حساس كرنك ميجان 2 ضرورى

[ahmed1_com]

كنت عايز اعرف سعر حساس الكرنك ضرورى انهارده جديد واستيراد وايهما افضل لانى الميكانيكى عندو استيراد وكمان كنت عايز اعرف اويل سيل الكوبلن يعملو كام وينفع يتغير استيراد ولا لازم جديد لانى الميكانيكى قالى عندو وكده اكيد عندو استيراد فا ينفع اصلا اويل سى الكوبلن يكون استيراد ومعلش مصدع انا وحوش الرينو معايا

[Ahmed Saad]

بالنسبه لحساس الكرنك خليك في الجديد واويل سيل الكوبلن برضه جديد لان دي من الحاجات اللي ليها عمر افتراضي فالافضل جديد وبالنسبه للسعر بصراحه معرفش بس اسال في صقر قريش المعادي بتوع رينو كتير اوي هناك

[ضى القمر]

الجديد افضل

[haisam ali]

حساس الكرنك ممكن استيراد ماشى عادى ...... انما اولسين الكوبلن لازم تجيبوا جديد ومن التوكيل عشان ميقرفكش كل شويه

[وائل مختار]

حساس الكرنك انا شاريه اصلى من صقر قريش جديد ب 250 جنيه

[ahmed1_com]

مشكورين جدا المشكله انى من العاشر من رمضان ومفيش غير ميكانيكى واحد هنا بتاع رينو وعندو قطع غيار استيراد وزى ما انتو عارفين العربيه مبتتحركش يعنى هو حيجى يكشف عليها ويقلى عايزه كذه واكيد موجوده عندو استيراد ولا حعرف اروح بيها صقر قريش ولا اى حاجه لانها واقفه انا تحت الامر الواقع انا ممكن اخلى يركبلى الكرنك وانزل بيها اجيبلو اويل سى الكوبلن من الحرفين ولا انتو شايفين ايه شورو عليا

[Ahmed Saad]

طب ما تاخد مواصلات وأنزل جيب من الحرفيين الحاجه وارجع للميكانيكي يركبها معلش تعالى على نفسك في سبيل انك تجيب حاجه جديده ونضيفه و مضمونه احسن من الاستيراد وطبعا جيب الأصلي وابعد عن أي حاجه غير الأصلي

[haisam ali]

طب ما تاخد مواصلات وأنزل جيب من الحرفيين الحاجه وارجع للميكانيكي يركبها معلش تعالى على نفسك في سبيل انك تجيب حاجه جديده ونضيفه و مضمونه احسن من الاستيراد وطبعا جيب الأصلي وابعد عن أي حاجه غير الأصلي

هوه ده احسن كلام بارك الله فيك ..... اتعب شويه مره واحده بدل ماتفضل تتعب كتيييير

[ahmed1_com]

بجد مشكورين كلكو والله الواحد مش عارف من غيركم حيعمل ايه انهارده جبت الميكانيكى قعد يلعب فى حجات كده وقالى حساس الكرنك بس هو دورها قبل ما يركب الحساس التانى معرفش قعد عمل ايه فى اليمين كده راحت دايره وقالى لو مغيرتوش حتقف تانى المهم رحت الورشه عندو غيرتو بواحد استيراد هو قعد يقلى الموجود فى السوق مضروب ومكتوب عليه سيمنس وهو كان عندو بيقلى جديد بس قالى الاستيراد احسن وركبو وشغاله تمام وايل سى الكويلن بعت اجيبو من الحرفين وحركبو بكره