً زيادة في الأمان .. ولكن أيه مانع التسريب ده ؟!!! هل قصدك زيت تقيل مثلاً .. دي عربية زيرو يعني المفروض ميكونش فيها الهوا .

صديقي المواطن
زيت تقيل إيه بس ده أنا مبعترفش بيه في عربية مفوته ححطه في عربية زيرو دي مواد خاصة توضع مع الزيت خفيفة وعالية يوم ما يحصل خرم أو جوان بيسرب فده بسد مكانه بالراحة وأنا بحطه في عربياتي ﻷني بغير زيت ب 900 جنيه تقريبا لكل عربية يعني لو جوان حب يفوت وترشح زيت أولع في العربية ﻷن الزيت اللي حيتدلق لو إتدلق لتر آدي 200 جنيه ممكن آخدها وأكون بيها نفسي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[miceg]

انت مكبر الموضوع اعتقد ان الموضوع مش منك نهائي
وزي ما لأاخوة الافاضل قالو ممكن كنت تحط شوية زيت وتجرب تاني
ولا تقلق نفسك وتعطل أشغالك
حصل خير ومحدش بيتعلم بالساهل

[mostafa magdy]

أنا شاكر لكل واحد فيكم ..
مبدأيا أنا مكنتش مزودها خالص .. لأن فعلا انا واخد العربيه ناقصه زيت ..
ثانيا العربيه مش رخصيه
ثالثا العربيه زيرو لسه عامله 4000 قريب ..
رابعا ده حقي
خامسا أنا موسوس أساسا
سادسا أنا جايب زيرو عشان أريح دماغي
سابعا أنا أقنعت أكتر من حد بالعربيه و فعلا جابها .. دليل أني عاشق للعربيه دي فلما يحصل فيها أي حاجه حتي لو تافهه هتضايق

اللي حصل إني فعلا مكانش ينفع بأي حال من الاحوال أروح ابو رواش .. الزيت كان قليل جدا و الحمد لله إن ربنا سترها معايا ..
طول ما انا في الطريق من البحر الأعظم لأبو رواش الحقيقه تليفونات متواصله .. و ناس من التوكيل بيقولولي إحنا مع حضرتك خطوه بخطوه لحد ما نشوف فيه أيه و تاخد حقك ..
وصلت لاقيت رئيس الورش منتظر .. و فهم الوضه و قالي ساعه 60 دقيقه و عربيتك تكون جاهزه أيان كان أيه فيها .. و هو كان كلامه ذوق و متفهم ..
أقل من الوقت اللي أتحدد كانت العربيه جاهزه .. و تم تزويد الزيت فعلا .. و قيسته لاقيته حماده تاني خالص ..
و مدفعتش حاجه طبعا ..
بس بعد حرقه دمي كان لازم أكلفهم و أخليهم يغرموا قدر الامكان .. و ده برده حقي ..
و كويس الحمد لله إنها جت علي قد كده .. و كويس إني تأكدت بنفسي إنك لو في حاجه فعلا كل المستويات في التوكيل هتتحرك ..
و الراجل أخد رقمي و قالي هتابع معاك .. و كمان طلع عارف إني بعتت لرينو فرنسا .. و رينو الشرق الأوسط .. و رينو مصر .. و قالي يا فندم أي حاجه أتصل بيا أنا الأول قبل أي شئ .. عشان وقتك مش أكتر .. بس لو حصل مع أي حد حاجه يا ريت فعلا يمشي بالترتيب ده .. لأنه المقابله اللي هناك و حراره الأستقبال .. و الوقت اللي عربيتي خلصت فيه .. مكانش هينفع غير كده للأسف !!!

انا مش عارف أشكر كل حد رد إزاي و كل حد فضل معايا من أول المشكله لأخرها إزاي ..
بجد شكرا لكم جميعا ..

[mostafa magdy]

صدام يا باشا أنا بكلمك علي موبايلاتك الأتنين مقفولين .. إمبارح و مكانش معايا نت .. و كنت محتاس الصراحه

[miceg]

أنا شاكر لكل واحد فيكم ..
مبدأيا أنا مكنتش مزودها خالص .. لأن فعلا انا واخد العربيه ناقصه زيت ..
ثانيا العربيه مش رخصيه
ثالثا العربيه زيرو لسه عامله 4000 قريب ..
رابعا ده حقي
خامسا أنا موسوس أساسا
سادسا أنا جايب زيرو عشان أريح دماغي
سابعا أنا أقنعت أكتر من حد بالعربيه و فعلا جابها .. دليل أني عاشق للعربيه دي فلما يحصل فيها أي حاجه حتي لو تافهه هتضايق

اللي حصل إني فعلا مكانش ينفع بأي حال من الاحوال أروح ابو رواش .. الزيت كان قليل جدا و الحمد لله إن ربنا سترها معايا ..
طول ما انا في الطريق من البحر الأعظم لأبو رواش الحقيقه تليفونات متواصله .. و ناس من التوكيل بيقولولي إحنا مع حضرتك خطوه بخطوه لحد ما نشوف فيه أيه و تاخد حقك ..
وصلت لاقيت رئيس الورش منتظر .. و فهم الوضه و قالي ساعه 60 دقيقه و عربيتك تكون جاهزه أيان كان أيه فيها .. و هو كان كلامه ذوق و متفهم ..
أقل من الوقت اللي أتحدد كانت العربيه جاهزه .. و تم تزويد الزيت فعلا .. و قيسته لاقيته حماده تاني خالص ..
و مدفعتش حاجه طبعا ..
بس بعد حرقه دمي كان لازم أكلفهم و أخليهم يغرموا قدر الامكان .. و ده برده حقي ..
و كويس الحمد لله إنها جت علي قد كده .. و كويس إني تأكدت بنفسي إنك لو في حاجه فعلا كل المستويات في التوكيل هتتحرك ..
و الراجل أخد رقمي و قالي هتابع معاك .. و كمان طلع عارف إني بعتت لرينو فرنسا .. و رينو الشرق الأوسط .. و رينو مصر .. و قالي يا فندم أي حاجه أتصل بيا أنا الأول قبل أي شئ .. عشان وقتك مش أكتر .. بس لو حصل مع أي حد حاجه يا ريت فعلا يمشي بالترتيب ده .. لأنه المقابله اللي هناك و حراره الأستقبال .. و الوقت اللي عربيتي خلصت فيه .. مكانش هينفع غير كده للأسف !!!

انا مش عارف أشكر كل حد رد إزاي و كل حد فضل معايا من أول المشكله لأخرها إزاي ..
بجد شكرا لكم جميعا ..

الحمد لله ان مشكلتك إتحلت
وانا بحب النوع ده من الناس
اللي بتعرف توصل لحقها وتعرف هو عند مين بالظبط
ولا تأخذ بكلام المعسول من الاشخاص الغير مسؤولين
انا مقدر إنشغالك بالمشكلة لان فعلا العربية مش غالية وثقتك ألاكبر في رينو هي الدافع انك تعمل الخطوات اللي انت عملتها
يالا ربنا يوفقك ويعطيك خيرها ويبعد عنك كل سوء

[ahmedelfeky]

الله ينور يادكتور مصطفي والحمد لله انها كانت بسيطه و انشاء الله الزيت ماينقصش تاني بس انت ابقي تابعه بقي وماتناسهوش و العربيه فعلا اثبتت انها محترمه اولا لانها قالتلك ان الزيت ناقص ثانيا اهتمام الناس وبيك ومقابلتلهم ليك في التوكيل

[abohend]

توكيل عنتيل

رينو
يعني توكيل بيعرف يرضي العميل
أنا إتعاملت معاهم في فحص سيارة
ناس محترمة و بروفشنلز
و قليل لما تلاقي شكوى منهم
فعلا في توكيل بيرفع عربية السما (الفلوانس)
و وكيل ينزلها الأرض (الأوبل كله)