إعـــــــلان

Collapse

.

,
See more
See less

صراع الوحوش: XTRONIC CVT من نيسان و CVT-iS من تويوتا...حقائق و مفاهيم

Collapse
X
 
  • Filter
  • الوقت
  • Show
Clear All
new posts

  • صراع الوحوش: XTRONIC CVT من نيسان و CVT-iS من تويوتا...حقائق و مفاهيم

    كلنا المفروض عرفنا دلوقتى بعض/ كل المعلومات عن الفتيس ال CVT اللى نيسان/رينو و تويوتا بيستخدموه حالياً فى عربياتهم....طبعاً فى الاخر الجيربوكس فكرة عمله الأساسية واحدة فى الكل و لكن كل الفكرة فى برنامج السوفت وير اللى بيحاكى النقلات و هو ده اللى السواق بيحس بيه فى الاخر
    نبتدى بتوضيح بعض النقاط و هو ان ال CVT جيربوكس مفهوش تروس و لكن طارتين متحركتين مع قطر متغير ينزلق عليهم سير و تغير الاقطار مع انزلاق السير هو ما يحدد نسب التعشيق و الكلام ده كله بيتحكم فيه كمبيوتر تبعاً لظروف القيادة
    مميزات ال CVT هو توفير حوالى ١٥٪ فى استهلاك البنزين عن الجير الاوتو العادى مع سلاسة غير طبيعية فى النقلات و تحقيق اقصى عزم موتور عند اقل عدد لفات
    مشكلته احساسه الغريب فى السواقه مع وجود صوت ونه فى بعض الظروف و احساس سير بينزلق من على طاره فى بعض الاوقات و هو احساس غير محبب للسائق المحترف
    نيسان اكبر شركة باعت جيربوكس CVT فى العالم و تويوتا اكبر شركة باعت عربيات فى العالم
    حالياً نيسان بتستخدم احدث موديلات ال CVT و هو XTRONIC CVT فى سياراتها زى الماكسيما، ألتيما، فرسا، جوك و قشقاى و روج و طبعاً رينو فلوانس و ميجان
    اما تويوتا فحالياً بتستخدم نسخة ال CVT المطور بتاعها و هو CVT-iS و هنا is معناها intelligient shift و بتستخدمه حالياً فى الكورولا ٢٠١٤ فقط كأول استخدام طبعاً عندها عربيات بتستخدم CVT عادى زى ال HYBRID

    الفرق بين المدرستين
    تويوتا اعتمدت على اراء بعض مستخدميها و محللين صحفيين جربوا ال CVT العادى ومعجبهمش مشاكله من ناحية احساس السواقة المختلف و صوت الونه و احساس السير اللى بينزلق و قعدت تطور فى النقطة دى لكى تحسن احساس النقلات ليكون اقرب ما يكون للجير الاوتو العادى و طبعاً ده كان على حساب القيادة الرياضية و استهلاك البنزين و ده سبب تسمية ال CVT بتاعها INTELLIGIENT SHIFT

    نيسان على الناحية الأخرى لم تهتم بالتركيز على شعور السائق و احساسه بالنقلات معتمده على دراسه قوية للسوق الأمريكى و هى ان 90% من السائقين لن يستطيعوا تميز الفرق بين الجير الاوتو و ال CVT و كل همهم ان العربية يكون عزمها شديد و نقلاتها سلسه و موفرة فى البنزين و أخذت تطور فى هذه المنطقة و جعلت مواتيرها تصل لاحسن ادائها و اعلى عزمها اللى بيسموها ال SWEET POINT او ال G POINT بتاع الموتور اللى بيكون فيها فى احسن معدلات حرقه و اعلى عزمه عند اقل عدد لفات

    انه مدرسة احسن؟
    السؤال هنا انه مدرسة احسن؟ هل ال CVT-is بتاع تويوتا و احساسه القريب من احساس الاوتو مع عدم وجود اصوات او احساس سير بيقع او يفوت من على طاره فى بعض الحالات و لا مدرسة نيسان بال XTRONIC CVT اللى كان هما أفضل أداء لهذا الجيربوكس بغض النظر عن مشاكله الموجودة

    كل شركة ليها وجه نظر تحترم....تويوتا فكرت ان هذا الفتيس مرحلة حالية و يجب تطويره ليماشى و يلائم المستهلك عكس نيسان التى رأت أن ال CVT عامة فكرة جديدة مستقبلية مستمرة يجب ان يتأقلم عليها السائق و لهذا عملت على تطوير مميزاته لترغب العميل فيه و تجعله ينسى عيوبه من أجل مميزاته أملاً فى استخدامه على الأمد البعيد

    فكر يحترم لكل مدرسة و كل وحش سواء تويوتا او نيسان و فى الأخر دورنا هو التوضيح و القرار يرجع للمشترى
    م/هانى سعد
    Meggieboy سابقا
    [SIGPIC][/SIGPIC]

  • #2
    اكيد حتلاقي تطوير من الشركتين فى المستقبل
    يتلائم مع احساس العميل وعدم فقد القدره

    تعتبر اول مراحل التطوير
    [SIGPIC][/SIGPIC]قال الامام ابن القيم
    والناس في دنيا الناس .... يحترزن لطبيب الابدان ولا يحترزن لطبيب الاديان، مع ان مدار حفظ الاكوان...... علي طبيب الاديان

    Comment


    • #3
      تقرير محترم ..
      شكرا حقيقي .. أستفدت منه جدا ..

      Comment


      • #4
        أفادكم الله معلومات قيمه
        shady_sh.t سابقا

        Comment


        • #5
          شكرا على مجهودك وطريقتك المبسطه للتوضيح .. دمت بصحه
          [CENTER]
          [/CENTER]

          [CENTER]Ahmed Hassan
          [/CENTER]


          [CENTER] [SIGPIC][/SIGPIC]
          [/CENTER]

          Comment


          • #6
            معلومات مفيده جدا مشكور

            Comment


            • #7
              المشاركة الأصلية كتبت بواسطة meggieboy مشاهدة المشاركة
              كلنا المفروض عرفنا دلوقتى بعض/ كل المعلومات عن الفتيس ال cvt اللى نيسان/رينو و تويوتا بيستخدموه حالياً فى عربياتهم....طبعاً فى الاخر الجيربوكس فكرة عمله الأساسية واحدة فى الكل و لكن كل الفكرة فى برنامج السوفت وير اللى بيحاكى النقلات و هو ده اللى السواق بيحس بيه فى الاخر
              نبتدى بتوضيح بعض النقاط و هو ان ال cvt جيربوكس مفهوش تروس و لكن طارتين متحركتين مع قطر متغير ينزلق عليهم سير و تغير الاقطار مع انزلاق السير هو ما يحدد نسب التعشيق و الكلام ده كله بيتحكم فيه كمبيوتر تبعاً لظروف القيادة
              مميزات ال cvt هو توفير حوالى ١٥٪ فى استهلاك البنزين عن الجير الاوتو العادى مع سلاسة غير طبيعية فى النقلات و تحقيق اقصى عزم موتور عند اقل عدد لفات
              مشكلته احساسه الغريب فى السواقه مع وجود صوت ونه فى بعض الظروف و احساس سير بينزلق من على طاره فى بعض الاوقات و هو احساس غير محبب للسائق المحترف
              نيسان اكبر شركة باعت جيربوكس cvt فى العالم و تويوتا اكبر شركة باعت عربيات فى العالم
              حالياً نيسان بتستخدم احدث موديلات ال cvt و هو xtronic cvt فى سياراتها زى الماكسيما، ألتيما، فرسا، جوك و قشقاى و روج و طبعاً رينو فلوانس و ميجان
              اما تويوتا فحالياً بتستخدم نسخة ال cvt المطور بتاعها و هو cvt-is و هنا is معناها intelligient shift و بتستخدمه حالياً فى الكورولا ٢٠١٤ فقط كأول استخدام طبعاً عندها عربيات بتستخدم cvt عادى زى ال hybrid

              الفرق بين المدرستين
              تويوتا اعتمدت على اراء بعض مستخدميها و محللين صحفيين جربوا ال cvt العادى ومعجبهمش مشاكله من ناحية احساس السواقة المختلف و صوت الونه و احساس السير اللى بينزلق و قعدت تطور فى النقطة دى لكى تحسن احساس النقلات ليكون اقرب ما يكون للجير الاوتو العادى و طبعاً ده كان على حساب القيادة الرياضية و استهلاك البنزين و ده سبب تسمية ال cvt بتاعها intelligient shift

              نيسان على الناحية الأخرى لم تهتم بالتركيز على شعور السائق و احساسه بالنقلات معتمده على دراسه قوية للسوق الأمريكى و هى ان 90% من السائقين لن يستطيعوا تميز الفرق بين الجير الاوتو و ال cvt و كل همهم ان العربية يكون عزمها شديد و نقلاتها سلسه و موفرة فى البنزين و أخذت تطور فى هذه المنطقة و جعلت مواتيرها تصل لاحسن ادائها و اعلى عزمها اللى بيسموها ال sweet point او ال g point بتاع الموتور اللى بيكون فيها فى احسن معدلات حرقه و اعلى عزمه عند اقل عدد لفات

              انه مدرسة احسن؟
              السؤال هنا انه مدرسة احسن؟ هل ال cvt-is بتاع تويوتا و احساسه القريب من احساس الاوتو مع عدم وجود اصوات او احساس سير بيقع او يفوت من على طاره فى بعض الحالات و لا مدرسة نيسان بال xtronic cvt اللى كان هما أفضل أداء لهذا الجيربوكس بغض النظر عن مشاكله الموجودة

              كل شركة ليها وجه نظر تحترم....تويوتا فكرت ان هذا الفتيس مرحلة حالية و يجب تطويره ليماشى و يلائم المستهلك عكس نيسان التى رأت أن ال cvt عامة فكرة جديدة مستقبلية مستمرة يجب ان يتأقلم عليها السائق و لهذا عملت على تطوير مميزاته لترغب العميل فيه و تجعله ينسى عيوبه من أجل مميزاته أملاً فى استخدامه على الأمد البعيد

              فكر يحترم لكل مدرسة و كل وحش سواء تويوتا او نيسان و فى الأخر دورنا هو التوضيح و القرار يرجع للمشترى
              باشا تسلم ايدك على التوضيح المبسط . أنا عن نفسى فعلا جربت الفلويس الفيس ليفت و كان إحساس القيادة غريب جدا. و دي الحاجة الوحيدة اللي مخليانى متردد في قرار الشراء و بفاضل بينها و بين السيراتو.

              Comment


              • #8
                طيب إيه الكلام بالنسبة لمدي التحمل لكل فتيس فيهم؟؟
                أنا خايف من الفتيس الجديد ده الcvt و في ناس بره بتشتكي منه
                حد عنده معلومة ؟؟؟

                Comment


                • #9
                  المشاركة الأصلية كتبت بواسطة dr.a.osman مشاهدة المشاركة
                  باشا تسلم ايدك على التوضيح المبسط . أنا عن نفسى فعلا جربت الفلويس الفيس ليفت و كان إحساس القيادة غريب جدا. و دي الحاجة الوحيدة اللي مخليانى متردد في قرار الشراء و بفاضل بينها و بين السيراتو.
                  وعلى الجانب اﻻخر مﻻك الكروﻻ 2014 منبهرين باداء الفتيس فيها

                  Comment


                  • #10
                    المشاركة الأصلية كتبت بواسطة dr.a.osman مشاهدة المشاركة
                    باشا تسلم ايدك على التوضيح المبسط . أنا عن نفسى فعلا جربت الفلويس الفيس ليفت و كان إحساس القيادة غريب جدا. و دي الحاجة الوحيدة اللي مخليانى متردد في قرار الشراء و بفاضل بينها و بين السيراتو.
                    حضرتك ده الجيل الجديد من ال cvt بعد اجراء تعديلات مهولة عليه و جعل احساسه اقرب ما يكون للاوتو و مع ذلك ممكن بعض الناس تستغربه شويه و لكن مش الكل
                    انا لسه فى اول ١٠٠٠ كيلو و مفتحتش موتور العربية و لكن و للأمانة مش حاسس بأى فرق ما بينه و ما بين الستيب ترونيك بتاع الميجان ii و ان كان طبعاً نقله انعم بمراحل و تجميعه احسن من الستب ترونيك
                    م/هانى سعد
                    Meggieboy سابقا
                    [SIGPIC][/SIGPIC]

                    Comment


                    • #11
                      المشاركة الأصلية كتبت بواسطة zoueil مشاهدة المشاركة
                      طيب إيه الكلام بالنسبة لمدي التحمل لكل فتيس فيهم؟؟
                      أنا خايف من الفتيس الجديد ده الcvt و في ناس بره بتشتكي منه
                      حد عنده معلومة ؟؟؟
                      باشا ال cvt اول ما نزل كان فعلاً فيه مشاكل و لكن الكلام ده كان من كذا سنه.....النسخة اللى بين ادينا دلوقتى دى نسخة مطوره من احدث موديلاته و هو ال xtronic cvt و ده حديث جداً....الزيت اللى فيه معمر جداً جداً و هو نفسه معمر جداً لقلة الاجزاء الميكانيكة فيه و عدم وجود تروس....حتى الان مفيش مشاكل متكررة ظهرت فيه
                      مشكلته انه ملهوش اصلاح او صعب جداً اصلاحه ما عدا غيار الزيت و فى حالة تلفه وجب تغيره بالكامل
                      هتلاقى بره الشكوى من ال cvt و موديلات ٢٠٠٨ مثلاً مش هتلاقى شكوى من xtronic cvt ده غير انه نازل فى حوالى ٦ عربيات اخرى زى القشقاى و الجوك و الماكسيما و الالتيما و الفرسا و حتى الان مظهرش فيه مشاكل
                      م/هانى سعد
                      Meggieboy سابقا
                      [SIGPIC][/SIGPIC]

                      Comment


                      • #12
                        المشاركة الأصلية كتبت بواسطة hossam_elwani مشاهدة المشاركة
                        وعلى الجانب اﻻخر مﻻك الكروﻻ 2014 منبهرين باداء الفتيس فيها
                        حسام باشا، معلش يمكن انا مكنتش واضح شوية
                        ال CVT اول ما نزل هو اللى كان فيه مشاكل زى ما شرحتها قبل كده اللى منها صوت الونه او الاحساس الغريب فى السواقه او احساس سير بينزلق من على طاره و كان مشهور كمان بخاصية ال RUBBER BAND EFFECT و هى ان فى حالة كبس دواسة البنزين للاخر العربية بتاخر لحظة و بعدين تطلع زى السهم
                        وقت ضغط الدواسة انت بتشد الاستك و بعدين مرة واحدة الاستك بينطلق كالسهم و ده سبب تسميته RUBBER BAND EFFECT
                        حالياً الجيل المطور اللى بين ايدينا اللى هو XTRONIC CVT مفهوش الكلام ده خالص او تقدر تقول قل الى درجة لا تشعر بها....انا حكمى لسه مش كامل علشان معملتش كيلومترات كتيرة و لكن اقدر اقولك ان ال feedback ايجابى جداً فى النقل و التجميع و متناغم جداً مع الموتور وافضل بكثير من الاستيب ترونيك مع الميجان II

                        قصد كلامى فى الموضوع ان تويوتا بعد ما طورت ال CVT بتاعها من هذه المشاكل ركزت اكتر كمان و كمان على احساس النقلات انه يكون طبيعى و لكن كان على حساب استهلاك البنزين
                        اما نيسان بعد ما طورت ال CVT بتاعها من هذه المشاكل اكتفت بتلافى عيوبه و ركزت اكتر مع تحسين اداؤه مع الموتور و استهلاك البنزين

                        الاتنين تم فيهم تلافى عيوب ال CVT العادى بنسبة كبيرة جداً
                        م/هانى سعد
                        Meggieboy سابقا
                        [SIGPIC][/SIGPIC]

                        Comment


                        • #13
                          يعني عايز تقول ان كورولا ركزت علي احساس السائق بالنقلات زي اي اوتو بالاضافه انهم اهتموا بالنقل السريع لتحقيق افضل تسارع .......... من ناحية تانيه فقد ميزة ترشيد الاستهلاك
                          اما الفلوانس ركزت اكتر علي عدم احساس السائق بالنقلات وكأنه دخل عالم الهدوء وعدم الازعاج واهتمت بترشيد الاستهلاك لابعد درجة ......... من ناحية تانيه فقد جزئي فى التسارع الاولي

                          يارب اكون فهمتك صح
                          [SIGPIC][/SIGPIC]قال الامام ابن القيم
                          والناس في دنيا الناس .... يحترزن لطبيب الابدان ولا يحترزن لطبيب الاديان، مع ان مدار حفظ الاكوان...... علي طبيب الاديان

                          Comment


                          • #14
                            طيب بالنسبة للصوت
                            هل فعلا الcvt بتاع الرينو صوته عالي فعلا؟؟؟

                            Comment


                            • #15
                              استاذ ميجي انت برنس والواحد مقدر جدا مجهوداتك وتقاريرك اللي مغرقنا بيها

                              انا حطلع برة الموضوع شوية بس .. حضرتك ممكن تكون عارف ان معايا ميجان 3 - عامل 2000 كم.. عندي مشكلة اني وانا مدور العربية وانا واقف بسمع صوت تزييق لما بلف الدريكسيون يمين او شمال .. والصوت دا بيعلى جدا لو دوست على الفرامل في نفس الوقت .. وساسعات بحس بتخبيط خفيف تحت رجلي .. حضرتك عندك تفسير ؟ شكرا واسف لخروجي بره الموضوع

                              Comment

                              Working...
                              X