معلومة تهمك: الفلوانس فيس ليفت فيها سخانات مرايات

[Hany Saad]

فى ضوء استكشافاتى للفلوانس، اكتشفت وجود سخانات مرايات لإزالة التكثف و الشبورة من على المرايات الجانبية
لتشغيل الخاصية، اضغط زر ازالة التكثف للزجاج الخلفى الموجود فى التكييف، سوف تعمل سخانات المرايات فى نفس الوقت لازالة التكثف من على المرايات الجانبية

[تامر.محمد]

فيه حد كان قال لي ان الميجان2 كمان فيها , بس مش فاكر مين

[ahmedelfeky]

هي فيها حاجه جميله انها بتفصل اتوماتيك لوحدها بعد نص ساعه تقريبا وانها مرتبطه بالزجاج الخلفي. انا كان بيضايقني ف الباسات انها مابتفصلش لوحدها وساعات كنت بنساها وانا سايق والشمس بتطلع ممكن يحصل ضرر في الزجاج او المرايا

[SoFiMaN]

انا لسة مجربها من شوية فعلا و 100 100
فصلت بعدها فعلا بنص ساعة تقريبا او اقل حاجة بسيطة,

[eng.octooo]

و موجودة فى الداستر عندى برضة :)

[moh158]

جديدة فعلا، مستني اكتشافك

[jaradeh]

وموجودة عندي بردة في الدايو اسبيروا

[dr_mbh]

تسلم عالمجهود الرائع ده

كنا عايزينك تجمع المعلومات الجديدة عن العربية في موضوع علشان تعم الفايدة

وعلى فكرة الفلوانس فيها حساس مانع غلق الزجاج لو في عائق اتناء القفل ودي معمولة مخصوص للأطفال

وكمان فيها lumber support ومسند الراس اربع تتجاهات وكمان ممكن تقفل السنتر حتى لو باب العربية مفتوح لو

ضغظت لمدة على زرار السنتر اللي في التابلوه وبس كده كفاية

[kar!m]

و موجودة فى الداستر عندى برضة :)

ايه ده انتوا بعتوا المرسيدس؟

[eng.octooo]

لا موجودة مع والدى لسه :)

[ALshahba]

ماشاء الله ولسه حنشوف جديد تاني

[Gamal.Eid]

ماشاء الله ولسه حنشوف جديد تاني

انا اكتشفت حاجة كده بالكاسيت مش عارف ممكن تكونوا عارفينها ولا لاء فيه خاصية بالضبط بتاع الكاسيت تخلى الصوت يعلى مع زيادة السرعة يعنى تزود السرعة يزيد الصوت تنزل بالسرعة تانى الصوت يقل

[cheetos_892005]

موجود في اللوجان برده عرفت لما المرايا اتكسرت

[mbasiouny]

انا اكتشفت حاجة كده بالكاسيت مش عارف ممكن تكونوا عارفينها ولا لاء فيه خاصية بالضبط بتاع الكاسيت تخلى الصوت يعلى مع زيادة السرعة يعنى تزود السرعة يزيد الصوت تنزل بالسرعة تانى الصوت يقل

ممكن حضرتك تقولنا خطوات تظبيطها ايه من السيتنجزانا فاكر حاولت اعملها فى مره و ملاحظتش فرق فى علو الصوت لما بدوس بنزين

[MohammedAladel]

الخاصية اسمها speed تقريبا ويمكنك الاختيار من 0 إلى 5 درجات لعلو الصوت مع سير السيارة