وشوفتها أخيرا مان تو كار (( فلوانس 2014 ))

[heeshooheeshoo]

اخي العزيز
بحترم أرائك جدااااااااا
وقريت ال 38 صفحة بتوع المقارنة وعجبني ردودك جداااااا
وعرفت انك على دراية جيدة جداااااا في عالم السيارات
انا شوفت ألابيض الاوف وايت عند محمد زكي
ماشاء الله فخمة جدااااااااااا
واول مرة أحس ان طول العربية ميزة مش عيب
ياجماعه انا حجزت النهاردة الفئة اللي ب 188 الف والراجل بيقولي اللون إيه قولتله هرد عليك النهارده الليل ومردتش عليه
الحاجة الثانية ناس بتقولي ايه اللي يدفعك حدود ال 10 الاف عشان فتحة سقف وسنسور
وناس تانية تقولي هتدفع 10 كمان عشان فرق الفئة اللي ب 178 و 188 عشان زينون وفرش جلد
خاصة ان من اول فئة ال e3 الفرش نصفه جلد ونصفه قماش
ولما بفكر بصوت عالي بقول
سوق المستعمل للرينو مش بيميز للدرجة مابين الفئات يعني لو فالزيرو الفئة e3 وال e3sr بيفرقو 20 ألف جنيه
فالمستعمل مش هيفرقو 8 الاف جنيه
خاصة اني بحب التغيير بشكل سريع
فبصراحة بفكر فالفئة ال سعرها 178 الف
ياريت توضحلي ياخي الكريم ايه وجهه نظرك في حجز ك لفئة الهاي لاين

الفرق فى الفئة الأعلى زينون وفرش جلد و6 إيرباج بدلا من 2

[mostafa magdy]

الف مبروك مقدما ..
و أختيار موفق أيان كان أختيارك .. العربيتين ما شاء الله يحيروا فعلا ..
و ال Oyster Grey في العربيه دي تحفه .
الأحسن منه في نظري .. ال موكا ..
و ربنا يبارك لك يا عزيزي

[ramymechanics]

أخي الكريم أستاذ رامي
مراجعتك للسيارة كانت سبب الكثير في ألاعجاب بتتلك السيارة
فينا شبه من بعض في امتلاك الصني
والثقة تمام الثقة في مواتير وفتيس نيسان
مقدرش أقولك الصني دي عشرة غاليه عليا وحماله قسية
فمرة وحده اطلع من القاهره لاسيوط ومن اسيوط للغردقة والعوده الى اسيوط
ومن ثم اسيوط القاهرة ومن القاهرة الى الاسماعيله ومن الاسماعيليه الى العين السخنة
مرورا بالسويس والرجوع الى القاهرة
وموقفتش غير عشان أفول العربية ...
كسرة الخفيفة للدركسيون على 120 و 140 بتعملي رعب وبتخليني البس مطبات إجباري بسبب خوفي من كسرة الدركسيون ..
الهيسس اللي فالصني أيضا موضوع البنزين وانك دايما بتراقب العداد من إستلاك البنزين
لكن الرينو
يكفي ان صديق ليا معاه لوجان سافر من اسيوط الى اسكندرية ومفولش غير فقرب دخوله إسكندرية
وقعد يغيظني ويتريق على الصني

يا باشا الف مبروك تستلم على خير ان شاء الله بس والله انا شايف الفئة 178 زى الفل الا لو حضرتك بيفرق معاك الزينون .. انا عن نفسى مش بحبه
بالنسبة للصنى والله كانت بنت حلال بس صاحبك بتاع اللوجان اما يركب الفلوانس معاك هيزعل ههههههههههه ربنا يباركلك والعربية تبيض وشنا قدامك

[Hany Saad]

اخي العزيز
بحترم أرائك جدااااااااا
وقريت ال 38 صفحة بتوع المقارنة وعجبني ردودك جداااااا
وعرفت انك على دراية جيدة جداااااا في عالم السيارات
انا شوفت ألابيض الاوف وايت عند محمد زكي
ماشاء الله فخمة جدااااااااااا
واول مرة أحس ان طول العربية ميزة مش عيب
ياجماعه انا حجزت النهاردة الفئة اللي ب 188 الف والراجل بيقولي اللون إيه قولتله هرد عليك النهارده الليل ومردتش عليه
الحاجة الثانية ناس بتقولي ايه اللي يدفعك حدود ال 10 الاف عشان فتحة سقف وسنسور
وناس تانية تقولي هتدفع 10 كمان عشان فرق الفئة اللي ب 178 و 188 عشان زينون وفرش جلد
خاصة ان من اول فئة ال E3 الفرش نصفه جلد ونصفه قماش
ولما بفكر بصوت عالي بقول
سوق المستعمل للرينو مش بيميز للدرجة مابين الفئات يعني لو فالزيرو الفئة E3 وال E3sr بيفرقو 20 ألف جنيه
فالمستعمل مش هيفرقو 8 الاف جنيه
خاصة اني بحب التغيير بشكل سريع
فبصراحة بفكر فالفئة ال سعرها 178 الف
ياريت توضحلي ياخي الكريم ايه وجهه نظرك في حجز ك لفئة الهاي لاين

أشكر حضرتك جداً على كلماتك الرقيقة و أنا تحت أمرك فى أى إستفسار طبعاً على حسب معلوماتى المحدودة
أنا بصراحة شايف أن الفئة اللى ب 178 ألف هى الحصان الأسود فى الفلوانس و شاملة أهم الكماليات و أحسن سعر مقابل الفلوس و رأى حضرتك سليم ١٠٠٪ ان وقت البيع فرق ال ١٠ الاف جنيه ما بين فئة ال 178الف و ال188 الف محدش هيميز و غالباً حضرتك هتخسرهم مقابل الاستمتاع بيهم
فعلاً زى ما المحترم heeshooheeshoo اوضح فرق ال10 الاف جنيه هيكون فقط فى
٦ ايرباجز بدلا من ٢
انوار زينون مع ضبط اتوماتيكى ليها طول الوقت عن طريق ٤ حساسات على كل عجلة بيدوا قراءة مستمرة لكمبيوتر السيارة حسب ميل كل عجلة لتعديل الارتفاع----مع رشاش ماء للتنظيف.
فرش جلد كامل

انا كان هاممنى بصراحة الزينون علشان السفر بالليل و انا دائم السفر و انه يكون اصلى مش بتاع السوق و بدون لعب فى ضفيرة الكهرباء و كمان كان هاممنى ال٦ ايرباجز لأنى نازل من ميجان ٢٠٠٦ فيها ٦ ايرباجز مش معقول لما ارقى العربية فى ٢٠١٤ تبقى ٢ بس و خصوصا انى بسافر مع الاسرة الغردقة و شرم
طبعا توزيع الايرباجز كالاتى
واحدة للسواق امامية front airbag
واحده للراكب الأمامى
و دول موجودين فى كل الفئات
اما فى الهاى لاين بيزيدوا
واحدة جانبية للسائق موجودة فى جنب الكرسى side airbag
واحدة جانبية للراكب الأمامى موجودة فى جنب الكرسي side airbag
2 بالطول فى كل جنب لحماية الركاب من الخبطات الجانبية curtain airbags

انا علشان مش ببيع بسرعة و ان شاء الله العربية تقعد معايا فترة فبتلاقى ال 10 الاف بيتقسموا على عدد السنين و مبتحسش بيهم

موضوع الكماليات ده نسبى جداً و بيختلف حسب احتياج كل شخص و نمط سواقته و عدد الاشخاص اللى دايما بيركبوا العربية و اكيد امكانياته و عوامل اخرى كتير
لكن اكيد فئة ال 178 الف مغطية كل المهم و زيادة
بالتوفيق فى اختيارك ان شاء الله

[heeshooheeshoo]

أسمحوا لى برأى شخصى فى موضوع الأوبشنز والموضوع ذو شقين
الشق الأول :
أنا شخصيا من أنصار عدم وضع سعر إعادة البيع كعامل مؤثر فى قرار الشراء لأى شىء بصفة عامة لأننى أدفع ثمن تمتعى بمزايا إضافية
كثير من الناس يريد أن يستمتع بأوبشن أعلى غير موجود فى فئة أقل ولا يريد خصم قيمة إستمتاعه عند إعادة البيع .. بمعنى أنه يريد الإستمتاع الكامل بميزة كمالية أو إضافية دون أى خسارة مادية

كثير من مالكى السيارات العاشقين لها بيصرفوا مايقارب ثمن السيارة على كماليات وزواق وتعديلات شكلية وهم فى قمة الرضا والسعادة .. هذا الفرق فى السعر هو ثمن الرضا والسعادة التى إستمتع بها هؤلاء عدة سنوات وزى مابيقولوا "الغاوى ينقط بطاقيته"
وهو ده الفرق مابين إللى سايق مرسيدس وإللى سايق رولزرويس .. الإثنين محققين الغرض والإثنين بيوصلوا مشوارهم مع بعض ولكن فرق السعر هنا لرفاهية ومتعة لاتقدر بثمن

الشق الثانى :
أنا ضد مبدأ التوفير بشراء سيارة بفئة أقل ثم تركيب الأوبشن الناقصة من بره حتى لو كان التركيب فى التوكيل
مافيش أحسن من الحاجة إللى بتيجى راكبة فى الفابريكة .. كل حاجة بيبقى معمول حسابها وخصوصا لو حاجة متعلقة بضفيرة الكهرباء
مافيش حاجة بتتفك وبترجع زى ماكانت خصوصا مع المستوى المتدنى للصنايعية

الخلاصة : لو الأوبشن الإضافى يهمك ومحتاجة وتقدر تدفع ثمنه ماتبصش لحاجة إسمها سعر إعادة بيع .. متع ونزه نفسك

أنا آسف للإطالة والخروج عن الموضوع الأصلى بس الكلام جاب بعضه

وتقبلوا تحياتى ،،،